If you would like a copy of this version please contact info@davaraudiobibles.org

ቦርኖን ሃንድር ታራ

<div class="version vid3252 iso6393bwo" data-vid="3252" data-iso6393="bwo">
 <div class="book bkLUK">
 <div class="chapter ch20" data-usfm="LUK.20">
 <div class="label">20</div><div class="s">Iyesus kon alon b&#769;finiruwok'o b&#237;n aatetsok'o</div><div class="r">(Mat. 21:23-27; Mar. 11:27-33)</div><div class="p"> 1Ik aawu Iyesus Ik'i mootse daatseyat ash ashosh doo shishiyo b&#769; keewufere kahni naashwotsna, Muse nemo danifuwotsnat eenashuwotswere b&#237;yok bo weyi, 2Bowere &#171;Aab noosh keewwe, keewanotsi kon alon nfiniruwok'ona?&#187; ett bo aati. 3Iyesuswere hank'wa boosh b&#237;et, &#171;Taawere ik keewu iti aatuna, eshe aab taash aaniwere, 4Yohans gupo Ik'okike him&#243; ashokike?&#187;</div><div class="p"> 5Bowere hank'o ett bo atsatseyo bo keewe, &#171; &#8249;Ik'okike no&#8250; etala, &#8249;Beree eegishe b&#237;n amano it k'azi&#8250; etetuwe nosha, 6&#8249;Ashokike&#8250; no etalm&#243; ash jamo Yohansi nebiyi b&#769;woto bo amantsotse shutsone noon bo togeti.&#187; 7Mannsh &#171;Aawokik b&#769; woto danatsone&#187; ett bo aaniy. 8Iyesuswere, &#171;Beree taawor kon alon keewanotsi t finiruwok'o itsh keewuratse&#187; b&#237; eti.</div><div class="s">Weyini mitonat goshtsuwotsn ariyetso</div><div class="r">(Mat. 21:33-46; Mar. 12:1-12)</div><div class="p"> 9 # 
 Isa. 5:1 Manats dabt Iyesus ariyetsan ash ashosh keewo dek't b&#769; tuu, ash iko weyini mito b&#769;toki, goshtsuwotssh krayik'rat k'osh datso k'az b&#237;ami, b&#237; anerawono ayo b&#769;ja'i. 10Woyiniyo b&#769;shutsok'on weyiniman doonz b&#769; shuwotse b&#769;bano b&#237;sh de'e b&#769;weyish guuts iko goshtsuwotsok b&#769;woshi, goshtsuwotsmo togdek't kishibashon faksh bok'ri. 11Mank'o ando k'osh guutso b&#769; woshere b&#237;nor tog boish&#237;, ketidek't kishibashon damibok'ri. 12Ando aani keezl guutso b&#769;woshere manowere togdek't gaawit kishdek't juubok'ri. 13Maniye hakonowere weyiniyo doonz &#171;Eshe awuk'o k'alutak'una? T shuntso t naayi woshona, daneraka b&#237;n mangiyo k'ayatsne,&#187; b&#237;et. 14Ernm&#243; goshtsuwots b&#237;n bobek'tsok'on bo atsatsewo hank'o bo eti, Eshe naatetuwo haniye, woore &#250;d'k'rone! b&#769; datso nok wotituwe! 15Mansh b&#769; naayi woyniyi maniyre &#250;ratse kish dek't bo&#250;d'i. Eshe and weyiniman doonz goshtsmanotsi awuk'o boon b&#769;k'alituwok'o arefa itsha? 16Weyni doonzo b&#769;tokone b&#769; weti, goshtsuwotsnowere &#250;d'nib&#769;ishit, weyni mitmanowere k'osh goshtsuwotssh imk'rituwe. ashuwotswere man boshishtsok'on &#171;Hanwo b&#769;jamon wotk'aye&#187; boeti.</div><div class="p"> 17 # 
 Dub. 118:22 Iyesusmo bo maants s'iilfetst hank'o b&#237; et,</div><div class="q">&#171;Eshe,</div><div class="q2">&#8249;Gmbi agfwots gac'ts sh&#250;tso sh&#250;ts kup'o sh&#250;tswotsi tung&#250;shatse kaatsde detsetwo wotb&#769;gutsi&#8250;</div><div class="m">ett guut'etso eege b&#769;kitsiri. 18Sh&#250;ts manats dihitu jamo tishitwe, sh&#250;tsman b&#237;ats b&#769;dihitu ashonmo t'ars'etwe.&#187;</div><div class="s">Ereer dashi jangosh t'intsets aato</div><div class="r">(Mat. 22:15-22; Mar. 12:13-17)</div><div class="p"> 19Muse nemo danifuwotsnat kahni naashwotsn ariyets keewuman boatsats b&#769; keewtsok'owo dank'rat manoor b&#237;n deshdek'osh geyatni botesh, ernm&#243; ash asho shatbowtsi. 20Mansh Iyesusi ash aalts aawots detsosh kotbodek'i. Naasho alonat b&#237;ats angshetuwok'o betsit nooni d&#225;ro b&#237;atse datsosha bogefoni, mansh ash sheeng araarr b&#769; keewiru keewo mec'it ashuwotsi woshbok'ri. 21Keew mec'it ashuwots Iyesus maants t'int, hank'o ett b&#237;n boaati, &#171;Danifono! nee n keewiruwonat n daniyruwon ar b&#769;wottsok'o danfone, Ik'i weero arikone ndaniyiri bako konshor bogabogshratsne. 