If you have would like a copy of this version please contact info@davaraudiobibles.org

Tonga (Zambia) Bible

<div class="version vid2956 iso6393toi" data-vid="2956" data-iso6393="toi">
 <div class="book bkLUK">
 <div class="chapter ch20" data-usfm="LUK.20">
 <div class="label">20</div><div class="s">Jesu mbwaakabuzigwa akaambo kanguzu zyakwe</div><div class="r">(Mateyo 21.23-27; Maako 11.27-33)</div><div class="p"> 1Buzuba bumwi Jesu naakali kwiisya bantu mu&#331;anda ya Leza akukambauka Makani Mabotu, bapaizi basilutwe abamayi ba Mulawo antoomwe abapati bacisi, bakaboola kulinguwe, 2bakati, &#8220;Twaambile, ninguzu nzi nzyojisi mukucita zintu eezi? Nguni waakakupa nguzu zyakucita zintu eezi?&#8221;</div><div class="p"> 3Jesu wakabaingula kuti, &#8220;Ambebo ndilamubuzya mubuzyo. Amundaambile, 4Nguni wakatuma Joni kuti abbapatizye ngu Leza naa mbantu?&#8221;</div><div class="p"> 5Mpoonya bakatalika kukazyanya mulicabo bati, &#8220;Ino twaambe buti? Naa twaambe kuti Leza nguwakamutuma, ulaamba kuti, &#8216;Ino kayi mwakalekela nzi kumusyoma?&#8217; 6Naa twati, &#8216;Mbantu&#8217; nkamu eeyi yoonse iili aano ilatuuma mabwe, nkaambo boonse balizi kuti Joni wakali musinsimi.&#8221; 7Aboobo bakamuvwiila akuti, &#8220;Tatumuzi pe.&#8221;</div><div class="p"> 8Mpoonya Jesu wakabaambila kuti, &#8220;Ambebo nsikoomwaambila naa ninguzu nzi nzecitya zintu eezi.&#8221;</div><div class="s">Cikozyanyo cabasikulanga muunda</div><div class="r">(Mateyo 21.33-46; Maako 12.1-12)</div><div class="p"> 9Mpoonya Jesu wakaambila bantu cikozyanyo eeci, wakati, &#8220;Umwi muntu wakalima muunda wamusaansa. Wakuupa kubalimi, eelyo wakaya kucisi cimbi. 10Nicakasika ciindi cakutebula nsaansa, ooyo muntu wakatuma mubelesi kubalimi aabo kuti akamuletele caabilo cakwe camicelo yamuunda. Pele balimi bakamuuma mubelesi ooyo akumupilusya acinkwamaanza. 11Kumane muntu ooyo wakatuma aumbi mubelesi, pele balimi bakamuuma awalo akumucita zintu zyuusya nsoni, awalo bakamupilusya acinkwamaanza. 12Alimwi wakatuma mubelesi watatu, awalo ooyo bakamucisa balimi aabo bamusowela kunze aamuunda. 13Eelyo mukamwini muunda wakati, &#8216;Ino ndilacita buti? Nkokuti ndilatuma buyo mwanaangu ngweyandisisya, ambweni bayoomulemeka!&#8217; 14Pele balimi nibakamubona bakavwiya kuti, &#8216;Ooyu ngosimulya zina. Atumujaye kutegwa muunda ube wesu!&#8217; 15Aboobo bakamujaya akumusowela kunze aamuunda.&#8221;</div><div class="p">Jesu wakababuzya kuti, &#8220;Ino ninzi ncatikacite uuli aamuunda kubantu aaba? 16Uyooboola akubajaya balimi akupa muunda wakwe kubantu bambi.&#8221; Bantu nibakamvwa boobu bakati, &#8220;Kutabi boobo kaka!&#8221;</div><div class="p"> 17Jesu wakabalanga akubabuzya kuti, &#8220;Ino malembe aaya aamba nzi aati,</div><div class="q">&#8216;Ibbwe ndibakakaka bayaki</div><div class="q">ndelyakaba bbwe liyandisi lyaacooko.&#8217;</div><div class="m"> 18Kufumbwa muntu uutikawide alindilyo uyootyokooka, alimwi kuti bbwe eelyo likawide amuntu liyoomupwasyaula.&#8221;</div><div class="s">Makani aakutela mutelo</div><div class="r">(Mateyo 22.15-22; Maako 12.13-17)</div><div class="p"> 19Lino bamayi ba Mulawo antoomwe abapaizi basilutwe bakasola kuti bamujate Jesu mpoonya abusena aawo, nkaambo bakaziba kuti wakali kusendekezya mbabo mucikozyanyo eeci, pele bakayoowa bantu. 20Aboobo bakali kulindila ciindi cakuti bamujate. Bakabbadela bamwi bantu basikutwela kutegwa bakalicengezye kuti mbantu basyomeka, bakabatuma kuti bakamuteye Jesu amibuzyo yabo, kutegwa bakonzye kumutola kunkuta yamweendelezi. 