Published by the British and Foreign Bible Society in 1880.

Nok no Iesos tsi tiononte Olivier niiahare.
Nok akȣa neok satontahentarenho sekon Onon-satokentikoȣane saraȣe akȣekon ok nonkȣeokon ȣa-honȣaiatorenne; nok Sahatien oni Sasakotati.
Nok ne ratiiatons oni ne Pharisian etho ȣakon-ȣaiatheȣe; tsiothonȣisen nehne kariȣaneraaksorakon konȣaiena.
Ȣahonȣenhase: Saianer! Kehiken tsiothonȣisen neh nakȣa ahonnhiserakon konȣaiena, kariȣaneraks-kȣe kentesera.
Kenh kati niiot tsi sonkȣariȣatati ne Moïs kaianerenserakon, naiontatenenhioiake netho niiakonnhise-roten: nahoten kati niso onsiron?
Neok se are ne ronȣaȣennisaks tsi neh ronton-hakȣe, nahatiriȣatsonri nahonȣariȣarho. Nok tanon ne Iesos, ȣathastsakete ehtake, nok rasnonsake ȣarale ȣahaiaton onȣentsiake.
Sekon ok nihonȣariȣanontonni, sahattakȣarisi, ȣasakaȣenhase: Onka tsinitsion nʼiah othenon tehori-ȣaneraaksoraicn, neh thatierent iehonenhionti.
Nok Sekon tonsahatsakete onȣentsiako sahahia-ton.
Neh kati nonen enhonronke neh nikaȣennoten, ȣahontatientereno ne raonerientakon; satiiatatshon-ha sahatiiakenne, neh taontierente nesenha rotiksten-ha tsiniiore akȣa iahontsahate; nese ȣaonni, iatonsa-haonhahaste ne Iesos tanon nekenh tsiotonȣison ehto katakȣe
Ethone no Iesos sahattakȣarisi, nok iah onka nakoren teseshakoken neok ne tsiothonȣisen, ȣaren-hase: tsi satlmnȣisen, kah niiahonne ne iesariȣar-hoskȣe? iah kenh onka teiesariȣcnton?
Tontakenron; iah onka, Saianer! Nok ne Iesos tontarenhase: iah ki oninii takonriȣente, ȣas, nok tosa saseriȣanerak.
Nok ne Iesos sekon are ionsahatati, ȣahenron: Ii ahosȣathesera tsi ionȣentsiate, iah tahontahokaraȣe nenhaknonteratie, neh tanon tenhosȣatheke ne ionnhe.
Ethone ne Pharisian ȣahonȣenhase, ȣahonniron: ok ise tisatateriȣanirati; iah tsi satekena naontaiako-takȣe ne sariȣaniratscra.
Iesos tontasakoȣennaȣoron, ȣahenron: etho nehne tsi ok ii tikatateriȣanirati, Satekena ki naonta-iakctakȣe nakcriȣanirntsera; aseken ȣakaterientare tsiniteȣakenon, tsi oni niiaonkenonhatie; iah tanon nise teseȣaterientarc kah niteȣakenon, kah oni ȣake.
Neh niso tescȣaiatoreta tsiniiorihoten noȣaronk: iah tanon onka nii tatek heiatoretta.
Nok ki sane ne takiatorete, iottakȣariȣion ki nakiatoretatsera: aseken iah teȣakonliaa; neh tanon in-kenikȣekonhatie ne Rakeniha, oni neh thakatorion.
Ieiohe eh niiot tsi kaiaton ne Seȣaianerensora-kon, tsi satekena na…taiaketakȣe kaȣenniioki ok neh sakat tsi iatrori ne teniiase.
Ii katateriȣanirati, nok oni ne Rakeniha ne thakatorion rakeriȣanirati oni neneh.
Ethono tontahonniron: kah nihenteron ne Ianiha? Iesos tontahariȣaserako: iah teseȣateriontare onka nii, iah oni ne Rakeniha; aseken naskȣaientori, atsiseȣaienteri ki oni neneh ne Kakeniha.
Tsi ieȣistaroroksta nonȣe nontahaȣenninekenne neh nikaȣennotens shisakotatis Ononsatokentiko-ȣane; iah ki tanon onka tehonȣaiena, netsi areko si-ieiotenniserihe ne raȣennisora.
