Mateo 6 నుండి ప్రసిద్ధ బైబిల్ శ్లోకాలు

షేర్ చేయి

Saguwaꞌ iye subey pikilun bi sabab pagbayaꞌan Tuhanin duk sabab panuhut kinabayaꞌannen. Manjari urunganne du kaꞌam kēmon sukalbi inin.

Hangkan hep daꞌa kaꞌam magsuse sabab sumuhin, peggeꞌ ngaꞌekka hadja kasusehanbin. Sarang ne susebi sabab ellew inin.”

“Hangkan hep paꞌinku si kaꞌam: daꞌa kaꞌam magsuse sabab kaꞌellumanbin bang ine kinakanbin duk bang ine ininumbin supaya kaꞌam ellum, atawa sabab baranbin bang ine panemmekbin. Mahalgaꞌ pe hep umulin amban kinakan, duk mahalgaꞌ pe hep baranin amban semmek.

Saguwaꞌ bang kew ngampun, pī kew dem bilik duk tambelun gawangin duk ngampun kew si Tuhan, iye Samanu gaꞌi takitehin. Samanu inin, takitene du hininangnun duk tumbasanne du kew.

Bang kaꞌam ngampun subey kuweꞌ inin: ‘O Ammaꞌ, kaꞌu sama kami si surgaꞌin, karayaw pinagaddatan ēnnun weꞌ kēmon manusiyaꞌin. Karayaw weꞌ gaꞌi tiggel magbayaꞌ ne kew si kēmon manusiyaꞌ. Karayaw tinuhut kinabayaꞌannun tuꞌu si dunya sa maluꞌu si surgaꞌin.

Urunganun kami kinakan ellew inin.

Ampunun meꞌ duse kamihin kuweꞌ du isab pangampun kami meꞌ makaduse si kamihin.

Patalahun kami amban sassat duk elliganun kami amban nakuraꞌ seyitanin.’

“Peggeꞌ bang ampunbi duse saweꞌbin, inampun isab kaꞌam weꞌ Samabi si surgaꞌin.

Payamanun bi meꞌ manuk-manuk mapalayangin. Gaꞌi siye magtanem atawa magpagani duk gaꞌi siye magennaꞌ saguwaꞌ pakan Tuhanin siye. Bu kaꞌam, pasōng teꞌed kaꞌam mahalgaꞌ amban meꞌ manuk-manukin.

“Daꞌa kaꞌam magtipun alataꞌ tuꞌu si dunya peggeꞌ mura magkaꞌat. Makajari kakan mellek atawa ginahaꞌ, atawa tinangkew bang ilangkat lumaꞌin. Saguwaꞌ maghinang kaꞌam hāp supaya niyaꞌ katekkahanbi si surgaꞌ. Duk alataꞌbi iyan gaꞌi takakan mellek, gaꞌi ginahaꞌ duk gaꞌi tatangkew. Peggeꞌ antag-antag pangennaꞌanbi alataꞌbin, laꞌi isab patetegan ateybin.”

“Gaꞌ niyaꞌ daraꞌakan makajari magbanyagaꞌ si duwe amu, peggeꞌ kabunsihanne iyan dambuwaꞌin duk kalasahanne dambuwaꞌin, atawa tuhutne teꞌed dambuwaꞌin duk gaꞌi asipne dambuwaꞌin. Bang pilakin mamahalgaꞌ si kaꞌamin, gaꞌi kaꞌam makajari maghinang isab si Tuhan.

Bang Tuhanin tapasemmekanne pahāp-hāp meꞌ sumping sabetin bu gaꞌi du siye natas, ellum siye kuweꞌitu, pagsumu ineggas, na, kaꞌam pe gaꞌi tapasemmekanne? Asal kulang sandelbi si Tuhanin.

Saguwaꞌ kaꞌam, bang kaꞌam ngurung si meꞌ aꞌa miskin, daꞌa kaꞌam magaka-aka bisan si bagaybi manamalin duk gaꞌi kataꞌuhan pangurungbin. Samabi si surgaꞌin kataꞌuhanne hininangbin bisan sipuk duk tumbasanne du kaꞌam.”

“Pahatul-hatul kaꞌam, daꞌa kaꞌam maghinang hāp supaya hadja kaꞌam takite weꞌ aꞌa. Peggeꞌ bang hinangbi inin supaya hadja kaꞌam takite weꞌ aꞌa, gaꞌ niyaꞌ tumbasbi amban Tuhanin, Samabi si surgaꞌin.

“Bang kaꞌam muwase, daꞌa kaꞌam kuweꞌ bantuk suse kuweꞌ meꞌ aꞌa magmā-māhin hadja. Peggeꞌ bang siye muwase, gaꞌi siye ngulaꞌup atawa magsugley supaya takite weꞌ aꞌa weꞌ magpuwase siye. Sabennal akahante kaꞌam, bang siye pudji aꞌa, katumbasan ne siye duk iye miyaꞌan tumbas si siyehin. Saguwaꞌ bang kaꞌam muwase, ngulaꞌup kaꞌam duk maglanuꞌ-lanuꞌ kaꞌam supaya gaꞌi kataꞌuhan sinduwehin weꞌ muwase kaꞌam. Samabi gaꞌi takitehin, takitene du hininangbin duk tumbasanne du kaꞌam.”