Bible translation: Lubukusu © Bible Society of Kenya, 2007 Recording of the New Testament ℗ Hosanna, 2019

Lubukusu- 2007 KENBS (NT) Drama

Lubukusu- 2007 KENBS (NT) Non Drama

<div class="version vid2654 iso6393bxk" data-vid="2654" data-iso6393="bxk">
 <div class="book bkJHN">
 <div class="chapter ch9" data-usfm="JHN.9">
 <div class="label">9</div><div class="s">Yesu aonia omundu owasaalwa omubofu</div><div class="p"> 1Nga Yesu aba ne alikho akeenda, abona omundu owasaalwa omubofu. 2Babeeka bewe bamureeba bali, &#8220;Omwekisia, bubwoni bwa naanu bubwakila yuno aasaalwa omubofu? Bwaba bubwewe omwene namwe bwe basaasi bewe?&#8221;</div><div class="p"> 3Yesu abakobosia ali, &#8220;Bubofu bwewe se buli sikila bubwoni bwewe, namwe bwe basaasi bewe tawe. Ali omubofu nio kamaani ka Wele kabonekhe ne kakhola kimilimo mu niye. 4Enje ne siili kumuusi, khukhwola khukhole kimilimo kioyo owanduma ese; siilo silikho siicha niio omundu akhanyala akhola kimilimo tawe. 5#Mat. 5.14; Yn. 8.12 Ese ne siili mu sibala, ndi buwaanga bwe sibala.&#8221;</div><div class="p"> 6Yesu namalile khuboola kano afucha aasi atubaasia liloba ne kamare mala abakha litosi chana siamoni wo mundu oyo 7mala aboola ali, &#8220;Khoche osaabe mu moni mwitiisi lia Siloamu.&#8221; (Liboola lili &#8220;Owarumwa&#8221;). Omundu chana acha. Asaaba mu moni, mala akobola ne alikho abona.</div><div class="p"> 8Nio babamenya naye siimbi ne babaandu babamubona ne esabiilisia kano ne kakhekholekha, bareeba bali, &#8220;Omundu yuno se ali niye owikhalanga ne esabiilisia?&#8221;</div><div class="p"> 9Balala baloma bali, &#8220;Yee niye&#8221; ne babaandi baloma bali, &#8220;Se ali niye tawe, afwaanana busa naye.&#8221;</div><div class="p">Nio omundu chana omwene aloma ali, &#8220;Niise.&#8221;</div><div class="p"> 10Bamureeba bali, &#8220;Kali kariena luno olikho obona?&#8221;</div><div class="p"> 11Akobosia ali, &#8220;Omundu olaangwa Yesu arokile litosi ambakha siamoni chase amboolela nje Siloamu saabe mu moni. Khwako njiile, mala nga saabile, abwene ne abwene, naona.&#8221;</div><div class="p"> 12Bamureeba bali, &#8220;Ali waena?&#8221; Naye abakobosia ali, &#8220;Se manya tawe.&#8221;</div><div class="s">Bafarisayo bayimilisia khu manya ke lionia chana</div><div class="p"> 13Babamenya naye siimbi bayila omundu oyo khu Bafarisayo. 14Endaalo niyo Yesu akholelamo litosi ne khuonia omubofu yuno yaba eye Sabato. 15Nio, Bafarisayo bareeba omundu chana lundi bali, &#8220;Wamile oriena Waona?&#8221; Aababoolela ali, &#8220;Aakhile litosi khu moni chase, nasaaba mu moni, mala luno nyala nabona.&#8221;</div><div class="p"> 16Bafarisayo balala baloma bali, &#8220;Omundu ookholile kano se anyala aaba ne aama khu Wele tawe, sikila se aria lilaka lie Sabato tawe.&#8221; Kakhaba kario, babaandi baloma bali, &#8220;Omundu omwoni anyala ariena khukhola kamayia nga kano.&#8221; Mala liliabukhana liabao akari wabwe. 17Nio Bafarisayo bachana bareeba omundu oyo lundi bali, &#8220;Oloma oli akhuonisie ewe bubofu bwowo, ewe oboola siina khu niye?&#8221; Omundu chana abakobosia ali, &#8220;Omung'oosi niye.&#8221;</div><div class="p"> 18Bayaudi be bunyali, kakhaba kario, se bafukiilila khusuubila bali omundu oyo aba omubofu mala luno anyala abona tawe, khukhwola nga ne balaanga raraawe ne maawe. 