If you have would like a copy of this version please contact info@davaraudiobibles.org

Baoulé Old Testament

<div class="version vid3080 iso6393bci" data-vid="3080" data-iso6393="bci">
 <div class="book bkGEN">
 <div class="chapter ch14" data-usfm="GEN.14">
 <div class="label">14</div><div class="s">Abram i fami&#603;n nnan'm be kwlal&#603; &#596; nin i blusu b'&#596; yi mannin M&#603;lkized&#603;k'n</div><div class="p"> 1I bl&#603; s&#596; nun'n, Babil&#596;ni fami&#603;n Amraf&#603;l, nin &#400;lazar fami&#603;n Arz&#596;k, nin Elam fami&#603;n K&#603;d&#596;rla&#596;m&#603;r, &#596; nin G&#596;zim fami&#603;n Tideal, 2be nin Sod&#596;m fami&#603;n Bera, nin Gom&#596;r fami&#603;n Birsa, nin Adma fami&#603;n Sineab, nin Z&#603;b&#596;im fami&#603;n Sem&#603;eb&#603;r, &#596; nin Bela fami&#603;n'n, be kunnin al&#603;. Bela kl&#596;'n i dunman'n kun ekun y&#603;l&#603; Z&#596;ar. 3Sidim kongo b&#596; and&#603; &#596;'a kaci i dunman'n &#596;'a yo jenvie ng'&#596; ti njin nzue klakla i nun y&#603; fami&#603;n nnun s&#596;'m be kan boli nun-&#596;n. 4K&#603; &#596; &#180;yo s&#596;'n, wuun b'a su K&#603;d&#596;rla&#596;m&#603;r lele afu&#603; blu-nin-nsan. I afu&#603; blu-nin-nnan su'n, be waan be su-m&#603;n i kun. 5Y&#603; i afu&#603; blu-nin-nnun su'n, K&#603;d&#596;rla&#596;m&#603;r nin fami&#603;n nga be uk&#603; i'n be bali k&#603; be nin R&#603;fafu&#603;'m be &#180;kun al&#603; nan b'a kwla R&#603;fafu&#603; s&#596; mun Ast&#603;r&#596;t-Karnaim l&#603;. I sin be kwlali Zizfu&#603; mun Am l&#603;. I sin be kwlali Emfu&#603; mun Kiriataim kongo'n nun l&#603;. 6I sin be kwlali &#390;rfu&#603;'m be b&#596;b&#596; b&#233; m&#603;n'n nun l&#596; Seir oka'm be su. Be suli be su lele juli &#400;l-Paran aawl&#603; fl&#603;nn&#603;n'n wun l&#596;. 7I sin be sali be sin bali An-Mispat b&#596; y&#603;l&#603; Kad&#603;s'n, nan b'a kwla Amal&#603;kfu&#603; mun. Be sacili be fie'm be kwlaa. I sin be kwlali Am&#596;rfu&#603; nga be tran Azaz&#596;n-Tamar'n. 8Kp&#603;kuun Sod&#596;m fami&#603;n'n nin Gom&#596;r fami&#603;n'n, nin Adma fami&#603;n'n, nin Z&#603;b&#596;im fami&#603;n'n, &#596; nin Bela kl&#596;'n b&#596; i dunman'n kun ekun y&#603;l&#603; Z&#596;ar'n i fami&#603;n'n, be fin be kl&#596;'m be nun be fiteli, be jranjrannin Sidim kongo'n nun. 9Be fali al&#603;'n wlali Elam fami&#603;n K&#603;d&#596;rla&#596;m&#603;r i sin, &#596; nin G&#596;zim fami&#603;n'n Tideal, nin Babil&#596;ni fami&#603;n'n Amraf&#603;l, &#596; nin &#400;lazar fami&#603;n'n Arz&#596;k. Fami&#603;n nnun'n be ju guali fami&#603;n nnan'n be su. 10Gudr&#596;n yiwl&#603; kunman kpanngban o Sidim kongo'n nun. K&#603; Sod&#596;m fami&#603;n'n nin Gom&#596;r fami&#603;n'n be fu&#603;'m be &#180;wanndi be kp&#596;fu&#603;'m be nyrun'n, be t&#596;li kunman s&#596;'m be nun. Be nga be kali l&#603;'n, be wanndi ko fiali oka'n wun l&#596;. 11Sod&#596;mfu&#603; mun nin Gom&#596;rfu&#603;'m be kwlafu&#603;'m be f&#603;nnin b&#233; bo ninnge'n nin be ali&#603;'n kwlakwla, kp&#603;kuun be k&#596;l&#603; nun-&#596;n. 12Be fali Abram i niaan wa L&#596;t b'&#596; tran Sod&#596;m &#596; nin i bo ninnge mun.