If you would like a copy of this version please contact info@davaraudiobibles.org

Guinea-Bissau Creole New Testament

<div class="version vid3461 iso6393pov" data-vid="3461" data-iso6393="pov">
 <div class="book bkJHN">
 <div class="chapter ch1" data-usfm="JHN.1">
 <div class="label">1</div><div class="s">Palabra di Deus</div><div class="p"> 1Antis di mundu kumpudu, kil ki Palabra#Kap 14.9-10; 17.5,11,22; Dit 8.22,30; 2 Kor 4.4; Fil 2.6; Kol 1.15,17; Titu 2.13; 1 Jon 1.1; Apok 19.13 i tenba ja; i staba ku Deus, i seduba mesmu Deus. 2El i staba ku Deus na kumsada. 3Deus fasi tudu kusa#Kap 1.10; 1 Kor 8.6; Kol 1.16-17; Eb 1.2 pa meiu del; i ka ten nada ku fasidu sin el. 4I nel ku vida staba; ki vida i seduba lus#Kap 8.12; 9.5; 12.35,46; 14.6; 1 Jon 5.11 di omis. 5Lus numia#Kap 3.19 na sukuru; sukuru ka nga&#241;al.</div><div class="p"> 6I tenba un omi ku Deus manda; si nomi#Mal 3.1; Mat 3.1 i Jon. 7Ki Jon i bin suma tustumu&#241;a pa konta#At 19.4 aserka de lus, pa tudu jinti pudi fia pabia di si palabra. 8Jon i ka seduba#At 13.25 lus, ma i bin pa konta aserka di ki lus. 9Ki Palabra seduba lus di bardadi#Is 49.6; 1 Jon 2.8 ku bin na mundu pa numia tudu jinti. 10I staba na mundu; Deus kumpu mundu pa meiu#Kap 1.3 del, ma mundu ka kunsil. 11I bin pa si propi tera; si jinti#Luk 19.14; At 13.46 ka setal, 12ma tudu jinti ku setal, kilis ku fia na si nomi, i da elis diritu di sedu fijus#Rom 8.15; Gal 3.26; 1 Jon 3.1 di Deus. 13E ka sedu fijus di Deus pabia e padidu suma di kustumu, nin di se propi vontadi, nin di vontadi di omi, ma e padidu#Kap 3.5; Tia 1.18; 1 Ped 1.23; 1 Jon 3.9 na familia di Deus.</div><div class="p"> 14Kil ki Palabra i bida#Mat 1.20,23; Luk 1.35; Rom 1.3-4; Gal 4.4; 1 Tim 3.16; Eb 2.14 omi; i mora na no metadi, incidu di grasa ku bardadi. No oja#Kap 2.11; Mat 17.2; Kol 1.19; 2.9; 2 Ped 1.17; 1 Jon 1.1 si gloria, ku seduba gloria di ki un Fiju son di si Pape.</div><div class="s">Tustumu&#241;u di Jon Batista</div><div class="r">(Mat 3.1-12; Mar 1.1-8; Luk 3.1-18)</div><div class="p"> 15Jon papia ku vos altu aserka di Jesus, i fala: &#8220;Es li i kil ku N fala bos: &#8216;Kil ku na bin dipus di mi i mas#Kap 1.30; 3.31; 8.58; Mat 3.11; Kol 1.17 mi, pabia el i seduba purmeru di ki mi.&#8217; &#8221; 16Anos tudu no risibi di si rikesa; i danu benson ripitidu. 17Lei daduba#Sai 20.1; 24.3 pa meiu di Mois&#233;s; grasa#Rom 3.24; 5.21; 6.14 ku bardadi#Kap 14.6 bin pa meiu di Jesus Kristu. 18Te aos ningin ka oja#Kap 5.37; 6.46; 14.9; Sai 33.20; Lei 4.12; 1 Tim 1.17; 6.16; 1 Jon 4.12,20 Deus; si Fiju un son ku sta juntu ku si Pape i pui pa no kunsil.</div><div class="p"> 19Es i tustumu&#241;u#Kap 5.33 di Jon, oca ku &#349;efis di judeus di Jerusalen manda saserdotis ku levitas pa e puntal kin ki el. 20Jon ka nega ruspundi, i konta klaru: &#8220;Ami i ka#Kap 3.28; At 13.25 Mesias.&#8221; 21E puntal: &#8220;Nta abo i kin? Abo i#Mal 4.5; Mat 17.10-13; Luk 1.17 Elias?&#8221; I ruspundi: &#8220;Ami i ka el.&#8221; E punta: &#8220;Abo i ki#Kap 6.14; 7.40; Lei 18.15,18 anunsiadur ku dibi di bin?&#8221; I ruspundi: &#8220;Nau.&#8221; 22E falal: &#8220;Kontanu abo i kin, pa no pudi da rasposta pa kilis ku mandanu. Ke ku bu fala di bo propi?&#8221; 23Jon ruspundi ku palabra di anunsiadur Isaias, i fala:</div><div class="q1">&#8220;Ami i vos#Is 40.3 ku na grita na lala, i fala:</div><div class="q1">&#8216;Bo filanta kami&#241;u pa Si&#241;or.&#8217; &#8221;</div><div class="p"> 24Utru jinti ku mandaduba pa bin papia ku Jon e seduba membrus di un grupu rili&#7825;iosu ku comadu fariseus. 