19Babareeba bali, &#8220;Yuno omwana wenywe niye muboolanga muli asaalwa omubofu; nono kabeele kariena luno anyala aabona?&#8221; 20Basaasi bewe babakobosia bali, &#8220;Khu manyile khuli ali omwana wefwe mala asaalwa omubofu. 21Ne se khumanya kali kariena nga luno anyalile khubona tawe namwe se khumanya abeele naanu omuonisie bubofu bwewe tawe. Mureebe omwene, ali omundu omukhulu busa omwene anyala akobosia!&#8221; 22Basaasi bewe baloma bario sikila abeele bariire Bayaudi be bunyali ba baba ne bafukiilisiane bali balaoona khukhwama mu sinakooki omundu yesi yesi osuubila ali Yesu ali Kristo. 23Esio nisio sisiakila basaasi bewe baloma bali, &#8220;Ali omundu omukhulu mureebe omwene!&#8221;</div><div class="p"> 24Lukhola khabili balaanga omundu owasaalwa omubofu chana mala bamuboolela bali, &#8220;Khusuubisie ebweeni wa Wele oli olaboola bung'ali! Khumanyile khuli omundu okhuonisie yuno ali omwoni.&#8221;</div><div class="p"> 25Omundu oyo abakobosia ali, &#8220;Ese se manya nali omwoni namwe nakhali omwoni tawe, ese manyile sisiindu silala, naba omubofu ne luno mbona.&#8221;</div><div class="p"> 26Bamureeba bali, &#8220;Siina nisio akhukholilekho? Akhuonisie bubofu bwowo ariena?&#8221;</div><div class="p"> 27Akobosia ali, &#8220;Namubooleele khale mala se mwenya khurekeeresia tawe. Siina sikila ne mwenya khuulila lundi? Namwe mwesi mwenyile khuba babeeka bewe?&#8221;</div><div class="p"> 28Bamulaama ne baloma bali, &#8220;Ewe oli Omweeka wo mundu oyo ne efwe khuli babeeka ba Musa. 29Khu manyile khuli Wele alomaloma khu Musa; ne omundu oyo naye, se khu manyile akhaba niio aama tawe!&#8221;</div><div class="p"> 30Omundu chana aakobosia ali, &#8220;Likhuwa lino lili lie khuukia! Enywe se mumanyile niio aama tawe, mala aambonisie ese bubofu bwase! 31Khumanyile khuli Wele se arekeeresianga babooni tawe; arekeeresianga babaandu bamuria ne khukhola niko niye enya. 32Khukhwama mu khurakikha khwe sibala, se aliio owaulilakho bali omundu yesi yesi eekula chimoni cho mundu owasaalwa omubofu tawe. 33Banga omundu yuno se eecha khukhwama khu Wele tawe, andi se aanyala khukholakho siosi siosi tawe!&#8221; 34Bamukobosia bali, &#8220;Ewe wasaalwa mu bwoni lundi wakhulila mu bwoni onyala oriena khukhwekisia efwe?&#8221; Mala bamuoona, mu sinakooki.</div><div class="s">Bubofu bwe mu roho</div><div class="p"> 35Nga Yesu ne aulila kakaba ne kekholekhe, anyoola omundu chana mala amureeba ali, &#8220;Ewe osuubila mu Mwana wo Mundu?&#8221;</div><div class="p"> 36Omundu oyo aamukobosia ali, &#8220;Omwami, mboolele, naanu niye nio nyale khu musuubila!&#8221; 37Yesu aamuboolela ali, &#8220;Wamuboone khale, niye olikholomaloma nawe siise sino.&#8221; 38Omundu chana aaloma ali, &#8220;Omwami nasuubiile!&#8221; Mala aasikama ebweeni wa Yesu. 39Yesu aaloma ali, &#8220;Necha khu sibala khuno khukhalaka, nio babofu babone ne abo babona bekele babofu.&#8221; 40Bafarisayo balala ba babao bamuulila ne aloma kano mala bamureeba bali, &#8220;Aakhaba fwesi khuli babofu?&#8221;</div><div class="p"> 41Yesu aabakobosia ali, &#8220;Abanga bali muli babofu andi se muli ne bubwoni tawe; ne kakhali sikila muloma muli, mubona, aba lino liekesia lili enywe musiili ne bubwoni.&#8221;</div>
 </div>
 </div>
</div>