</div><div class="p"> 13Be nga be wanndili'n be nun kun wa boli jasin s&#596;'n kleli Abram b'&#596; ti Ebre'n. K&#603; &#596; &#180;yo s&#596;'n, wuun Abram tran Mamre b'&#596; ti Am&#596;rfu&#603;'n i s&#603;ni waka'n bo l&#603;. Mamre nin &#400;sk&#596;l, &#596; nin An&#603;r be ti niaan. Be nin Abram be trali aengu&#603;. 14K&#603; Abram tili i k&#603; b'a tr&#603; i niaan wa'n b'a w&#596;'n, &#596; f&#603;li i sufu&#603; nga be wuli be i awlo'n nun'n be nun sran ya nsan nin sran blu-nin-m&#596;cu&#603;. &#390; wlali b&#233; sa nun al&#603; ninnge, y&#603; be suli b&#233; su lele be juli Dan. 15&#390; buli i sufu&#603;'m be nun akpasua-akpasua nan &#596; nin be b'a fa al&#603;'n b'a wla fami&#603;n s&#596;'m be sin k&#596;ngu&#603; nan b'a kwla be. Abram nin i sran'm be suli be su lele juli S&#596;ba b'&#596; o Damas i nglo l&#596;'n su l&#596;. 16Ninnge nga be sua &#596;li'n, &#596; fali be ngba bali. &#390; f&#603;li i niaan wa L&#596;t nin i bo ninnge mun, nin bla mun, &#596; nin be m&#603;n'n nun sran nga be trali be'n mun.</div><div class="p"> 17K&#603; Abram nin i sran'm be &#596;li b&#596; be kwlali K&#603;d&#596;rla&#596;m&#603;r nin fami&#603;n nga be uk&#603; i'n b'&#596; be &#180;ba'n, Sod&#596;m fami&#603;n'n &#596; wa kpali be atin Save kongo'n b&#596; be fl&#603;li i k&#603; fami&#603;n'n i kongo'n nun l&#603;.</div><div class="p"> 18M&#603;lkized&#603;k b'&#596; ti Sal&#603;m fami&#603;n'n, b&#596; i kunngba'n ti Nyanmi&#603;n b'&#596; o like'n kwlaa ti su'n i nyrun jranfu&#603;'n, &#596; bl&#603;li i kpaun nin nzan, 19nan &#596;'a yr&#603; i nuan klanman &#596;'a man Abram, &#596; seli k&#603;: &#171;Man Nyanmi&#603;n b'&#596; o like'n kwlaa ti su'n, b'&#596; yili nglo nin asi&#603;'n, &#596; yo man a nyan muae. 20Man manmanl&#603;'n yo Nyanmi&#603;n b'&#596; o like'n kwlaa ti su'n i li&#603;. Afin i y&#603; &#596; fali &#596; kp&#596;fu&#603; mun wlali &#596;&#769; sa nun-&#596;n .&#187;</div><div class="p">Nan Abram &#596;'a fa ninnge ng'&#596; ny&#603;nnin i'n i kwlaa i blusu'n &#596;'a m&#603;n i.</div><div class="p"> 21Sod&#596;m fami&#603;n'n seli Abram k&#603;: &#171;Yaci, fa sran mun man min, &#596; li fa ninnge fu&#603;'n.&#187;</div><div class="p"> 22Y&#603; Abram se i k&#603;: &#171;M&#237;n sa'n y&#603; m'an man su m'an kle Anannganman Nyanmi&#603;n b'&#596; o like'n kwlaa ti su'n, b'&#596; yili nglo nin asi&#603;'n y&#603;. 23N su fa-man &#596; ninnge'm be nun like b&#596; kaan sa, kannz&#603; &#596; wie jese nyanman annz&#603; ngbabua nyanman b&#596;b&#596; o, n su fa-man. &#390; yo s&#596;-&#596;, a wa se k&#603;: &#8249;Abram i anyanbeun'n fin min.&#8250; 24N su fa-man like fi, min like b&#596; n ko fa'n y&#603;l&#603; ali&#603; nga min sran'm be dili'n. An&#603;r, nin &#400;sk&#596;l, &#596; nin Mamre b&#596; be ko sunmannin min'n, be like li&#603; nga be ko fa'n y&#603; &#596; ti n li&#603;-&#596;.&#187;</div>
 </div>
 </div>
</div>

Baoulé Bible © Alliance Biblique de Côte d'Ivoire, 1998. 