22Ab noosh keewwe! no nemok'on Rom nug&#250;sosh ereer dasho wotitwamo woteratsa?&#187;</div><div class="p"> 23Iyesusm&#243; bo gondon bok'od'iruwok'o dank'rat boosh hank'o b&#237; et, 24&#171;Aab&#769; ambarmani taash kitsuwere, ambarmanats gedets aronat sh&#250;tson konke?&#187;</div><div class="p">Bowere &#171;Rom nug&#250;soke&#187; boeti.</div><div class="p"> 25Iyesuswere, &#171;Eshe naashi naashoko naashi naashosh, Ik'oko Ik'osh imere&#187; b&#237;et.</div><div class="p"> 26Bowere ash ash shinatse b&#769;keewuts keewon b&#237;n detso falratsno, mansh boosh b&#237;aniyor adt s'k etbowtsi.</div><div class="s">K'irtsuwots k'iro da'ar botuwi jango</div><div class="r">(Mat. 22:23-33; Mar. 12:18-27)</div><div class="p"> 27 # 
 Wosh. 23:8 &#171;K'irtsuwots tuuratsno&#187; etef Seduk'awiyots Iyesusok t'int hank'o ett bo aati, 28#Iwi. 25:5 &#171;Danifon&#243;! Muse hank'o ett noosh guut're, &#8249;Ash iko b&#769;m&#225;&#225;tsu atse na'o b&#769; shurawo k'iron b&#769;k'aleyal b&#237; eshu m&#225;&#225;tsmani de'er b&#237; eshush shaato shegrshwee.&#8250; 29Shawat eshuwwots fa'ano boteshi, jametsuwotsitsi k'aabo m&#225;&#225;tso dek't na'o b&#769; shurawo k'irb&#769;wutsi. 30B&#769; shutsonuwere m&#225;&#225;tsmani b&#769; dek'i. 31Keezlonuwere bin b&#769;dek'i, mank'oon shawat wotsuwere bin dek't na'o boshurawo k'irbowtsi. 32Jametsuwotsiyere il m&#225;&#225;tsman k'irbwutsi. 33Shawatetsuwots taron bin m&#225;&#225;tso bodek'tsotse eshe k'irtsuwots bo tuwots &#225;&#225;wushe &#225;&#225;wushe m&#225;&#225;ts b wotiti?&#187;</div><div class="p"> 34Iyesuswere hank'o ett boosh b&#237;aaniy, &#171;Datsatsi ashuwots m&#225;&#225;tso dek'etun&#243;, de'etuno, 35k'irtsuwotsitse tuur, weet d&#250;ron beet ashuwotsm&#243;, m&#225;&#225;tso de'atsno, de'eratsno. 36Ik'i melakiwotskok'o bowotituwotse k'irratsno, k'irotsno bo tutsotsnowere Ik'o nana'&#250;wotsye. 37#Kesh. 3:6 K'irtsuwots tuwi jangoshmo, Muse buush tawi jango b&#769;keewu taarikiyotse, Doonzone &#8249;Abrahamko Izar Izewer, Isak'ko Izar Izeweri, Yok'obko Izar Izeweri&#8250; ett b&#237;n s'eegree. 38Manshe Ik'oniye kashetswotsko Izar Izeweri bakro Izar Izewer k'irtsuwotskaliye, jametsuwots b&#237;sh kashon beet&#250;ne.&#187;</div><div class="p"> 39Muse nem danifuwotsitse ik ikuots &#171;Danifono! sheenge n keewi!&#187; boet. 40Maniyere hakon aawo shu'ude Iyesusi aatosh falituwo boyitse konwor aaliye.</div><div class="s">Mesiyo jangosh t'intsets aato</div><div class="r">(Mat. 22:41-46; Mar. 12:35-37)</div><div class="p"> 41Maniye hakon Iyesus hank'oa boosh b&#237;et, &#171;Aak'oneya Krstos Dawit naayiye boetiri? 42-43#Dub. 110:1 Dawit b&#769; tookon duubi mas'aafotse,</div><div class="q">&#8249;Doonzo t doonzsh</div><div class="q2">N t'alatuwotsi n tufi shirots neesh t gerfetsosh</div><div class="q2">T k'ani aaromants beewe b&#237;eti&#8250; etfe.</div><div class="m"> 44Eshe Dawit b&#769;tookon doonza ett b&#769; s'eegiyakon bere Krstos Dawitsh aawuk'oneya b&#769; naay woto b&#769;faliti?&#187;</div><div class="s">Iyesus Muse nemo danifuwotsatse atso korde'ere b&#237;'ettsok'o</div><div class="p"> 45Ash jamo b&#769; shishfere Iyesus b&#769; danifuwotssh hank'owa b&#237;et, 46&#171;Tahi geenz geenzo karde'er hake bako sha'o, gawuyotsno mangiyets jamo dek'o, Ik' k'oni mootse mangiyets jorwotsi, jiwoknowere mangts beyoko shunf Muse nem danifuwotsatse it atso kordere. 47Bowere be'ewosh bot'intsiru geenz wotts Ik' k'onats webdek't bokenih k'irts maatsuwotsi botes'iri, manshe iki gond keewe boon kotiri.&#187;</div>
 </div>
 </div>
</div>

