Luka 8 నుండి ప్రసిద్ధ బైబిల్ శ్లోకాలు

షేర్ చేయి

Koma mbuto ziponela pa nthaka iweme zala zutanthauza ŵanthu akumvwa Malizu ŵa Mulungu, noŵasunga mu mtima wa vyendi na uweme, nipo okoselela notwala votwala.”

Mbuto zoponela pa minga zala zutanthauza ŵanthu akumvwa Malizu ŵa Mulungu, koma pa vuli pake nkhawa, cuma, nipo votemwesha va moyo uno vuŵalekesha, nipo votwala vawo vutangʼalini.

Mbuto zoponela pa mwala ni zala zutanthauza ŵanthu akumvwa Malizu ŵa Mulungu, noŵapokela na cimwemwe. Lomba pakuti aliye mizyu yozama, oyingocetekela pa nsita itontho tyala, mwakuti pa nsita yoyesewa, oleka kucetekela.

Tetyo, Yesu eŵakonsha kuti, “Kansi cicetekelo canu cili kuni?” Koma ŵeve ekatiwa na wowa nokanganishiwa, nokonshana kuti, “Kansi wamene uyu ni munthu wotyani? Wakuti oyingolamulila mphepo na manzi vumvwila cendi.”

Mbuto zoponela mu njila zala zutanthauza ŵanthu akumvwa Malizu ŵa Mulungu. Koma Satana owela, nofumya malizu ŵala mu mitima mwawo, kuyopa kuti angacetekele nopulumuka.

Pala cinthu ciliconse cofisika cizeciwululike, nipo va cisinsi vizeviziŵike nowonekela patuŵa.

Mwanakazi wala peciwona kuti angalifiselini soti, ewela motutumila nolipoza pa mendo pa Yesu. Elaŵila pa menso pa ŵanthu wonse ŵala cikomo cecikumyila Yesu, nipo soti mwamene mwecicilila nsita yamene iyo. Apo Yesu emuwuzya kuti, “Wewo mwana wangu, cicetekelo cako cakupozya. Nkhoya mu mtendele.”

Pamene apo asambili ŵala ewela kwa Yesu nomuwusha, elaŵila kuti, “Asikulu, Asikulu, tumbila!” Yeve ewuka, nocimula mphepo iyo na matambazi ŵa mphamvu. Vileka cendi nipo penkhala celele.