Nga Yesu aba ne alikho akeenda, abona omundu owasaalwa omubofu. Babeeka bewe bamureeba bali, “Omwekisia, bubwoni bwa naanu bubwakila yuno aasaalwa omubofu? Bwaba bubwewe omwene namwe bwe basaasi bewe?”
Yesu abakobosia ali, “Bubofu bwewe se buli sikila bubwoni bwewe, namwe bwe basaasi bewe tawe. Ali omubofu nio kamaani ka Wele kabonekhe ne kakhola kimilimo mu niye. Enje ne siili kumuusi, khukhwola khukhole kimilimo kioyo owanduma ese; siilo silikho siicha niio omundu akhanyala akhola kimilimo tawe. Ese ne siili mu sibala, ndi buwaanga bwe sibala.”
Yesu namalile khuboola kano afucha aasi atubaasia liloba ne kamare mala abakha litosi chana siamoni wo mundu oyo mala aboola ali, “Khoche osaabe mu moni mwitiisi lia Siloamu.” (Liboola lili “Owarumwa”). Omundu chana acha. Asaaba mu moni, mala akobola ne alikho abona.
Nio babamenya naye siimbi ne babaandu babamubona ne esabiilisia kano ne kakhekholekha, bareeba bali, “Omundu yuno se ali niye owikhalanga ne esabiilisia?”
Balala baloma bali, “Yee niye” ne babaandi baloma bali, “Se ali niye tawe, afwaanana busa naye.”
Nio omundu chana omwene aloma ali, “Niise.”
Bamureeba bali, “Kali kariena luno olikho obona?”
Akobosia ali, “Omundu olaangwa Yesu arokile litosi ambakha siamoni chase amboolela nje Siloamu saabe mu moni. Khwako njiile, mala nga saabile, abwene ne abwene, naona.”
Bamureeba bali, “Ali waena?” Naye abakobosia ali, “Se manya tawe.”

