Gwere: Endagaano Empyaka Omu Lugwere (Bible)

Endagaano Empyaka Omu Lugwere

<div class="version vid2299 iso6393gwr" data-vid="2299" data-iso6393="gwr">
 <div class="book bkJHN">
 <div class="chapter ch5" data-usfm="JHN.5">
 <div class="label">5</div><div class="s1">OYesu alamya omulwaire oku kidiba</div><div class="p"> 1Awo ekiseera owekyabitirekuuwo, oYesu n&#700;aniinaniina e Yerusaalemi oku mukolo gw&#700;aBayudaaya. 2Omu Yerusaalemi, okumpi n&#700;ogumo oku miryango egyaingirangamu ogubeeta oMulyango gw&#700;entaama,#5:2 Omulyango gw&#700;entaama, niimwo omu babityanga entaama nga baaba okugisadaaka. wabbairewo ekidiba ky&#700;amaizi. Ekidiba ekyo nago omu Lwebbulaniya ekibeeta Bbetizata,#5:2 Bbetizata, lizwa mu liina bati, Bbesuzasa, ooba Bbesesida, ooba Bbesesuda, ooba Bbesusaida. kyabbaireku ebisiisira bitaanu nga bikyeruguulirirye. 3Omu bisiisira ebyo, mwalambaalangamu abalwaire bangi ino, n&#700;aboofu, n&#700;abaleme, n&#700;abasanyalaire era [ni bakuumiriranga amaizi okwekuyugamu. 4Omalaika yaikanga omu kidiba omu biseera ebimo, n&#700;akuyugamu amaizi. Oyo eyesookanga okwika omu kidiba nga bamalire okukuyugamu amaizi, yalamanga buli bulwaire bwonabwona obuyaabbanga nabwo.]#5:4 EBiwandiike ebimo eby&#700;eira bibulamu ebibono ebiri omu bukita.</div><div class="p"> 5Kale awo oku kidiba wabbairewo omusaiza, ng&#700;amalire emyanka 38 nga mulwaire. 6OYesu oweyaboine omusaiza oyo ng&#700;alambaire awo, era n&#700;amanya ati yabbaire atyo okumala ekiseera kinene, n&#700;amukoba ati, &#8220;Otaka okulama?&#8221;</div><div class="p"> 7Omulwaire n&#700;amwiramu ati, &#8220;Sebo, nze ndambaku omuntu ambeera okugwa omu kidiba omu kiseera ekyo owebakuyugiramu amaizi. Mba-so nkaali ngalagatana okugwamu, ogondi n&#700;ansookamu.&#8221;</div><div class="p"> 8Awo oYesu n&#700;amukoba ati, &#8220;Osetuke, weetiike omukeekagwo, era otambule oyabe.&#8221; 9Era omusaiza oyo n&#700;alamirawo, n&#700;aginga omukeekagwe, n&#700;atambula n&#700;ayaba.</div><div class="p">Olunaku olwo lwabbaire ku Saabbaato. 10Kale aBayudaaya ni bakoba omusaiza oYesu oguyalamirye bati, &#8220;Olwatyanu Saabbaato, era amateeka tigakwikirirya okwetiika omukeekagwo.&#8221;#Nek 13:19; Yer 17:21</div><div class="p"> 11Neye iye n&#700;abairamu ati, &#8220;Omusaiza andamirye, niiye ankobere ati, &#8216;Weetiike omukeekagwo, era otambule oyabe.&#8217; &#8221;</div><div class="p"> 12Kale awo ni bamubuulya bati, &#8220;Musaizaki oyo akukobere okwetiika omukeekagwo, era ati otambule oyabe?&#8221; 13Cooka omusaiza oYesu oguyalamirye yabbaire tamaite amulamirye olw&#700;okubba n&#700;oYesu yabbaire agoteire omu kiziima ky&#700;abantu ekyabbaire awo.</div><div class="p"> 14Oluzwanyumaku, oYesu yaajiirye omusaiza nago omu Yeekaalu, era n&#700;amukoba ati, &#8220;Aale obone, ngoyo tete oli kusani. Aale toirangayo okukola ekibbikibbi, neye owewaliirayo ekigosi ekikiraku kidi kyezya okukubbaaku.&#8221;</div><div class="p"> 15Awo omusaiza nago n&#700;ayaba n&#700;akobera aBayudaaya ati oYesu niiye eyabbaire amulamirye.