Popular Bible Verses from Zenez 1

షేర్ చేయి

Apre, Bondye ti dir: Annou kree et imen dan nou limaz e dan nou resanblans. I ava soumet anba son dominasyon, tou pwason dan lanmer, tou zwazo dan lesyel ek tou bann zannimo lo later! Alor, Bondye ti kree et imen dan son limaz; dan limaz Bondye i ti kree zot, zonm ek fanm.

Bondye ti beni zot. I ti dir: Zot ava fer zanfan, zot ava ogmante e ranpli later; zot ava soumet anba zot dominasyon, tou pwason dan lanmer, tou zwazo dan lesyel ek tou zannimo ki bouze lo later!

O konmansman, Bondye ti kree lesyel ek later.

Later ti san okenn laform e vid; partou ti fernwanr. Lespri Bondye ti bouze par lao delo.

Alor, Bondye ti dir: I ava annan lalimyer. E lalimyer ti aparet.

Bondye ti regard tou sa ki i ti'n fer; tou ti tre bon. Aswar ti fer, lizour ti arive. Sa ti sizyenm zour.

Bondye ti war ki lalimyer ti bon e i ti separ lalimyer avek fernwanr.

Bondye ti dir: Mon donn zot, tou plant avek lagrenn lo later ek tou pye ki raport fri avek lagrenn ladan. Zot ava servi tousala pour zot nouritir.

Bondye ti apel lalimyer lizour, e fernwanr aswar. Aswar ti fer e apre, lizour ti arive. Sa ti premye zour.

Alor, Bondye ti dir: I ava annan en twa pour separ bann delo!

Mon donn tou verdir koman nouritir pour tou bann zannimo lo later, pour tou bann zwazo e pour tou bann kreatir ki annan lavi lo later. Sa ti arive.

Alor, Bondye ti dir: I ava annan bann lalimyer dan lesyel pour separ lizour avek aswar; zot ava servi koman siny pour endik bann lafet, bann zour ek bann lannen.

Apre, Bondye ti dir: Later ava prodwir verdir, bann plant ki annan lagrenn dapre sak lespes, bann pye dibwa ki aport fri avek lagrenn ladan dapre sak lespes! Sa ti arive.

Bondye ti separ delo an de parti: Bann delo ki ti anba avek bann delo ki ti lao. Sa ti arive.

Later ti prodwir verdir: Bann plant avek lagrenn dapre sak lespes, e bann pye dibwa ki aport fri avek lagrenn ladan dapre sak lespes. Bondye ti war ki sa ti bon.

Bondye ti fer de gran lalimyer: Sa pli gran lalimyer, soley, pour kontrol lizour e sa pli pti lalimyer, lalin, pour kontrol aswar. I ti osi fer bann zetwal.

Alor, Bondye ti dir: Bann delo ki anba lesyel ava rasanble dan en sel landrwa e later ferm ava aparet! Sa ti arive. Bondye ti apel landrwa ferm later, e delo ki ti'n rasanble ansanm, lanmer. Bondye ti war ki sa ti bon.

Bondye ti beni zot. I ti dir: Zot ava ogmante e ranpli delo lanmer, e bann zwazo ava ogmante lo later!

Alor, Bondye ti dir: Later ava prodwir bann et vivan dapre sak lespes: Zannimo domestik, pti bebet, zannimo sovaz, sakenn dapre son lespes. Sa ti arive.

Bondye ti dir: Bann delo ava ranpli avek toudsort kreatir vivan, e i ava annan bann zwazo ki anvole dan lesyel par lao sirfas later!

Bondye ti kree tou kalite zannimo dapre sak lespes: Zannimo sovaz, dapre sak lespes, zannimo domestik, dapre sak lespes, bann pti bebet, dapre sak lespes. Bondye ti war ki sa ti bon.