The Word for the World International Publishing PO Box 26363, Colorado Springs, CO 80919, USA

Ik aawu Iyesus Ik'i mootse daatseyat ash ashosh doo shishiyo b́ keewufere kahni naashwotsna, Muse nemo danifuwotsnat eenashuwotswere bíyok bo weyi, Bowere «Aab noosh keewwe, keewanotsi kon alon nfiniruwok'ona?» ett bo aati. Iyesuswere hank'wa boosh bíet, «Taawere ik keewu iti aatuna, eshe aab taash aaniwere, Yohans gupo Ik'okike himó ashokike?»
Bowere hank'o ett bo atsatseyo bo keewe, « ‹Ik'okike no› etala, ‹Beree eegishe bín amano it k'azi› etetuwe nosha, ‹Ashokike› no etalmó ash jamo Yohansi nebiyi b́woto bo amantsotse shutsone noon bo togeti.» Mannsh «Aawokik b́ woto danatsone» ett bo aaniy. Iyesuswere, «Beree taawor kon alon keewanotsi t finiruwok'o itsh keewuratse» bí eti.


Manats dabt Iyesus ariyetsan ash ashosh keewo dek't b́ tuu, ash iko weyini mito b́toki, goshtsuwotssh krayik'rat k'osh datso k'az bíami, bí anerawono ayo b́ja'i. Woyiniyo b́shutsok'on weyiniman doonz b́ shuwotse b́bano bísh de'e b́weyish guuts iko goshtsuwotsok b́woshi, goshtsuwotsmo togdek't kishibashon faksh bok'ri. Mank'o ando k'osh guutso b́ woshere bínor tog boishí, ketidek't kishibashon damibok'ri. Ando aani keezl guutso b́woshere manowere togdek't gaawit kishdek't juubok'ri. Maniye hakonowere weyiniyo doonz «Eshe awuk'o k'alutak'una? T shuntso t naayi woshona, daneraka bín mangiyo k'ayatsne,» bíet. Ernmó goshtsuwots bín bobek'tsok'on bo atsatsewo hank'o bo eti, Eshe naatetuwo haniye, woore úd'k'rone! b́ datso nok wotituwe! Mansh b́ naayi woyniyi maniyre úratse kish dek't boúd'i. Eshe and weyiniman doonz goshtsmanotsi awuk'o boon b́k'alituwok'o arefa itsha? Weyni doonzo b́tokone b́ weti, goshtsuwotsnowere úd'nib́ishit, weyni mitmanowere k'osh goshtsuwotssh imk'rituwe. ashuwotswere man boshishtsok'on «Hanwo b́jamon wotk'aye» boeti.
Iyesusmo bo maants s'iilfetst hank'o bí et,
«Eshe,
‹Gmbi agfwots gac'ts shútso shúts kup'o shútswotsi tungúshatse kaatsde detsetwo wotb́gutsi›
ett guut'etso eege b́kitsiri. Shúts manats dihitu jamo tishitwe, shútsman bíats b́dihitu ashonmo t'ars'etwe.»