</div><div class="p"> 16Kale awo, abeekubbemberi b&#700;aBayudaaya ni batandiika okuyiiga oYesu okumwita iye olw&#700;okulamya omuntu oku Saabbaato, ikyo ekyabbaire ekivuna amateeka g&#700;eSaabbaato. 17Neye iye oYesu n&#700;abairamu ati, &#8220;Obanga oBbaabba iye akola bulijo paka lwatyanu, kaisi nze?&#8221;</div><div class="p"> 18Ikyo ekyo kyongeiremu Bayudaaya abo maani okugezyaku okumwita. Ekyo kyabbaire kityo olw&#700;okubba nti, oYesu tiyabbaire avunire mateeka g&#700;eSaabbaato kyonkani, neye era ng&#700;akoba ati oKibbumba niiye oIteeye onanyerenyeere. Kale mwekyo n&#700;abba yeesuuca okubba yenkanankana n&#700;oKibbumba.</div><div class="s1">Obwezye bw&#700;oMwana wa Kibbumba</div><div class="p"> 19Awo oYesu n&#700;abasonzolera ati, &#8220;Mbakobera amazima nti oMwana mpaawo ekyayezya okukola okululwe, wazira ekyo ekyabona ng&#700;oIteeye akola. Era iye oIteeye ekyakola, niikyo oMwanawe yena ekyakola. 20Ekyo kityo olw&#700;okubba oIteeye w&#700;oMwana oyo, amutaka era amulaga ebyakola kaisi iye oMwana akole ebintu byonabyona oIteeye onyere ebyakola. Era mwewunye n&#700;akinu muti yalimulaga okukola eby&#700;amaani n&#700;ebikiraku n&#700;ekyo ekyokulamya omusaiza oyo. 21Era ng&#700;oIteeye owaazuukiza, atyo n&#700;oMwanawe niiye owaagabira abo abeyeesiimira obwomi obutawaawo. 22Tete n&#700;ekindi kiri kiti oIteeye mpaawo kadi moiza ogwasalira omusango, wazira iye oMwanawe niiye oguyawaire obwezye okusala emisango gyonagyona. 23Ekyo kityo kaisi abantu bonabona bayezye okuwa oMwana ekitiisya ekyo ekibawa oIteeye. Era singa omuntu yenayena tawa oMwana ekitiisya era mazima abba tawa n&#700;oIteeye ekitiisya, iye nago eyamutumire.&#8221;</div><div class="p"> 24Awo oYesu ni yeeyongera ati, &#8220;Era mbakobera amazima nti iye oyo awulira ebibono byange, n&#700;aikirirya oyo eyantumire, abba n&#700;obwomi obutawaawo, era tibalimusingisya omusango. Abba azwire omu kufa, n&#700;asuna obwomi obutawaawo. 25Era mbakobera amazima nti ekiseera owekiri awo kituukire, abafu owebaliwulira eigono ly&#700;oMwana wa Kibbumba ni basuna obwomi obutawaawo. 26Iye oKibbumba ali n&#700;obwezye obugabira omuntu obwomi, era obwezye obwo nago yabuwaire oMwanawe. 27Era yamuwaire n&#700;obwezye okusalira abantu emisango olw&#700;okubba Mwana wa Muntu.</div><div class="p"> 28&#8220;Era ekyo timwakyewunya olw&#700;okubba ekiseera kiiza, bonabona abafu owebaliwulirira eigonolye, 29era ni bazwa e magombe. Ibo abakola ebisa, balizuukira ni basuna obwomi obutawaawo. Neye ibo abo abakola ekibbikibbi, balizuukira ni babasingisya omusango.#Dan 12:2 30Era nze mpaawo ekimpezya okukola okulwange. Nsala omusango ng&#700;oKibbumba obwankoba. N&#700;olwekyo ensala yange ya bwenkanya olw&#700;okubba nkolera ku kiidi iye oodi eyantumire ekyasiima, tiku ninze ng&#700;owembona.&#8221;</div><div class="s1">Ibo abakakasa ikyo oYesu ekyali</div><div class="p"> 31Awo oYesu ni yeeyongera ati, &#8220;Aale singa ninze zenkani nga mpaawo gondi akobera abantu ebinkwataku, timwandibbaire mukakasa ikyo ekineyeeta. 