Halia - 2020 WBT (NT) Non Drama

<div class="version vid955 iso6393hla" data-vid="955" data-iso6393="hla">
 <div class="book bkJHN">
 <div class="chapter ch7" data-usfm="JHN.7">
 <div class="label">7</div><div class="s">E Iesu na u toulanen</div><div class="p"> 1Ba i murinen be Iesu e hula lana iahana a provins i Galili. Nonei ema ngilin lauai tara provins i Judia, taraha a pal kapan turu Jiu i Judia i sake lan ta maroro tegi mar atung hamate sila menaien. 2A p&#246;ata tara Kannouna tara Taluhu e sukusuku hamanasa. 3Ba u toulana e Iesu e poeier i tanen, &#8220;La ban a han teka bal&#246; te lauam i Judia ba u katunun tsitsilo i tam&#246;l&#246; te tatei tara haseier a man mirakol te katoe m&#246;l&#246;, 4taraha, a katuun te ngilena u katuun hoboto egi atei sileien ema tatei kui momous nei. Te antunan kato hamana namia l&#246; a man mirakol, ba l&#246; te katoe men i matar u katuun hoboto!&#8221; 5U toulana e Iesu i mar ranga uu teka, taraha nori ima hamaneien. 6Be Iesu e poeiena i taren, &#8220;A p&#246;ata i tar ema butu noa nei, kaba a mamana p&#246;ata a man p&#246;ata i tamilimiou. 7U katuun i puta ema antunan omi rari limiou, kaba nori e omie riou lia, taraha alia e hatei ragien te omi uana a markato i taren. 8La mula tara kannou. Alia ema antunan la noagi tara kannou, taraha a p&#246;ata i tar ema butu hakapa noa nei.&#8221; 9Nonei e ranga hakapa uu teka ba nonei e gamon kana i Galili.</div><div class="s">E Iesu e la uu tara kannouna tara man taluhu</div><div class="p"> 10Ba i murina ti la hakapaia u toulanen tara kannou, be Iesu e la hasina. Kaba nonei ema la silaia ti kaia u katuun. E m&#246;a. Nonei e tataala hamous koru. 11U Jiu i sake la naien tara kannou me poeier, &#8220;Ime te ka nen, alimiou e tara hase mula e Iesu?&#8221; 12Iahana u gonogono u katuun i hahasi sil hoboti e Iesu. A palai i taren i pei, &#8220;Nonei a katuun a niga,&#8221; ba palai te poeier, &#8220;E m&#246;a. Nonei e gamo rena u katuun.&#8221; 13U katuun ima ranga halakasa nai a solona e Iesu turu katuun hoboto taraha, nori i matoutir a pal kapan turu Jiu. 14A kannou e solon la hagusgusuna noa be Iesu e la uana tara Luman Lotu Pan ba nonei ena tanian hatuts rena u katuun. 15A pal kapan turu Jiu i asingoto koruni a man ranga i tanen me poeier, &#8220;Nonei e mar atei sil menanei a manka teka ime? Nonei ima mala hatutse ii.&#8221; 16Be Iesu e poeiena i taren, &#8220;U hihatuts teka ema ka uanei i tar. U hihatuts teka e la nama tere Sunahan, nonei te hala na moulia. 17A katuun te ngilin kukuteiena u raranga tere Sunahan e atei sil peise nou u hihatuts teka e la nama tere Sunahan tsi e la peisa nama i tar. 18A katuun te ranga peisa mena u ngil i tanen e ngilin hapan nena a peisanen. Kaba a katuun te ngilin hapan nena a katuun te haleie men, e ranga hamanana, nonei ema gamo nei. 19E Mosis e hala rai limiou a man Lo tere Sunahan. Kaba e m&#246;a ta t&#246;a i tamilimiou tega kukutie a man Lo teka. Aha te sake silemi limiou ta maroro tego mar atung hamate memi limiou alia?&#8221; 20Ba u katuun e ranga palise ren me poeier, &#8220;Al&#246; e momol&#246; korum! E m&#246;a ta katuun tega ngilin atung hamate naiou l&#246;!&#8221; 21Be Iesu e ranga palis ranen me poeiena, &#8220;Alia u katoe u t&#246;a u mirakol ba limiou ema hanigami, taraha alia u katoeien turu Lan u G&#246;agono. 22E Mosis e hala rai limiou a markato na te hap&#246; uar na#7:22 Turu hat&#246;alina u lan ti poseia a pien ba nonei te hap&#246; ner. Noa hasina te lame neien u lan u G&#246;agono, a ka teka i kato noahasi, nori i kute hatagala korui u Lo tere Mosis. limiou e katoemen turu lan u G&#246;agono, taraha a Lo tere Mosis e ranga nena a katuun ega katoe a ka teka, noahasina te butunen turu Lan u G&#246;agono. (A markato teka e taniama turu tubumilimiou i mam tara p&#246;ata tere Mosis.) 23Te butuna a p&#246;atan hip&#246; teka turu Lan u G&#246;agono, alimiou e kato noahase men, taraha alimiou ema ngilin peko nami a man Lo tere Mosis. Ge hana balimiou te raharahe moulia te kato haniga pouts menagi lia a tuenreina a katuun turu Lan u G&#246;agono? 24Alimiou goma onemi temar tara uana a katuun. E m&#246;a. Alimiou go oneiam a ka tara maroro a matsk&#246;.&#8221;</div><div class="s">E Iesu nonei e Mesaia?