Muse nemo danifuwotsnat kahni naashwotsn ariyets keewuman boatsats b́ keewtsok'owo dank'rat manoor bín deshdek'osh geyatni botesh, ernmó ash asho shatbowtsi. Mansh Iyesusi ash aalts aawots detsosh kotbodek'i. Naasho alonat bíats angshetuwok'o betsit nooni dáro bíatse datsosha bogefoni, mansh ash sheeng araarr b́ keewiru keewo mec'it ashuwotsi woshbok'ri. Keew mec'it ashuwots Iyesus maants t'int, hank'o ett bín boaati, «Danifono! nee n keewiruwonat n daniyruwon ar b́wottsok'o danfone, Ik'i weero arikone ndaniyiri bako konshor bogabogshratsne. Ab noosh keewwe! no nemok'on Rom nugúsosh ereer dasho wotitwamo woteratsa?»
Iyesusmó bo gondon bok'od'iruwok'o dank'rat boosh hank'o bí et, «Aab́ ambarmani taash kitsuwere, ambarmanats gedets aronat shútson konke?»
Bowere «Rom nugúsoke» boeti.
Iyesuswere, «Eshe naashi naashoko naashi naashosh, Ik'oko Ik'osh imere» bíet.
Bowere ash ash shinatse b́keewuts keewon bín detso falratsno, mansh boosh bíaniyor adt s'k etbowtsi.


«K'irtsuwots tuuratsno» etef Seduk'awiyots Iyesusok t'int hank'o ett bo aati, «Danifonó! Muse hank'o ett noosh guut're, ‹Ash iko b́máátsu atse na'o b́ shurawo k'iron b́k'aleyal bí eshu máátsmani de'er bí eshush shaato shegrshwee.› Shawat eshuwwots fa'ano boteshi, jametsuwotsitsi k'aabo máátso dek't na'o b́ shurawo k'irb́wutsi. B́ shutsonuwere máátsmani b́ dek'i. Keezlonuwere bin b́dek'i, mank'oon shawat wotsuwere bin dek't na'o boshurawo k'irbowtsi. Jametsuwotsiyere il máátsman k'irbwutsi. Shawatetsuwots taron bin máátso bodek'tsotse eshe k'irtsuwots bo tuwots ááwushe ááwushe mááts b wotiti?»
Iyesuswere hank'o ett boosh bíaaniy, «Datsatsi ashuwots máátso dek'etunó, de'etuno, k'irtsuwotsitse tuur, weet dúron beet ashuwotsmó, máátso de'atsno, de'eratsno. Ik'i melakiwotskok'o bowotituwotse k'irratsno, k'irotsno bo tutsotsnowere Ik'o nana'úwotsye. K'irtsuwots tuwi jangoshmo, Muse buush tawi jango b́keewu taarikiyotse, Doonzone ‹Abrahamko Izar Izewer, Isak'ko Izar Izeweri, Yok'obko Izar Izeweri› ett bín s'eegree. Manshe Ik'oniye kashetswotsko Izar Izeweri bakro Izar Izewer k'irtsuwotskaliye, jametsuwots bísh kashon beetúne.»
Muse nem danifuwotsitse ik ikuots «Danifono! sheenge n keewi!» boet. Maniyere hakon aawo shu'ude Iyesusi aatosh falituwo boyitse konwor aaliye.


Maniye hakon Iyesus hank'oa boosh bíet, «Aak'oneya Krstos Dawit naayiye boetiri? Dawit b́ tookon duubi mas'aafotse,
‹Doonzo t doonzsh
N t'alatuwotsi n tufi shirots neesh t gerfetsosh
T k'ani aaromants beewe bíeti› etfe.
Eshe Dawit b́tookon doonza ett b́ s'eegiyakon bere Krstos Dawitsh aawuk'oneya b́ naay woto b́faliti?»

Ash jamo b́ shishfere Iyesus b́ danifuwotssh hank'owa bíet, «Tahi geenz geenzo karde'er hake bako sha'o, gawuyotsno mangiyets jamo dek'o, Ik' k'oni mootse mangiyets jorwotsi, jiwoknowere mangts beyoko shunf Muse nem danifuwotsatse it atso kordere. Bowere be'ewosh bot'intsiru geenz wotts Ik' k'onats webdek't bokenih k'irts maatsuwotsi botes'iri, manshe iki gond keewe boon kotiri.»

వినండి Luk'as Dooshishiyo 20