Popular Bible Verses from Okutandika 6

షేర్ చేయి

MUKAMA yaayefuuza eki yaahangiire omuntu omu nsi, kandi kyamugwisa kubi omu mutima gwe.

MUKAMA yaareeba obubi bw'abantu buri bwingi omu nsi, na buri kiteekateeko ky'omumitima yaabo kiri kibi obutoosha.

Kwonka Noa we Ruhanga yaamugirira embabazi.

Oru nirwo ruzaaro rwa Noa. Noa akaba ari ohikiriire, otaine kabara omu busingye bwe. Noa yaaguma naagyenda na Ruhanga.

MUKAMA nikwo kugira ati: Ndyahwerekyereza abantu abu naahangire omu nsi, mbamareho, abantu n'enyamaishwa n'ebirikugyendesa enda, n'ebirikuguruka omu mwanya; ahabw'okuba nyefuurize eki naabihangiire.

Abantu ku baatandikire kukanya omu nsi, kandi baazaara abaishiki, abaana ba Ruhanga baareeba abaishiki b'abantu bari barungi; baashweramu abakazi boona abu baakunzire. MUKAMA yaagira ati: Omwoyo wangye tariguma naahakana n'abantu ebiro byona; ahakuba n'abantu-buntu; kandi emyaka yaabo eryaba igana na makumi abiri. Omu biro ebyo hakaba hariho abantu b'ebikaaka; kandi bwanyima y'ebyo abaana ba Ruhanga ku baashweire bahara b'abantu, baabazaaraho abaana; abaana abo nibo bantu b'amaani aba ira abaarangainwe.

Noa yaakora atyo, nka byona ebi Ruhanga yaamuragiire oku biri; kandi yaaba nikwo yaatwaza.

Ruhanga yaagambira Noa ati: Mmaririire kumaraho abaine omubiri boona; ahabw'okuba bareeteire ensi kwijura eiraro; reeba ndyabahwerekyereza hamwe n'ensi.

N'ahabw'ekyo oyekorere emeeri omu muti ogurikwetwa goferi, ocwemu ebishengye, ogisiigye koroto omunda n'enyima.

Ruhanga yaareeba ensi, kandi reeba, ekaba esiisikaire, ahakuba byona ebiine omubiri bikaba biherize kusiisikara omu mitwarize yaabyo.

Aha bintu byona ebiine amagara oryataasya bibiri bibiri ebya buri muringo, obirinde bigume naiwe bihuriire; biryaba ekishaija n'ekikazi.