I blɛ sɔ nun'n, Babilɔni famiɛn Amrafɛl, nin Ɛlazar famiɛn Arzɔk, nin Elam famiɛn Kɛdɔrlaɔmɛr, ɔ nin Gɔzim famiɛn Tideal, be nin Sodɔm famiɛn Bera, nin Gomɔr famiɛn Birsa, nin Adma famiɛn Sineab, nin Zɛbɔim famiɛn Semɛebɛr, ɔ nin Bela famiɛn'n, be kunnin alɛ. Bela klɔ'n i dunman'n kun ekun yɛlɛ Zɔar. Sidim kongo bɔ andɛ ɔ'a kaci i dunman'n ɔ'a yo jenvie ng'ɔ ti njin nzue klakla i nun yɛ famiɛn nnun sɔ'm be kan boli nun-ɔn. Kɛ ɔ ´yo sɔ'n, wuun b'a su Kɛdɔrlaɔmɛr lele afuɛ blu-nin-nsan. I afuɛ blu-nin-nnan su'n, be waan be su-mɛn i kun. Yɛ i afuɛ blu-nin-nnun su'n, Kɛdɔrlaɔmɛr nin famiɛn nga be ukɛ i'n be bali kɛ be nin Rɛfafuɛ'm be ´kun alɛ nan b'a kwla Rɛfafuɛ sɔ mun Astɛrɔt-Karnaim lɛ. I sin be kwlali Zizfuɛ mun Am lɛ. I sin be kwlali Emfuɛ mun Kiriataim kongo'n nun lɛ. I sin be kwlali Ɔrfuɛ'm be bɔbɔ bé mɛn'n nun lɔ Seir oka'm be su. Be suli be su lele juli Ɛl-Paran aawlɛ flɛnnɛn'n wun lɔ. I sin be sali be sin bali An-Mispat bɔ yɛlɛ Kadɛs'n, nan b'a kwla Amalɛkfuɛ mun. Be sacili be fie'm be kwlaa. I sin be kwlali Amɔrfuɛ nga be tran Azazɔn-Tamar'n. Kpɛkuun Sodɔm famiɛn'n nin Gomɔr famiɛn'n, nin Adma famiɛn'n, nin Zɛbɔim famiɛn'n, ɔ nin Bela klɔ'n bɔ i dunman'n kun ekun yɛlɛ Zɔar'n i famiɛn'n, be fin be klɔ'm be nun be fiteli, be jranjrannin Sidim kongo'n nun. Be fali alɛ'n wlali Elam famiɛn Kɛdɔrlaɔmɛr i sin, ɔ nin Gɔzim famiɛn'n Tideal, nin Babilɔni famiɛn'n Amrafɛl, ɔ nin Ɛlazar famiɛn'n Arzɔk. Famiɛn nnun'n be ju guali famiɛn nnan'n be su. Gudrɔn yiwlɛ kunman kpanngban o Sidim kongo'n nun. Kɛ Sodɔm famiɛn'n nin Gomɔr famiɛn'n be fuɛ'm be ´wanndi be kpɔfuɛ'm be nyrun'n, be tɔli kunman sɔ'm be nun. Be nga be kali lɛ'n, be wanndi ko fiali oka'n wun lɔ. Sodɔmfuɛ mun nin Gomɔrfuɛ'm be kwlafuɛ'm be fɛnnin bé bo ninnge'n nin be aliɛ'n kwlakwla, kpɛkuun be kɔlɛ nun-ɔn. Be fali Abram i niaan wa Lɔt b'ɔ tran Sodɔm ɔ nin i bo ninnge mun.