</div><div class="p"> 25Ba palair u katuun ti kaia i Jerusalem e rangar me poeier, &#8220;A katuun teka te ngilin atung hamate ner? 26Tara! Nonei e ka noa hasina na nonei e rangana turu katuun hoboto, kaba pal kapan ema hapiou narien! A pal kapan toum e atei siler nonei hamana e Mesaia, a katuun te hop&#246; kapiin e Sunahan? 27P&#246;ata tena la nama romana e Mesaia, ara ema atei sile roi ime te lana men.&#8221; 28-29Be Iesu e ranga hapan koru mena te hihatuts uen tara Luman Lotu Pan be poeiena, &#8220;Alimiou e poe hamana korue miou alimiou e atei sile moulia na ime tu la malia? Alia uma la peisa memei u ngil i tar, kaba esi te haleie moulia te manana, kaba limiou ma atei sile mien. Alia e atei sil megien. Taraha, alia u lama i tanen na nonei e tula namoulia ba lia e laguma.&#8221; 30Ba nori e pats pile kap naren, kaba nori ima pile naien, taraha a p&#246;ata i tanen e ka noana. 31Kaba u katuun u parpara i hamanaia i tanen ba nori e poeier, &#8220;Te la nama romana e Mesaia, nonei e kato hase nou tu mirakol tu parpara bate kato salsaluhenou te markato uana a katuun teka?&#8221;</div><div class="s">A pal kapan i torohanan pilein e Iesu</div><div class="p"> 32U Parasi i hengoen timar hahasi sil menai u katuun e Iesu, ba nori na u tsunono pan turu lotu e tula rarima u polis tara Luman Lotu Pan egimi pile kap naien. 33Be Iesu e poeiena turu katuun, &#8220;Alia e gamon ka gono mera gou limiou, balia te la pouts uagou tara han tu la ma lia. 34Alimiou e sake mou lia romana, kaba limiou ema sabie moi lia. Na han tena ka goua lia, alimiou ema antunan la uamoi i tanen.&#8221; 35Ba pal kapan turu Jiu e hiarangrangatar me poeier, &#8220;Ime te katsin la uana a katuun teka bara tema tatei sabie roien? Nonei e katsin la toum uana turu Jiu te ka kalakala ria turu han i lehana batena hatuts ranoien na u katuun has tema Jiu ri. 36I me temar mouna uana u ranga i tanen te poeiena, &#8216;Alimiou e lagi sakesake mou lia romana kaba limiou ema sabie moi lia,&#8217; na &#8216;ime te la uagu lia, alimiou ema antunan la mumei romana&#8217;?&#8221;</div><div class="s">A ramun olo na tara nit&#246;at&#246;a</div><div class="p"> 37Turu lan te kapaia a kannou, nonei u lan u kapan koru. Ba e Iesu e tuoluna me ranga hapan koru uana turu katuun me poeiena, &#8220;Te maka mia l&#246;, la uama i tar batemi uam. 38Taraha, u Buku u G&#246;agono e poeiena a katuun te hamanana i tar e here noi a ramun te olona, ba nonei te hala nena a nit&#246;at&#246;a turu katuun.&#8221; 39E Iesu e rangein u Namnamei tere Sunahan tega hala nema e Sunahan turu katuun ti hamanaia tere Iesu. Kaba e Sunahan ema hala noa namei u Namnamei i tanen, taraha nonei ema hapan noe nei e Iesu i Kol&#246;.</div><div class="s">U katuun i hula hakatsin e Iesu</div><div class="p"> 40P&#246;ata ti hengoeia u katuun u raranga teka ba palai e poeier, &#8220;Nonei e Iesu, a propet tega lama.&#8221; 41Ba palai e poeier, &#8220;Nonei e Mesaia.&#8221; Kaba palai i poe, &#8220;E Mesaia egoma la meia i Galili. E m&#246;a. 42U Buku u G&#246;agono e poeiena e Mesaia ega tuhanaia tara pala tere Devit. Nonei gi poseia i Betlehem, a taun te kaia e Devit.&#8221; 43Ba e ka tala mena u huol u ranga te lu kateir u katuun. 44A palair u katuun i ngilin pile kap naien, kaba e m&#246;a ta t&#246;a tega pile kap naien.</div><div class="s">A pal kapan turu Jiu i hahamana</div><div class="p"> 45Ba u polis tara Luman Lotu Pan e la pouts uar turu pris pan na u Parasi, ba nori e rangata raier u polis me poeier, &#8220;Aha tema lu memu mei limiou e Iesu?&#8221; 46Ba u polis e poeier, &#8220;E m&#246;a ta katuun tega mar ranga uu temar ranga uana a katuun teka.&#8221; 47Ba u Parasi e poeier, &#8220;Nonei e gamo ranamou limiou? 48E m&#246;a ta t&#246;a tara pal kapan tsi ta t&#246;a turu Parasi ega hamana uu i tanen. 49Kaba u katuun te hamana uar i tanen, nori e tutu ba ner a man Lo tere Mosis. E Sunahan e hahuna ranouen romana.&#8221; 50-51Be Nikodemus a t&#246;a Parasi, tena tara has bi e Iesu e rangata ranen, &#8220;A Lo i tarara e poeiena ara gima hala pinopino nai a nihahuna tara katuun. Aragi hengo mam buia i tanen bara te atei silera aha koru te katoeien.&#8221; 52-53Ba nori e rangate ren, &#8220;Al&#246; a toun Galili has? Na taratara hanigei u Buku u G&#246;agono bal&#246; te tara peisa mou, e m&#246;a ta propet ga butuma i Galili.&#8221; Ba u katuun e taker me la kalakalar.</div><div class="s">A tahol te kaka gono mei a taina tson</div>
 </div>
 </div>
</div>