25E puntal: &#8220;Pabia di ke ku bu na batisa si bu ka sedu nin Mesias, nin Elias, nin ki anunsiadur?&#8221; 26Jon ruspundi elis i fala: &#8220;Ami N ta batisa#Mat 3.11; At 19.4 ku yagu, ma i ten algin na bo metadi ku bo ka kunsi. 27Ki algin i na bin dipus di mi. Ami N ka mersi dismanca korda di si sandalia.&#8221;</div><div class="p"> 28E kusas kontisi na Bet&#226;nia,#1.28 Bet&#226;nia o Bet-Bara (&#348;ef 7.24) na utru banda di riu Jordon, nunde ku Jon na batisaba.</div><div class="p"> 29Oca sol mansi, Jon oja Jesus na bin pa el, i fala: &#8220;Ali karnel#Sai 12.3; Is 53.7,11; At 8.32; 1 Kor 5.7; 1 Ped 1.19; Apok 5.6-9 di Deus ku ta tira pekadu na mundu. 30I des li ku N falaba: &#8216;I na bin un omi &#241;a tras ki mas mi, pabia i seduba antis di mi.&#8217; 31Ami N ka kunsilba, ma N bin na batisa ku yagu pa pobu di Israel pudi kunsil.&#8221; 32Jon diklara: &#8220;N oja Spiritu#Mat 3.16 na ria di seu suma pumba, i para riba del. 33Ami N ka kunsilba, ma Deus ku mandan pa N batisa ku yagu i falan: &#8216;Kil ku bu oja Spiritu para riba del, i el ku na batisa ku Spiritu#Mat 3.11 Santu.&#8217; 34N bin ojal, N diklara kuma el i Fiju di Deus.&#8221;</div><div class="s">Purmeru disipulus di Jesus</div><div class="p"> 35Oca sol mansi, Jon staba utru bias na ki kau juntu ku dus di si disipulus. 36I oja Jesus na pasa, i fala: &#8220;Ali karnel#Kap 1.29 di Deus.&#8221; 37Ki dus disipulu obil i na fala; e bai janan tras di Jesus. 38Jesus vira kabesa pa tras, i oja ki disipulus na sigil, i punta elis: &#8220;Ke ku bo na buska?&#8221; E ruspundi: &#8220;Rabi&#8221; (ku signifika Mestre), &#8220;nunde ku bu mora?&#8221; 39Jesus ruspundi elis: &#8220;Bo bin jubi.&#8221; I seduba ja kuas kuatru ora di tardi. E bai, e oja nunde ku Jesus mora, e kabanta ki restu di dia ku el.</div><div class="p"> 40Un di ki dus ku obiba kil ku Jon fala, e bai tras di Jesus, i Andr&#233;, ermon di#Mat 4.18 Simon Pedru. 41Purmeru kusa ki fasi, i bai oja si ermon Simon, i falal: &#8220;No oja Mesias.&#8221; (E palabra signifika Kristu.) 42Andr&#233; leba si ermon Simon pa Jesus. Jesus jubi Simon, i falal: &#8220;Abo Simon, fiju di Jon, bu na ba ta comadu#Mat 16.18 Sefas.&#8221; (Es signifika Pedru o pedra.)</div><div class="s">Jesus coma Filip ku Natanael</div><div class="p"> 43Oca sol mansi, Jesus na baiba pa Galileia. I kontra ku un omi ku comadu Filip, i falal: &#8220;Bin no bai.&#8221; 44Filip seduba di#Kap 12.21 Betsaida, prasa di Andr&#233; ku Pedru. 45Filip oja#Kap 21.2 Natanael, i falal: &#8220;No oja kil ku Mois&#233;s skirbiba#Luk 24.27 na lei aserka del, ku anunsiaduris tambi fala del, ku sedu Jesus di#Mat 2.23; Luk 2.4 Nazar&#233;, fiju di Jos&#233;.&#8221; 46Natanael punta Filip: &#8220;Un kusa bon pudi sai#Kap 7.41-42,52 di Nazar&#233;?&#8221; Filip ruspundil: &#8220;Bin, bu ta jubi.&#8221;</div><div class="p"> 47Jesus oja Natanael na bin pa el, i falal: &#8220;Ali un israelita puru ku ka ten#Sal 32.2; Rom 2.28-29 finjimentu.&#8221; 48Natanael puntal: &#8220;Nunde ku bu kunsin nel?&#8221; Jesus ruspundil: &#8220;Antis di Filip comau, N ojau oca ku bu staba bas di figera.&#8221; 49Natanael ruspundil: &#8220;Rabi, abo i Fiju di#Kap 19.3; Mat 16.16; 21.9; 27.11 Deus! Abo i Rei di Israel!&#8221; 50Jesus puntal: &#8220;Bu fia pabia N falau kuma N ojau bas di figera? Bu na oja kusas mas garandi di ki es.&#8221; 51Dipus i fala: &#8220;N na konta bos bardadi, di gosi pa dianti bo na oja seu yabri; anjus di Deus na subi#Kum 28.12 e na ria riba di Fiju di omi.&#8221;</div>
 </div>
 </div>
</div>