32Neye waliwo ogondi akobera abantu ebinkwataku. Iye oyo nago Kibbumba era mmaite nti obujulizibwe obunkwataku butuuce. 33Cooka inywe mwatumire abakwenda egiri oYokaana, neye era yena n&#700;awa obukakafu ikyo ekyendi.#Yok 1:19-27; 3:27-30 34Ekyo tinkikoba lwakubba ntaka bujulizi ibwo obwa muntu-obuntu, neye ntumula oku bujulizi bwa Yokaana kaisi mwezye okwikirirya era mulokoke. 35Ibwo obukwenda oYokaana obuyabaleeteire bwabbaire ooti itaala eryaka okubamolekera era bwabazwereiremu okubba basangaali okumalaku kaseera-buseera.</div><div class="p"> 36&#8220;Neye ndi n&#700;obukakafu obukiraku obwo oYokaana obuyantumwireku. Era obukakafu nago bubonekera mu mulimo ogw&#700;amaani nago oBbaabba oguyampaire okutuukirirya era n&#700;ebintu ebinkola bikakasa biti nze oBbaabba dala yantumire. 37Era oBbaabba iye eyantumire, onyere akakasa ikyo ekyendi. Inywe timuwulirangaku eigonolye, waire okumubonaku amaiso oku maiso.#Mat 3:17; Mak 1:11; Luk 3:22 38Era n&#700;omu myoyo gyanywe mpaamu ekibono kya Kibbumba nago olw&#700;okubba oyo oguyatumire timumwikiririryamu.</div><div class="p"> 39&#8220;Cooka inywe mwekenenya nga musoma eBiwandiike olw&#700;okubba museega muti omu Biwandiike nago niimwo omu mwalisuna obwomi obutawaawo, era oomwo niimwo omu bakakasira ebinkwataku. 40Cooka inywe tete mugaana okwiza egyendi kaisi mwezye okusuna obwomi obutawaawo.&#8221;</div><div class="p"> 41Awo oYesu ni yeeyongera ati, &#8220;Tintumula lwakutaka bantu kumpuuja, 42neye nze mbategeera era mmaite nti inywe omu myoyo gyanywe, oKibbumba iye timumutaka. 43Aale mubone eenu, nze naizire omu liina lya Bbaabba, neye timwanjanirizire. Neye singa omuntu ogondi obwaiza okululwe, oyo iye mumwaniriza. 44Aale atyanu mwezya mutya okunjikiririryamu, nga mwikirirya kuwuujangana okwanywe inywe abananyere, kaisi nga timufa ku kuudi okuzwa egiri oKibbumba oyo omoiza yenkani?&#8221;</div><div class="p"> 45Era oYesu ni yeeyongera ati, &#8220;Neye timuseega muti ninze enalibaloopa e wa Bbaabba. Wazira abaloopa, iye Musa inywe ogumulimu eisuubi okubawozererya. 46Aale owekibba nti mwaikiririirye omu Musa, zena mwandibbaire munjikiririryamu olw&#700;okubba iye yena yampandiikireku. 47Neye owemubbanga timwikirirya ebiyawandiikire, aale tete mubba mwaikirirya mutya ebinkoba?&#8221;</div>
 </div>
 </div>
</div>

Awo ekiseera owekyabitirekuuwo, oYesu nʼaniinaniina e Yerusaalemi oku mukolo gwʼaBayudaaya. Omu Yerusaalemi, okumpi nʼogumo oku miryango egyaingirangamu ogubeeta oMulyango gwʼentaama, wabbairewo ekidiba kyʼamaizi. Ekidiba ekyo nago omu Lwebbulaniya ekibeeta Bbetizata, kyabbaireku ebisiisira bitaanu nga bikyeruguulirirye. Omu bisiisira ebyo, mwalambaalangamu abalwaire bangi ino, nʼaboofu, nʼabaleme, nʼabasanyalaire era [ni bakuumiriranga amaizi okwekuyugamu. Omalaika yaikanga omu kidiba omu biseera ebimo, nʼakuyugamu amaizi. Oyo eyesookanga okwika omu kidiba nga bamalire okukuyugamu amaizi, yalamanga buli bulwaire bwonabwona obuyaabbanga nabwo.]