Ba i murinen be Iesu e hula lana iahana a provins i Galili. Nonei ema ngilin lauai tara provins i Judia, taraha a pal kapan turu Jiu i Judia i sake lan ta maroro tegi mar atung hamate sila menaien. A pöata tara Kannouna tara Taluhu e sukusuku hamanasa. Ba u toulana e Iesu e poeier i tanen, “La ban a han teka balö te lauam i Judia ba u katunun tsitsilo i tamölö te tatei tara haseier a man mirakol te katoe mölö, taraha, a katuun te ngilena u katuun hoboto egi atei sileien ema tatei kui momous nei. Te antunan kato hamana namia lö a man mirakol, ba lö te katoe men i matar u katuun hoboto!” U toulana e Iesu i mar ranga uu teka, taraha nori ima hamaneien. Be Iesu e poeiena i taren, “A pöata i tar ema butu noa nei, kaba a mamana pöata a man pöata i tamilimiou. U katuun i puta ema antunan omi rari limiou, kaba nori e omie riou lia, taraha alia e hatei ragien te omi uana a markato i taren. La mula tara kannou. Alia ema antunan la noagi tara kannou, taraha a pöata i tar ema butu hakapa noa nei.” Nonei e ranga hakapa uu teka ba nonei e gamon kana i Galili.