Nok ne Iesos tontasakaȣenhase are. Skatention-he, nok enskȣaiatisake; nok kitanon seȣariȣanera-akserakon enseȣenheie: tsinonȣe ȣako, iah taesoȣa-kȣeni iaheseȣaȣe.
Rontonhakȣe kati ne Sitaeronon: Raonha onteken enhatateriio, tsi raton; tsinonȣe ȣake, iah taese-ȣakȣoni iaheseȣaȣe?
Ethone ȣasakaȣenhase: ehtake nise seȣanakere; nok tanon nii ehneken tkenakere: kentho nise tsion ȣentsiakeronon; iah tanon nii kentho tekonȣentsiake-ronon.
Nese ȣaonni kȣarori ȣakonh seȣariȣaneraak sera-kon enseȣaȣentane: aseken ne iah tentiseȣetakȣane tsi ii, seȣariȣaneraakserakon ki enseȣenheie.
Ethone tontahonniron: oh nise nasiatoten? nok ne Iesos tontasakaȣenhase: tsi ki niiot tsi kȣarori tsi tiotasaȣe.
Eso ȣakeriȣaien nakȣenhase oni nakȣariȣen-takȣe; ȣakaterientare ki tanon tsi roriȣatoken ne thakatorion, neh kati tsinahoten tsioni nikon riȣennaron-ken nehe sekheroris nonkȣeokon.
Iah tehotinikonraientaon tsi Roniha roton tsinahoten ȣahenron.
Tontahenron kati ne Iesos: tsi nentsiseȣaia takaratate nonkȣe Roienha ethone enseȣatokense tsi ii, tsi iah oni othenon nii teȣakaterienta tsi nikierha, neh tanon katroris tsinahoten ne Rakeniha rakerion-nienni.
Aseken iakenikȣekonhaties ne thakatorion: iah tehakateȣenteton ne Rakeniha; aseken tiotkon taho-nikonriiohonhatie tsini ȣakierenhatie.
Kentiokoȣanen tahonȣetakȣe tsinikariȣes rotha-rakȣe.
Nok ȣasakaȣenhaso ne Iesos tsinihati ne Sitaeronon thonetakȣen ne raonhake: Toka enseȣatiena-ȣaston nakeȣenna, oriȣiio tsi akitiokȣa enseȣaton:
Nok enseȣariȣaienterhane noriȣiio, nok neh noriȣiio enseȣanerensi.
Tontahonniron: ii ne tsi raȣatsiratatie nʼAbraham, nok iah nonȣenton onka teionkhinaskonni; oh kati niiotieren tsi saton; enseȣatnerensi?
Iesos tontasakoȣennaȣeron ȣahenron: oriȣiio akȣa oriȣiio tsi kȣaroris: onka kariȣaneren tsini ho-ierenhaties, kariȣanerenki ahostsenen tsi ronnhe.
Iah ȣahi tehenteron onȣe kanonskon ne ranas-kȣa; neh ȣahi ne Roienha renteron onȣe.
Tokat kati nonȣa nehne Roienha entsiseȣano-rensi, oriȣiioonȣeki tsi enseȣatnerensi.
Ȣakaterientare tsi Abraham raoȣatsire nise; nok ki sane seȣatenientens naskȣario, ne tsi iah tiiekaien-tas nakeȣenna ne Seȣerianeson.
Neh kȣarori tsinahoten ȣakatkatton Rakenineha; nok oni nise neh seȣaiotaties tsiniseȣatkaton netsise-ȣanihneha.
Tontahonȣaȣennaȣeron, nok ȣahonniron: Neh nakȣa Abraham sakȣaniha, Iesos tontahenron: Toka nonȣa Abraham etsiseȣaienhokonha akenhake, eh ki oni nise naheseȣaiere tsini hoieren nʼAbraham.
Kenh tanon nonȣa seȣariȣaiote naskȣario, ii enskat ne konkȣe neok kȣarori noriȣiio neh nakȣa Niiohne teȣakaronken: iah naha eh tehoieren nʼAbraham.