Antis di mundu kumpudu, kil ki Palabra i tenba ja; i staba ku Deus, i seduba mesmu Deus. El i staba ku Deus na kumsada. Deus fasi tudu kusa pa meiu del; i ka ten nada ku fasidu sin el. I nel ku vida staba; ki vida i seduba lus di omis. Lus numia na sukuru; sukuru ka ngañal.
I tenba un omi ku Deus manda; si nomi i Jon. Ki Jon i bin suma tustumuña pa konta aserka de lus, pa tudu jinti pudi fia pabia di si palabra. Jon i ka seduba lus, ma i bin pa konta aserka di ki lus. Ki Palabra seduba lus di bardadi ku bin na mundu pa numia tudu jinti. I staba na mundu; Deus kumpu mundu pa meiu del, ma mundu ka kunsil. I bin pa si propi tera; si jinti ka setal, ma tudu jinti ku setal, kilis ku fia na si nomi, i da elis diritu di sedu fijus di Deus. E ka sedu fijus di Deus pabia e padidu suma di kustumu, nin di se propi vontadi, nin di vontadi di omi, ma e padidu na familia di Deus.
Kil ki Palabra i bida omi; i mora na no metadi, incidu di grasa ku bardadi. No oja si gloria, ku seduba gloria di ki un Fiju son di si Pape.