Ba i murina ti la hakapaia u toulanen tara kannou, be Iesu e la hasina. Kaba nonei ema la silaia ti kaia u katuun. E möa. Nonei e tataala hamous koru. U Jiu i sake la naien tara kannou me poeier, “Ime te ka nen, alimiou e tara hase mula e Iesu?” Iahana u gonogono u katuun i hahasi sil hoboti e Iesu. A palai i taren i pei, “Nonei a katuun a niga,” ba palai te poeier, “E möa. Nonei e gamo rena u katuun.” U katuun ima ranga halakasa nai a solona e Iesu turu katuun hoboto taraha, nori i matoutir a pal kapan turu Jiu. A kannou e solon la hagusgusuna noa be Iesu e la uana tara Luman Lotu Pan ba nonei ena tanian hatuts rena u katuun. A pal kapan turu Jiu i asingoto koruni a man ranga i tanen me poeier, “Nonei e mar atei sil menanei a manka teka ime? Nonei ima mala hatutse ii.” Be Iesu e poeiena i taren, “U hihatuts teka ema ka uanei i tar. U hihatuts teka e la nama tere Sunahan, nonei te hala na moulia. A katuun te ngilin kukuteiena u raranga tere Sunahan e atei sil peise nou u hihatuts teka e la nama tere Sunahan tsi e la peisa nama i tar. A katuun te ranga peisa mena u ngil i tanen e ngilin hapan nena a peisanen. Kaba a katuun te ngilin hapan nena a katuun te haleie men, e ranga hamanana, nonei ema gamo nei. E Mosis e hala rai limiou a man Lo tere Sunahan. Kaba e möa ta töa i tamilimiou tega kukutie a man Lo teka. Aha te sake silemi limiou ta maroro tego mar atung hamate memi limiou alia?” Ba u katuun e ranga palise ren me poeier, “Alö e momolö korum! E möa ta katuun tega ngilin atung hamate naiou lö!” Be Iesu e ranga palis ranen me poeiena, “Alia u katoe u töa u mirakol ba limiou ema hanigami, taraha alia u katoeien turu Lan u Göagono. E Mosis e hala rai limiou a markato na te hapö uar na limiou e katoemen turu lan u Göagono, taraha a Lo tere Mosis e ranga nena a katuun ega katoe a ka teka, noahasina te butunen turu Lan u Göagono. (A markato teka e taniama turu tubumilimiou i mam tara pöata tere Mosis.) Te butuna a pöatan hipö teka turu Lan u Göagono, alimiou e kato noahase men, taraha alimiou ema ngilin peko nami a man Lo tere Mosis. Ge hana balimiou te raharahe moulia te kato haniga pouts menagi lia a tuenreina a katuun turu Lan u Göagono? Alimiou goma onemi temar tara uana a katuun. E möa. Alimiou go oneiam a ka tara maroro a matskö.”

Ba palair u katuun ti kaia i Jerusalem e rangar me poeier, “A katuun teka te ngilin atung hamate ner? Tara! Nonei e ka noa hasina na nonei e rangana turu katuun hoboto, kaba pal kapan ema hapiou narien! A pal kapan toum e atei siler nonei hamana e Mesaia, a katuun te hopö kapiin e Sunahan? Pöata tena la nama romana e Mesaia, ara ema atei sile roi ime te lana men.” Be Iesu e ranga hapan koru mena te hihatuts uen tara Luman Lotu Pan be poeiena, “Alimiou e poe hamana korue miou alimiou e atei sile moulia na ime tu la malia? Alia uma la peisa memei u ngil i tar, kaba esi te haleie moulia te manana, kaba limiou ma atei sile mien. Alia e atei sil megien. Taraha, alia u lama i tanen na nonei e tula namoulia ba lia e laguma.” Ba nori e pats pile kap naren, kaba nori ima pile naien, taraha a pöata i tanen e ka noana. Kaba u katuun u parpara i hamanaia i tanen ba nori e poeier, “Te la nama romana e Mesaia, nonei e kato hase nou tu mirakol tu parpara bate kato salsaluhenou te markato uana a katuun teka?”

