Mateo 2 నుండి ప్రసిద్ధ బైబిల్ శ్లోకాలు

షేర్ చేయి

Ubus padiyalem siye si lumaꞌ miyaꞌan duk takitede nakanakin duk saꞌinen Mariyam. Pasujud siye duk pinudji weꞌ de nakanakin. Lukade pangisihanden duk urungande iye bulawan, kamanyan duk isellan bengngi inēnan mira.

Inanakan si Isa si puweblo Betlehem si lahat Yahudiya masa si Herod sultanin. Gaꞌ tiggel, niyaꞌ meꞌ aꞌa tekka pī si puweblo Awrusalam amban lahat silangan. Meꞌ aꞌa inin inadjiꞌan weꞌ de meꞌ poteꞌanin. Pagtekkade laꞌi magtilew siye, paꞌinde, “Ingge nakanak baꞌahu inanakanin, iye ujud manjari sultan meꞌ Yahudihin? Peggeꞌ niyaꞌ takite kami poteꞌan paguwaꞌ laꞌi si silangan duk poteꞌan miyaꞌan tandaꞌ weꞌ inanakan ne iye duk pitu kami mudji iye.”

Manjari, pagubus sultanin missā, lumengngan ne meꞌ aꞌa amban silangan miyaꞌan. Sābude maglengnganin, takitede balik poteꞌan bakas takitede si lahat silanganin. Pagkitede poteꞌanin sinna teꞌed siye manamal. Patuhut siye si poteꞌanin, ubus bu pahali poteꞌanin si atag palaꞌihan nakanakin.

Ubus inin inakahan siye weꞌ Tuhanin diyalem taginepde, gaꞌi siye dinaꞌak balik pī pu si Herod. Manjari moleꞌ siye, nuhut lān seddili. Manjari paglumikut ne siye, paguwaꞌ malaꞌikat Tuhanin pu si Yusup diyalem taginepne, paꞌinne, “Iyuꞌ sōng daꞌak si Herod piniha nakanakin dinaꞌak pinapatey. Dongaꞌ kew, eddoꞌun nakanakin duk Mariyam, saꞌinen, bu lahi kaꞌam hap lahat Misil. Patennaꞌ kaꞌam laꞌi samantaꞌan gaꞌi pe kaꞌam daꞌakku tahalaꞌ billaꞌi.”