21Bantu aaba bakati kuli Jesu, &#8220;O Mwiiyi, tulizi kuti yebo ulaamba akwiisya mubwini. Tulizi kuti tokwe makani amuntu naba ni, pele ulaiisya nzila ya Leza mukasimpe. 22Twaambile, sena kuleelede kutela mitelo ku Muleli Mupati waku Loma naa pe?&#8221;</div><div class="p"> 23Jesu wakaziba luuni lwabo, mpoonya wakati, 24&#8220;Amunditondezye di. Ino lijisi mutwe azina lyani?&#8221;</div><div class="p">Bakati, &#8220;Nzya Muleli Mupati waku Loma.&#8221;</div><div class="p"> 25Eelyo wakati, &#8220;Ncibotu, amupe Muleli Mupati waku Loma zintu zyakwe, alimwi amupe Leza zintu zya Leza.&#8221;</div><div class="p"> 26Aboobo bakakacilwa kuti bamuce muli ncaakaamba kumbele lyabantu niciba comwe, eelyo bakaumuna buyo alimwi bakagambwa kukwiingula kwakwe.</div><div class="s">Makani aabubuke bwabafu</div><div class="r">(Mateyo 22.23-33; Maako 12.18-27)</div><div class="p"> 27Lino bamwi Basaduki bakasika kuli Jesu. Mbambabo aabo baamba kuti bantu tabakooyoobuka kuzwa kubafu. Bakati, 28&#8220;Mwiiyi, Mozesi wakatulembela mulawo ooyu, &#8216;Kuti naa munyoko wafwa wajisi mukaintu pele katakwe bana mbaakazyala, wamukowa uleelede kukwata mukamufu kutegwa amuzyalile bana mufu.&#8217; 29Lino kwakali babunyina bali ciloba, mupati wa boonse wakakwata mukaintu pele wakafwa katanazyala mwana. 30Eelyo awabili wakakwata mukamufu, 31alimwi awatatu mbubonya, pele awalo wakafwa, bakali kuya bufwa boonse mane kusikila kuli waciloba kabatasiyi amwana pe. 32Kumamanino awalo mukaintu wakafwa. 33Ino bwaakusika buzuba mbobayoobusigwa bafu, ooyo mukaintu uyooba mukani? Nkaambo baalumi aaba bali ciloba boonse bakali mukwete.&#8221;</div><div class="p"> 34Jesu wakabaingula kuti, &#8220;Baalumi abakaintu bamazuba aano balakwatana, 35pele muciindi ciboola baalumi abakaintu nibayoobusigwa kuzwa kubafu tabakooyookwatana pe. 36Bayooba mbuli bangelo, alimwi tabakafwi limbi pe. Balo bayooba bana ba Leza, nkaambo bayoobusigwa kuzwa kubafu. 37Awalo Mozesi wakacibikka aantangalala cakuti bafu bayoobusigwa. Nkaambo aawo mpaakalemba makani aciteyo ciyaka mulilo, wakalemba kuti, &#8216;Ngu Leza wa Abulahamu, wa Izaka, alimwi a Jakobo!&#8217; 38Caamba kuti ngu Leza wabaumi, tali wabafu pe, nkaambo kuli Leza boonse mbaumi.&#8221;</div><div class="p"> 39Eelyo bamwi bamayi ba Mulawo bakaamba kuti, &#8220;Ooko nkwiingula kubotu, omwiiyi.&#8221; 40Aboobo bakayoowa kucinoomubuzya limbi mibuzyo.</div><div class="s">Ino Munanike wa Leza mwana wani?</div><div class="r">(Mateyo 22.41-46; Maako 12.35-37)</div><div class="p"> 41Jesu wakati kulimbabo, &#8220;Ino caambilwa nzi kuti Munanike wa Leza ngwalunyungu lwa Devedi? 42Nkaambo Devedi mwini mubbuku lya Intembauzyo, waamba kuti,</div><div class="q">&#8216;Mwami Leza wakati ku Mwami wangu,</div><div class="q">Kkala kubbazu lyalulyo lwangu</div><div class="q"> 43Mane kusikila nkabike basinkondonyoko kuti</div><div class="q">cibe cilyatililo cako.&#8217;</div><div class="m"> 44Oobuya Devedi mbwaakamwiita kuti &#8216;Mwami.&#8217; Ino inga ulaba buti mwanaakwe?&#8221;</div><div class="s">Jesu mbwaakacenjezya bantu zyabamayi ba Mulawo</div><div class="r">(Mateyo 23.1-12; Maako 12.38-40)</div><div class="p"> 45Lino bantu banji kabaswiilila Jesu wakati kuli basikwiiya bakwe, 46&#8220;Kamubacenjelela bamayi ba Mulawo aabo bayandisya kweendeenda kabasamide zisani zilamfu, akuyanda kulisalila masena mabotu akujuzigwa akulemekwa muzisambalilo akukkala zyuuno zyabulemu muzikombelo amumapobwe. 47Bacenga bamukabafu akubanyanga mbono zyabo, alimwi bayanda kubonwa abantu kwiindila mukukomba kwabo kulamfu. Cisubulo cabo kuli Leza ciyooindilila kubija!&#8221;</div>
 </div>
 </div>
</div>