Kale awo oku kidiba wabbairewo omusaiza, ngʼamalire emyanka 38 nga mulwaire. OYesu oweyaboine omusaiza oyo ngʼalambaire awo, era nʼamanya ati yabbaire atyo okumala ekiseera kinene, nʼamukoba ati, “Otaka okulama?”
Omulwaire nʼamwiramu ati, “Sebo, nze ndambaku omuntu ambeera okugwa omu kidiba omu kiseera ekyo owebakuyugiramu amaizi. Mba-so nkaali ngalagatana okugwamu, ogondi nʼansookamu.”
Awo oYesu nʼamukoba ati, “Osetuke, weetiike omukeekagwo, era otambule oyabe.” Era omusaiza oyo nʼalamirawo, nʼaginga omukeekagwe, nʼatambula nʼayaba.
Olunaku olwo lwabbaire ku Saabbaato. Kale aBayudaaya ni bakoba omusaiza oYesu oguyalamirye bati, “Olwatyanu Saabbaato, era amateeka tigakwikirirya okwetiika omukeekagwo.”
Neye iye nʼabairamu ati, “Omusaiza andamirye, niiye ankobere ati, ‘Weetiike omukeekagwo, era otambule oyabe.’ ”
Kale awo ni bamubuulya bati, “Musaizaki oyo akukobere okwetiika omukeekagwo, era ati otambule oyabe?” Cooka omusaiza oYesu oguyalamirye yabbaire tamaite amulamirye olwʼokubba nʼoYesu yabbaire agoteire omu kiziima kyʼabantu ekyabbaire awo.
Oluzwanyumaku, oYesu yaajiirye omusaiza nago omu Yeekaalu, era nʼamukoba ati, “Aale obone, ngoyo tete oli kusani. Aale toirangayo okukola ekibbikibbi, neye owewaliirayo ekigosi ekikiraku kidi kyezya okukubbaaku.”
Awo omusaiza nago nʼayaba nʼakobera aBayudaaya ati oYesu niiye eyabbaire amulamirye.
Kale awo, abeekubbemberi bʼaBayudaaya ni batandiika okuyiiga oYesu okumwita iye olwʼokulamya omuntu oku Saabbaato, ikyo ekyabbaire ekivuna amateeka gʼeSaabbaato. Neye iye oYesu nʼabairamu ati, “Obanga oBbaabba iye akola bulijo paka lwatyanu, kaisi nze?”
Ikyo ekyo kyongeiremu Bayudaaya abo maani okugezyaku okumwita. Ekyo kyabbaire kityo olwʼokubba nti, oYesu tiyabbaire avunire mateeka gʼeSaabbaato kyonkani, neye era ngʼakoba ati oKibbumba niiye oIteeye onanyerenyeere. Kale mwekyo nʼabba yeesuuca okubba yenkanankana nʼoKibbumba.

Awo oYesu nʼabasonzolera ati, “Mbakobera amazima nti oMwana mpaawo ekyayezya okukola okululwe, wazira ekyo ekyabona ngʼoIteeye akola. Era iye oIteeye ekyakola, niikyo oMwanawe yena ekyakola. Ekyo kityo olwʼokubba oIteeye wʼoMwana oyo, amutaka era amulaga ebyakola kaisi iye oMwana akole ebintu byonabyona oIteeye onyere ebyakola. Era mwewunye nʼakinu muti yalimulaga okukola ebyʼamaani nʼebikiraku nʼekyo ekyokulamya omusaiza oyo. Era ngʼoIteeye owaazuukiza, atyo nʼoMwanawe niiye owaagabira abo abeyeesiimira obwomi obutawaawo. Tete nʼekindi kiri kiti oIteeye mpaawo kadi moiza ogwasalira omusango, wazira iye oMwanawe niiye oguyawaire obwezye okusala emisango gyonagyona. Ekyo kityo kaisi abantu bonabona bayezye okuwa oMwana ekitiisya ekyo ekibawa oIteeye. Era singa omuntu yenayena tawa oMwana ekitiisya era mazima abba tawa nʼoIteeye ekitiisya, iye nago eyamutumire.”