Jon papia ku vos altu aserka di Jesus, i fala: “Es li i kil ku N fala bos: ‘Kil ku na bin dipus di mi i mas mi, pabia el i seduba purmeru di ki mi.’ ” Anos tudu no risibi di si rikesa; i danu benson ripitidu. Lei daduba pa meiu di Moisés; grasa ku bardadi bin pa meiu di Jesus Kristu. Te aos ningin ka oja Deus; si Fiju un son ku sta juntu ku si Pape i pui pa no kunsil.
Es i tustumuñu di Jon, oca ku ŝefis di judeus di Jerusalen manda saserdotis ku levitas pa e puntal kin ki el. Jon ka nega ruspundi, i konta klaru: “Ami i ka Mesias.” E puntal: “Nta abo i kin? Abo i Elias?” I ruspundi: “Ami i ka el.” E punta: “Abo i ki anunsiadur ku dibi di bin?” I ruspundi: “Nau.” E falal: “Kontanu abo i kin, pa no pudi da rasposta pa kilis ku mandanu. Ke ku bu fala di bo propi?” Jon ruspundi ku palabra di anunsiadur Isaias, i fala:
“Ami i vos ku na grita na lala, i fala:
‘Bo filanta kamiñu pa Siñor.’ ”
Utru jinti ku mandaduba pa bin papia ku Jon e seduba membrus di un grupu riliẑiosu ku comadu fariseus. E puntal: “Pabia di ke ku bu na batisa si bu ka sedu nin Mesias, nin Elias, nin ki anunsiadur?” Jon ruspundi elis i fala: “Ami N ta batisa ku yagu, ma i ten algin na bo metadi ku bo ka kunsi. Ki algin i na bin dipus di mi. Ami N ka mersi dismanca korda di si sandalia.”
E kusas kontisi na Betânia, na utru banda di riu Jordon, nunde ku Jon na batisaba.
Oca sol mansi, Jon oja Jesus na bin pa el, i fala: “Ali karnel di Deus ku ta tira pekadu na mundu. I des li ku N falaba: ‘I na bin un omi ña tras ki mas mi, pabia i seduba antis di mi.’ Ami N ka kunsilba, ma N bin na batisa ku yagu pa pobu di Israel pudi kunsil.” Jon diklara: “N oja Spiritu na ria di seu suma pumba, i para riba del. Ami N ka kunsilba, ma Deus ku mandan pa N batisa ku yagu i falan: ‘Kil ku bu oja Spiritu para riba del, i el ku na batisa ku Spiritu Santu.’ N bin ojal, N diklara kuma el i Fiju di Deus.”

Oca sol mansi, Jon staba utru bias na ki kau juntu ku dus di si disipulus. I oja Jesus na pasa, i fala: “Ali karnel di Deus.” Ki dus disipulu obil i na fala; e bai janan tras di Jesus. Jesus vira kabesa pa tras, i oja ki disipulus na sigil, i punta elis: “Ke ku bo na buska?” E ruspundi: “Rabi” (ku signifika Mestre), “nunde ku bu mora?” Jesus ruspundi elis: “Bo bin jubi.” I seduba ja kuas kuatru ora di tardi. E bai, e oja nunde ku Jesus mora, e kabanta ki restu di dia ku el.
Un di ki dus ku obiba kil ku Jon fala, e bai tras di Jesus, i André, ermon di Simon Pedru. Purmeru kusa ki fasi, i bai oja si ermon Simon, i falal: “No oja Mesias.” (E palabra signifika Kristu.) André leba si ermon Simon pa Jesus. Jesus jubi Simon, i falal: “Abo Simon, fiju di Jon, bu na ba ta comadu Sefas.” (Es signifika Pedru o pedra.)

Oca sol mansi, Jesus na baiba pa Galileia. I kontra ku un omi ku comadu Filip, i falal: “Bin no bai.” Filip seduba di Betsaida, prasa di André ku Pedru. Filip oja Natanael, i falal: “No oja kil ku Moisés skirbiba na lei aserka del, ku anunsiaduris tambi fala del, ku sedu Jesus di Nazaré, fiju di José.” Natanael punta Filip: “Un kusa bon pudi sai di Nazaré?” Filip ruspundil: “Bin, bu ta jubi.”
Jesus oja Natanael na bin pa el, i falal: “Ali un israelita puru ku ka ten finjimentu.” Natanael puntal: “Nunde ku bu kunsin nel?” Jesus ruspundil: “Antis di Filip comau, N ojau oca ku bu staba bas di figera.” Natanael ruspundil: “Rabi, abo i Fiju di Deus! Abo i Rei di Israel!” Jesus puntal: “Bu fia pabia N falau kuma N ojau bas di figera? Bu na oja kusas mas garandi di ki es.” Dipus i fala: “N na konta bos bardadi, di gosi pa dianti bo na oja seu yabri; anjus di Deus na subi e na ria riba di Fiju di omi.”

వినండి Jon 1