Tonga Bible © United Bible Societies, 1994. 

Buzuba bumwi Jesu naakali kwiisya bantu muŋanda ya Leza akukambauka Makani Mabotu, bapaizi basilutwe abamayi ba Mulawo antoomwe abapati bacisi, bakaboola kulinguwe, bakati, “Twaambile, ninguzu nzi nzyojisi mukucita zintu eezi? Nguni waakakupa nguzu zyakucita zintu eezi?”
Jesu wakabaingula kuti, “Ambebo ndilamubuzya mubuzyo. Amundaambile, Nguni wakatuma Joni kuti abbapatizye ngu Leza naa mbantu?”
Mpoonya bakatalika kukazyanya mulicabo bati, “Ino twaambe buti? Naa twaambe kuti Leza nguwakamutuma, ulaamba kuti, ‘Ino kayi mwakalekela nzi kumusyoma?’ Naa twati, ‘Mbantu’ nkamu eeyi yoonse iili aano ilatuuma mabwe, nkaambo boonse balizi kuti Joni wakali musinsimi.” Aboobo bakamuvwiila akuti, “Tatumuzi pe.”
Mpoonya Jesu wakabaambila kuti, “Ambebo nsikoomwaambila naa ninguzu nzi nzecitya zintu eezi.”


Mpoonya Jesu wakaambila bantu cikozyanyo eeci, wakati, “Umwi muntu wakalima muunda wamusaansa. Wakuupa kubalimi, eelyo wakaya kucisi cimbi. Nicakasika ciindi cakutebula nsaansa, ooyo muntu wakatuma mubelesi kubalimi aabo kuti akamuletele caabilo cakwe camicelo yamuunda. Pele balimi bakamuuma mubelesi ooyo akumupilusya acinkwamaanza. Kumane muntu ooyo wakatuma aumbi mubelesi, pele balimi bakamuuma awalo akumucita zintu zyuusya nsoni, awalo bakamupilusya acinkwamaanza. Alimwi wakatuma mubelesi watatu, awalo ooyo bakamucisa balimi aabo bamusowela kunze aamuunda. Eelyo mukamwini muunda wakati, ‘Ino ndilacita buti? Nkokuti ndilatuma buyo mwanaangu ngweyandisisya, ambweni bayoomulemeka!’ Pele balimi nibakamubona bakavwiya kuti, ‘Ooyu ngosimulya zina. Atumujaye kutegwa muunda ube wesu!’ Aboobo bakamujaya akumusowela kunze aamuunda.”
Jesu wakababuzya kuti, “Ino ninzi ncatikacite uuli aamuunda kubantu aaba? Uyooboola akubajaya balimi akupa muunda wakwe kubantu bambi.” Bantu nibakamvwa boobu bakati, “Kutabi boobo kaka!”
Jesu wakabalanga akubabuzya kuti, “Ino malembe aaya aamba nzi aati,
‘Ibbwe ndibakakaka bayaki
ndelyakaba bbwe liyandisi lyaacooko.’
Kufumbwa muntu uutikawide alindilyo uyootyokooka, alimwi kuti bbwe eelyo likawide amuntu liyoomupwasyaula.”