Awo oYesu ni yeeyongera ati, “Era mbakobera amazima nti iye oyo awulira ebibono byange, nʼaikirirya oyo eyantumire, abba nʼobwomi obutawaawo, era tibalimusingisya omusango. Abba azwire omu kufa, nʼasuna obwomi obutawaawo. Era mbakobera amazima nti ekiseera owekiri awo kituukire, abafu owebaliwulira eigono lyʼoMwana wa Kibbumba ni basuna obwomi obutawaawo. Iye oKibbumba ali nʼobwezye obugabira omuntu obwomi, era obwezye obwo nago yabuwaire oMwanawe. Era yamuwaire nʼobwezye okusalira abantu emisango olwʼokubba Mwana wa Muntu.
“Era ekyo timwakyewunya olwʼokubba ekiseera kiiza, bonabona abafu owebaliwulirira eigonolye, era ni bazwa e magombe. Ibo abakola ebisa, balizuukira ni basuna obwomi obutawaawo. Neye ibo abo abakola ekibbikibbi, balizuukira ni babasingisya omusango. Era nze mpaawo ekimpezya okukola okulwange. Nsala omusango ngʼoKibbumba obwankoba. Nʼolwekyo ensala yange ya bwenkanya olwʼokubba nkolera ku kiidi iye oodi eyantumire ekyasiima, tiku ninze ngʼowembona.”

Awo oYesu ni yeeyongera ati, “Aale singa ninze zenkani nga mpaawo gondi akobera abantu ebinkwataku, timwandibbaire mukakasa ikyo ekineyeeta. Neye waliwo ogondi akobera abantu ebinkwataku. Iye oyo nago Kibbumba era mmaite nti obujulizibwe obunkwataku butuuce. Cooka inywe mwatumire abakwenda egiri oYokaana, neye era yena nʼawa obukakafu ikyo ekyendi. Ekyo tinkikoba lwakubba ntaka bujulizi ibwo obwa muntu-obuntu, neye ntumula oku bujulizi bwa Yokaana kaisi mwezye okwikirirya era mulokoke. Ibwo obukwenda oYokaana obuyabaleeteire bwabbaire ooti itaala eryaka okubamolekera era bwabazwereiremu okubba basangaali okumalaku kaseera-buseera.
“Neye ndi nʼobukakafu obukiraku obwo oYokaana obuyantumwireku. Era obukakafu nago bubonekera mu mulimo ogwʼamaani nago oBbaabba oguyampaire okutuukirirya era nʼebintu ebinkola bikakasa biti nze oBbaabba dala yantumire. Era oBbaabba iye eyantumire, onyere akakasa ikyo ekyendi. Inywe timuwulirangaku eigonolye, waire okumubonaku amaiso oku maiso. Era nʼomu myoyo gyanywe mpaamu ekibono kya Kibbumba nago olwʼokubba oyo oguyatumire timumwikiririryamu.
“Cooka inywe mwekenenya nga musoma eBiwandiike olwʼokubba museega muti omu Biwandiike nago niimwo omu mwalisuna obwomi obutawaawo, era oomwo niimwo omu bakakasira ebinkwataku. Cooka inywe tete mugaana okwiza egyendi kaisi mwezye okusuna obwomi obutawaawo.”
Awo oYesu ni yeeyongera ati, “Tintumula lwakutaka bantu kumpuuja, neye nze mbategeera era mmaite nti inywe omu myoyo gyanywe, oKibbumba iye timumutaka. Aale mubone eenu, nze naizire omu liina lya Bbaabba, neye timwanjanirizire. Neye singa omuntu ogondi obwaiza okululwe, oyo iye mumwaniriza. Aale atyanu mwezya mutya okunjikiririryamu, nga mwikirirya kuwuujangana okwanywe inywe abananyere, kaisi nga timufa ku kuudi okuzwa egiri oKibbumba oyo omoiza yenkani?”
Era oYesu ni yeeyongera ati, “Neye timuseega muti ninze enalibaloopa e wa Bbaabba. Wazira abaloopa, iye Musa inywe ogumulimu eisuubi okubawozererya. Aale owekibba nti mwaikiririirye omu Musa, zena mwandibbaire munjikiririryamu olwʼokubba iye yena yampandiikireku. Neye owemubbanga timwikirirya ebiyawandiikire, aale tete mubba mwaikirirya mutya ebinkoba?”

వినండి Yokaana 5