U Parasi i hengoen timar hahasi sil menai u katuun e Iesu, ba nori na u tsunono pan turu lotu e tula rarima u polis tara Luman Lotu Pan egimi pile kap naien. Be Iesu e poeiena turu katuun, “Alia e gamon ka gono mera gou limiou, balia te la pouts uagou tara han tu la ma lia. Alimiou e sake mou lia romana, kaba limiou ema sabie moi lia. Na han tena ka goua lia, alimiou ema antunan la uamoi i tanen.” Ba pal kapan turu Jiu e hiarangrangatar me poeier, “Ime te katsin la uana a katuun teka bara tema tatei sabie roien? Nonei e katsin la toum uana turu Jiu te ka kalakala ria turu han i lehana batena hatuts ranoien na u katuun has tema Jiu ri. I me temar mouna uana u ranga i tanen te poeiena, ‘Alimiou e lagi sakesake mou lia romana kaba limiou ema sabie moi lia,’ na ‘ime te la uagu lia, alimiou ema antunan la mumei romana’?”

Turu lan te kapaia a kannou, nonei u lan u kapan koru. Ba e Iesu e tuoluna me ranga hapan koru uana turu katuun me poeiena, “Te maka mia lö, la uama i tar batemi uam. Taraha, u Buku u Göagono e poeiena a katuun te hamanana i tar e here noi a ramun te olona, ba nonei te hala nena a nitöatöa turu katuun.” E Iesu e rangein u Namnamei tere Sunahan tega hala nema e Sunahan turu katuun ti hamanaia tere Iesu. Kaba e Sunahan ema hala noa namei u Namnamei i tanen, taraha nonei ema hapan noe nei e Iesu i Kolö.

Pöata ti hengoeia u katuun u raranga teka ba palai e poeier, “Nonei e Iesu, a propet tega lama.” Ba palai e poeier, “Nonei e Mesaia.” Kaba palai i poe, “E Mesaia egoma la meia i Galili. E möa. U Buku u Göagono e poeiena e Mesaia ega tuhanaia tara pala tere Devit. Nonei gi poseia i Betlehem, a taun te kaia e Devit.” Ba e ka tala mena u huol u ranga te lu kateir u katuun. A palair u katuun i ngilin pile kap naien, kaba e möa ta töa tega pile kap naien.

Ba u polis tara Luman Lotu Pan e la pouts uar turu pris pan na u Parasi, ba nori e rangata raier u polis me poeier, “Aha tema lu memu mei limiou e Iesu?” Ba u polis e poeier, “E möa ta katuun tega mar ranga uu temar ranga uana a katuun teka.” Ba u Parasi e poeier, “Nonei e gamo ranamou limiou? E möa ta töa tara pal kapan tsi ta töa turu Parasi ega hamana uu i tanen. Kaba u katuun te hamana uar i tanen, nori e tutu ba ner a man Lo tere Mosis. E Sunahan e hahuna ranouen romana.” Be Nikodemus a töa Parasi, tena tara has bi e Iesu e rangata ranen, “A Lo i tarara e poeiena ara gima hala pinopino nai a nihahuna tara katuun. Aragi hengo mam buia i tanen bara te atei silera aha koru te katoeien.” Ba nori e rangate ren, “Alö a toun Galili has? Na taratara hanigei u Buku u Göagono balö te tara peisa mou, e möa ta propet ga butuma i Galili.” Ba u katuun e taker me la kalakalar.

వినండి Jon 7