Neh ki hetsiseȣaȣeiennasere ne etsiseȣaniha. Tontahonniron: iah se ok tiionkhiiateȣeton: enskat ionkȣanisen, neh nakȣa nehne Niio.
Nok tanon tontahenron ne Iesos: Toka nonȣa Niio etsiseȣaniha akenhake, tiakariȣakenniate oriȣiio tsi askȣanoronkȣe, aseken Niiohne tesakiakenhon, nok raonhake niteȣakenon: aseken iah ok teȣakaten-nikonra tsi toȣakenon, raonha tanon thakatorion.
Oh kati niiotieren tsi iah teseȣanikonraientas tsini keȣennoten? neki tsi iah taeseȣakȣeni naeseȣa-taonsatate nakeȣenna.
Neh nakȣa Ranesonronon ne etsiseȣaniha tsinonȣe oni tiseȣaientakon, neh kati oni iseȣere atsi-seȣanikonraierite tsini hoskanektseroten ne etsise-ȣaniha. Ok onkȣe shiraks tsi tiotasaȣe, iah oni teho-kȣenion nahoriȣatokenhake, aseken iah tehoien no tkariȣaieri. Ne hens nakȣa raȣerientakesson naha-noȣente; aseken ronoȣen, neh oni Ronȣaniha no kohnoȣen.
Nok nii nehtsi oriȣiio tsini kȣarori, iah tetes-kȣetakȣen.
Onka tsinitsion enhakȣeni ahakeriȣarho ne ka riȣaneren? Nok toka nonȣa oriȣiio tsini kȣarori, ohnihiotieren tsi iah teteskȣetakȣa?
Onka Niio raonkȣeta ihken, rataonsatasts ki ne Niio raoȣenna, nok nise iah teseȣataonsatasts, neki tsi iah Niio tehaonkȣeta tehken nise.
Ethone no Sitaeronon tontahonȣaȣennaȣeron nok ȣahonniron: Iah kenh naha tetionkȣaieriton tsi ionkȣen Samaritan nasiatoten, nok sanesonronontse-raien?
Iesos tontahariȣaserako: iah teȣakenesonronon-tseraien; Rikonniensta tanon no Rakeniha, nok nise takȣariȣakenronni.
Iah othenon tekesaks nii akerensarontsera, tihaiatate nehne rehsaks nok tehaiatoretta.
Oriȣiio, oriȣiio tsi kȣaroris, onka enhakeȣenna-rakȣo, iah nonȣenton tharenheie.
Tontahonniron kati ne Sitaeronon: Onen tokensko oriȣiio ȣahationni tsi sanesonronontseraien: Abraham raȣenheion, Rotitokensehakȣe oni, nok saton: onka enhakeȣennarakȣe iah nonȣenton tharenheie.
Ssenha kenh ise tsiatanoron tsiniiot ne Sakȣaniha Abraham nonen raȣenheion? Rotitokensehakȣe oni ronaȣentaon: Onka kati nekenh nise Satatonnis?
Iesos tontahariȣaserako, ȣahenron: Tokat nonȣa ok ii tatakatateronsaron, iah othenon tekastak nakerensnrontsera; Rakenihase tehakerensarons, nehne seȣatons neh etsiseȣa Niio akenhake.
Iah se sane tetsiseȣaientorhaon; nok tanon nii riienteri: nok nakiron iah tehiienteri, eh ki naonke-noȣenseke, tsiki nise niiot: riienteri ki neneh nok riȣennarakȣa oni.
Abraham etsiseȣaniha, koȣanen tsi rotonnha-here nahattkatto enska nii akennisera; rotkatton katon nok rotsennonnihon.
Tontahonniron neh nonȣe ne Sitaeronon: areko ȣisk tesoserassen, nok hestsken nʼAbraham!
Nok ne Iesos tontasakaȣenhase: Oriȣiio oriȣiio tsi kȣaroris ohenton sarennakerate nʼAbraham sike-nakere.
Ethone are onen ȣathatinenhiakȣanion nahon-ȣaiente; nok tanon ne Iesos ȣahatatasete tontahaia-kenhne nʼononsatokentikoȣane, tehatiiatokensson Sahatohestste; nok eh niiot tsi sahatenti.

వినండి Roiatatokenti San 8