Babamenya naye siimbi bayila omundu oyo khu Bafarisayo. Endaalo niyo Yesu akholelamo litosi ne khuonia omubofu yuno yaba eye Sabato. Nio, Bafarisayo bareeba omundu chana lundi bali, “Wamile oriena Waona?” Aababoolela ali, “Aakhile litosi khu moni chase, nasaaba mu moni, mala luno nyala nabona.”
Bafarisayo balala baloma bali, “Omundu ookholile kano se anyala aaba ne aama khu Wele tawe, sikila se aria lilaka lie Sabato tawe.” Kakhaba kario, babaandi baloma bali, “Omundu omwoni anyala ariena khukhola kamayia nga kano.” Mala liliabukhana liabao akari wabwe. Nio Bafarisayo bachana bareeba omundu oyo lundi bali, “Oloma oli akhuonisie ewe bubofu bwowo, ewe oboola siina khu niye?” Omundu chana abakobosia ali, “Omung'oosi niye.”
Bayaudi be bunyali, kakhaba kario, se bafukiilila khusuubila bali omundu oyo aba omubofu mala luno anyala abona tawe, khukhwola nga ne balaanga raraawe ne maawe. Babareeba bali, “Yuno omwana wenywe niye muboolanga muli asaalwa omubofu; nono kabeele kariena luno anyala aabona?” Basaasi bewe babakobosia bali, “Khu manyile khuli ali omwana wefwe mala asaalwa omubofu. Ne se khumanya kali kariena nga luno anyalile khubona tawe namwe se khumanya abeele naanu omuonisie bubofu bwewe tawe. Mureebe omwene, ali omundu omukhulu busa omwene anyala akobosia!” Basaasi bewe baloma bario sikila abeele bariire Bayaudi be bunyali ba baba ne bafukiilisiane bali balaoona khukhwama mu sinakooki omundu yesi yesi osuubila ali Yesu ali Kristo. Esio nisio sisiakila basaasi bewe baloma bali, “Ali omundu omukhulu mureebe omwene!”
Lukhola khabili balaanga omundu owasaalwa omubofu chana mala bamuboolela bali, “Khusuubisie ebweeni wa Wele oli olaboola bung'ali! Khumanyile khuli omundu okhuonisie yuno ali omwoni.”
Omundu oyo abakobosia ali, “Ese se manya nali omwoni namwe nakhali omwoni tawe, ese manyile sisiindu silala, naba omubofu ne luno mbona.”
Bamureeba bali, “Siina nisio akhukholilekho? Akhuonisie bubofu bwowo ariena?”
Akobosia ali, “Namubooleele khale mala se mwenya khurekeeresia tawe. Siina sikila ne mwenya khuulila lundi? Namwe mwesi mwenyile khuba babeeka bewe?”
Bamulaama ne baloma bali, “Ewe oli Omweeka wo mundu oyo ne efwe khuli babeeka ba Musa. Khu manyile khuli Wele alomaloma khu Musa; ne omundu oyo naye, se khu manyile akhaba niio aama tawe!”
Omundu chana aakobosia ali, “Likhuwa lino lili lie khuukia! Enywe se mumanyile niio aama tawe, mala aambonisie ese bubofu bwase! Khumanyile khuli Wele se arekeeresianga babooni tawe; arekeeresianga babaandu bamuria ne khukhola niko niye enya. Khukhwama mu khurakikha khwe sibala, se aliio owaulilakho bali omundu yesi yesi eekula chimoni cho mundu owasaalwa omubofu tawe. Banga omundu yuno se eecha khukhwama khu Wele tawe, andi se aanyala khukholakho siosi siosi tawe!” Bamukobosia bali, “Ewe wasaalwa mu bwoni lundi wakhulila mu bwoni onyala oriena khukhwekisia efwe?” Mala bamuoona, mu sinakooki.

Nga Yesu ne aulila kakaba ne kekholekhe, anyoola omundu chana mala amureeba ali, “Ewe osuubila mu Mwana wo Mundu?”
Omundu oyo aamukobosia ali, “Omwami, mboolele, naanu niye nio nyale khu musuubila!” Yesu aamuboolela ali, “Wamuboone khale, niye olikholomaloma nawe siise sino.” Omundu chana aaloma ali, “Omwami nasuubiile!” Mala aasikama ebweeni wa Yesu. Yesu aaloma ali, “Necha khu sibala khuno khukhalaka, nio babofu babone ne abo babona bekele babofu.” Bafarisayo balala ba babao bamuulila ne aloma kano mala bamureeba bali, “Aakhaba fwesi khuli babofu?”
Yesu aabakobosia ali, “Abanga bali muli babofu andi se muli ne bubwoni tawe; ne kakhali sikila muloma muli, mubona, aba lino liekesia lili enywe musiili ne bubwoni.”

వినండి Yn. 9