Maki 12 నుండి ప్రసిద్ధ బైబిల్ శ్లోకాలు

షేర్ చేయి

Afi geʼnigenoʼaeʼmo, hogote keʼaepa gemo haneʼniyana, Isaleli vayaʼmogitapamo afiyo, huno, Ala kava neʼmo Gotitimoʼmo maiʼniye. Ala kava neʼmo magoke vekamo maiʼniye. Lapakaemo Ala kava neʼmo Gotitapimofeʼmo muki lapaipafatinagi muki lapagupi mafaʼnefatinagi muki lapakesa afi yatapifatinagi muki lapaya mufafatinagi huno lapaino. Ani gemo hogote keʼaepa gemo haneʼniye, huno huteno, Lole keʼaepa gemoʼa hunoʼaeʼmo, lapakaitapieʼmo lapau lapayamopafiʼmo nelapaiya agufa kavaʼmo huno lapaopaleʼmo maiʼnaya vayaʼaifeʼmo lapaino, huno huʼniye. Huno hutenoʼaeʼmo, mani lole keʼaepa gelaʼmoʼa muki keʼaepa geʼamo ago aeno aga seʼniye, huno ha paiʼniye.

Agaemo geʼamo neʼafiya vayaʼaifeʼmo ge huʼnigeʼa eʼnagenoʼaeʼmo, lama gemo lapa nepauve, huno, mani kogu akanomo kagemi yaʼamo ohaneʼniya kogu aʼmoʼa huʼniya monimoʼmo muki vayaʼamogimo huʼnaya monimo ago aeno aga seʼniye. Muki vayaʼamogimo alopa moniʼapimo maleʼnaya yapatiʼmo alini eʼa ofalini huʼnayaʼmonanafa agaemo moniʼamo ohaneʼniya yapatiʼmo neʼyaʼamo miya faino nesiya monimo ataleno hano huʼniye, huno hapa paiʼniye.

Yesuʼa Yu vayaʼai alopa mono nopiʼmo uno haino ofalini monimo neʼmalaya kesimo haopaleʼmo fai maiʼnigeʼa asole vayaʼmogimo monimo ofalini huʼnageno apakeʼniye. Mago kogu akanomo kagemi yaʼamo ohaneʼniya kogu aʼmoʼa eno lole sagalifa monimo huʼnigeno ageʼniye.

Agaefeʼmo muki laipafatinagi muki lapagupi mafaʼnefatinagi muki laune lamepatinagi muki laya mufafatinagi huno lahauʼnisigeta lagaitieʼmo lahau layamopafiʼmo nelahaiya kava huta lahaopaleʼmo maiʼnaya vayaʼaifeʼmo lahaisiya kavaʼmoʼa afumo amagita atafiʼmo kaeta Gotina ofalinimo amige alu ofalinimo amige hisuna kavaʼmo ago aeno aga seʼniye, huno huʼniye.

Sisa yaʼamo Sisana amitetapa Goti yaʼamo Gotina amiyo, huno hapa paiʼnigeʼa hapau aiʼnae.