Lino bamayi ba Mulawo antoomwe abapaizi basilutwe bakasola kuti bamujate Jesu mpoonya abusena aawo, nkaambo bakaziba kuti wakali kusendekezya mbabo mucikozyanyo eeci, pele bakayoowa bantu. Aboobo bakali kulindila ciindi cakuti bamujate. Bakabbadela bamwi bantu basikutwela kutegwa bakalicengezye kuti mbantu basyomeka, bakabatuma kuti bakamuteye Jesu amibuzyo yabo, kutegwa bakonzye kumutola kunkuta yamweendelezi. Bantu aaba bakati kuli Jesu, “O Mwiiyi, tulizi kuti yebo ulaamba akwiisya mubwini. Tulizi kuti tokwe makani amuntu naba ni, pele ulaiisya nzila ya Leza mukasimpe. Twaambile, sena kuleelede kutela mitelo ku Muleli Mupati waku Loma naa pe?”
Jesu wakaziba luuni lwabo, mpoonya wakati, “Amunditondezye di. Ino lijisi mutwe azina lyani?”
Bakati, “Nzya Muleli Mupati waku Loma.”
Eelyo wakati, “Ncibotu, amupe Muleli Mupati waku Loma zintu zyakwe, alimwi amupe Leza zintu zya Leza.”
Aboobo bakakacilwa kuti bamuce muli ncaakaamba kumbele lyabantu niciba comwe, eelyo bakaumuna buyo alimwi bakagambwa kukwiingula kwakwe.


Lino bamwi Basaduki bakasika kuli Jesu. Mbambabo aabo baamba kuti bantu tabakooyoobuka kuzwa kubafu. Bakati, “Mwiiyi, Mozesi wakatulembela mulawo ooyu, ‘Kuti naa munyoko wafwa wajisi mukaintu pele katakwe bana mbaakazyala, wamukowa uleelede kukwata mukamufu kutegwa amuzyalile bana mufu.’ Lino kwakali babunyina bali ciloba, mupati wa boonse wakakwata mukaintu pele wakafwa katanazyala mwana. Eelyo awabili wakakwata mukamufu, alimwi awatatu mbubonya, pele awalo wakafwa, bakali kuya bufwa boonse mane kusikila kuli waciloba kabatasiyi amwana pe. Kumamanino awalo mukaintu wakafwa. Ino bwaakusika buzuba mbobayoobusigwa bafu, ooyo mukaintu uyooba mukani? Nkaambo baalumi aaba bali ciloba boonse bakali mukwete.”
Jesu wakabaingula kuti, “Baalumi abakaintu bamazuba aano balakwatana, pele muciindi ciboola baalumi abakaintu nibayoobusigwa kuzwa kubafu tabakooyookwatana pe. Bayooba mbuli bangelo, alimwi tabakafwi limbi pe. Balo bayooba bana ba Leza, nkaambo bayoobusigwa kuzwa kubafu. Awalo Mozesi wakacibikka aantangalala cakuti bafu bayoobusigwa. Nkaambo aawo mpaakalemba makani aciteyo ciyaka mulilo, wakalemba kuti, ‘Ngu Leza wa Abulahamu, wa Izaka, alimwi a Jakobo!’ Caamba kuti ngu Leza wabaumi, tali wabafu pe, nkaambo kuli Leza boonse mbaumi.”
Eelyo bamwi bamayi ba Mulawo bakaamba kuti, “Ooko nkwiingula kubotu, omwiiyi.” Aboobo bakayoowa kucinoomubuzya limbi mibuzyo.


Jesu wakati kulimbabo, “Ino caambilwa nzi kuti Munanike wa Leza ngwalunyungu lwa Devedi? Nkaambo Devedi mwini mubbuku lya Intembauzyo, waamba kuti,
‘Mwami Leza wakati ku Mwami wangu,
Kkala kubbazu lyalulyo lwangu
Mane kusikila nkabike basinkondonyoko kuti
cibe cilyatililo cako.’
Oobuya Devedi mbwaakamwiita kuti ‘Mwami.’ Ino inga ulaba buti mwanaakwe?”


Lino bantu banji kabaswiilila Jesu wakati kuli basikwiiya bakwe, “Kamubacenjelela bamayi ba Mulawo aabo bayandisya kweendeenda kabasamide zisani zilamfu, akuyanda kulisalila masena mabotu akujuzigwa akulemekwa muzisambalilo akukkala zyuuno zyabulemu muzikombelo amumapobwe. Bacenga bamukabafu akubanyanga mbono zyabo, alimwi bayanda kubonwa abantu kwiindila mukukomba kwabo kulamfu. Cisubulo cabo kuli Leza ciyooindilila kubija!”

వినండి Luka 20