Be nga be wanndili'n be nun kun wa boli jasin sɔ'n kleli Abram b'ɔ ti Ebre'n. Kɛ ɔ ´yo sɔ'n, wuun Abram tran Mamre b'ɔ ti Amɔrfuɛ'n i sɛni waka'n bo lɛ. Mamre nin Ɛskɔl, ɔ nin Anɛr be ti niaan. Be nin Abram be trali aenguɛ. Kɛ Abram tili i kɛ b'a trɛ i niaan wa'n b'a wɔ'n, ɔ fɛli i sufuɛ nga be wuli be i awlo'n nun'n be nun sran ya nsan nin sran blu-nin-mɔcuɛ. Ɔ wlali bé sa nun alɛ ninnge, yɛ be suli bé su lele be juli Dan. Ɔ buli i sufuɛ'm be nun akpasua-akpasua nan ɔ nin be b'a fa alɛ'n b'a wla famiɛn sɔ'm be sin kɔnguɛ nan b'a kwla be. Abram nin i sran'm be suli be su lele juli Sɔba b'ɔ o Damas i nglo lɔ'n su lɔ. Ninnge nga be sua ɔli'n, ɔ fali be ngba bali. Ɔ fɛli i niaan wa Lɔt nin i bo ninnge mun, nin bla mun, ɔ nin be mɛn'n nun sran nga be trali be'n mun.
Kɛ Abram nin i sran'm be ɔli bɔ be kwlali Kɛdɔrlaɔmɛr nin famiɛn nga be ukɛ i'n b'ɔ be ´ba'n, Sodɔm famiɛn'n ɔ wa kpali be atin Save kongo'n bɔ be flɛli i kɛ famiɛn'n i kongo'n nun lɛ.
Mɛlkizedɛk b'ɔ ti Salɛm famiɛn'n, bɔ i kunngba'n ti Nyanmiɛn b'ɔ o like'n kwlaa ti su'n i nyrun jranfuɛ'n, ɔ blɛli i kpaun nin nzan, nan ɔ'a yrɛ i nuan klanman ɔ'a man Abram, ɔ seli kɛ: «Man Nyanmiɛn b'ɔ o like'n kwlaa ti su'n, b'ɔ yili nglo nin asiɛ'n, ɔ yo man a nyan muae. Man manmanlɛ'n yo Nyanmiɛn b'ɔ o like'n kwlaa ti su'n i liɛ. Afin i yɛ ɔ fali ɔ kpɔfuɛ mun wlali ɔ́ sa nun-ɔn .»
Nan Abram ɔ'a fa ninnge ng'ɔ nyɛnnin i'n i kwlaa i blusu'n ɔ'a mɛn i.
Sodɔm famiɛn'n seli Abram kɛ: «Yaci, fa sran mun man min, ɔ li fa ninnge fuɛ'n.»
Yɛ Abram se i kɛ: «Mín sa'n yɛ m'an man su m'an kle Anannganman Nyanmiɛn b'ɔ o like'n kwlaa ti su'n, b'ɔ yili nglo nin asiɛ'n yɛ. N su fa-man ɔ ninnge'm be nun like bɔ kaan sa, kannzɛ ɔ wie jese nyanman annzɛ ngbabua nyanman bɔbɔ o, n su fa-man. Ɔ yo sɔ-ɔ, a wa se kɛ: ‹Abram i anyanbeun'n fin min.› N su fa-man like fi, min like bɔ n ko fa'n yɛlɛ aliɛ nga min sran'm be dili'n. Anɛr, nin Ɛskɔl, ɔ nin Mamre bɔ be ko sunmannin min'n, be like liɛ nga be ko fa'n yɛ ɔ ti n liɛ-ɔ.»

వినండి Bo Bolɛ 14