<div class="version vid1988 iso6393ikt" data-vid="1988" data-iso6393="ikt">
 <div class="book bkMAT">
 <div class="chapter ch10" data-usfm="MAT.10">
 <div class="label">10</div><div class="cl">NAKATA 10</div><div class="s">Apostles 12nguyun havakuyauyun naunaektauvlutik</div><div class="r">(Mk. 3:13-19; Lk. 6:12-16)</div><div class="p"> 1Jesusim maligutini 12nguyun kaitkugamigit inminun hakugiktitain tapkua agiuktun anipkakuvlugit aaniagutilgitlu tamaita naguhipkakuvlugit. 2Apostles 12n atingit hapkua; hivullik Simon, Petermik taiyauyuk, anikataalu Andrew. James Zebedeem engniga, nukaalu John. 3Philip Bartholomewlu; Thomaslu Matthewlu manilekhiyinguyuk tamna. Jameslu, Aphaeusim engniga, Thaddaeuslu. 4Simonlu Cananmiutak, Judas Iscariotlu tuniniaktagaluanga Jesus.</div><div class="s">Apostles havaktakhain</div><div class="r">(Mk. 6:7-13; Lk. 9:1-6)</div><div class="p"> 5Tapkua 12nguyun Jesusim tiliyain pitkuvlugit ukakhuni, &#8220;Jewmiungitun nunainun aullaktailuhi, Samariamiullu iglukagvit apkuhaktailugit, 6Israelmiunun tamakhimayunun imnaitun aullakpagluhi. 7Aullagaigupfi ukauyyigitti, 'Kilaum atanguvia kaglilektuk'. 8Aaniaktun naguhipkakhigit, tukungayun makitihigit, kilakhimayullu kilaektihigit anipkaklugit agiuktun. Ilipfi akikangngitumik pivaktuhi, akikangngitumiglu tunipkaihimaluhi. 9Aullagaigupfi goldmik, silvamiglu, kanuyagmiglu natkaktailuhi manikagvipfingni. 10Aahin natkaktailuhi pukhautiniglu, atigihaniglu malgunik, kamikhaniglunin, aiyaupiamiglunin, havakti nekihaminik aituhiaktukhauman.</div><div class="p"> 11Iglukagvingnun iglukagluangitununlunin nallianun tikikaigupfi inungmik ilumuktumik keniyyavuhi naiyukuvlugu tamna aullakiktinahi. 12Iglumunlu itegupfi iglum inuningit hallupaglugit. 13Inuillu nagutpata naguguktihigit, nagungitpatalunin naguguktitailiyyavahi. 14Kialika ilagiyumangngitpahi tuhaayumangngitkivlutik ukauhipfingnun anigupfi igluanin iglukagvianinlu hiugaektilugit itigahi kemaktilluhi tapkunanga. 15Ilumun ukautigipfi, uktuktauvium uvlua tikitpan tamna Sodomiunun Gomorrahmiununlu kuvianaitkiyauyunaituk tapkunanga.</div><div class="s">Nangiktitaunektigun</div><div class="p"> 16&#8220;Ilaa tiliyapfi imnaitun amakkut akunganun talva aiyuekpagluhi nimegiaktun ekhinaitgaluaktilluhilu akkelyyektun. 17Upingakhitailuhi inungnin tapkua uktuktauvimingnun agitihungumahi atugvimingni ungulagumavluhi. 18Aahin ataningnun, atanekpainunlu agitiyauniaktuhi pivlunga uniuyyikuvluhi tapkununga Jewmiungitununlu. 19Tapkua agitipahi ihumaluktailuhi ukautikangniaktilaapfingnik ukautikhapfingnik ilihimangniagapfi talvangukkan 20ukagunaekapfi ilipfigun, Angutipfi Anengningata ukaktiniangmahi.</div><div class="p"> 21&#8220;Inuit anikatitik aitutiginiaktain tukutaukuvlugit, nutakalgillu nutakatik. Kitungallu angayukatik imakaaginiaktain tukutaukuvlugit. 22Ilipfilu tamainin nagugiyauyunaituhi pivlunga atipkun. Kinalika ukpekhimagumi ipigakhimaitumik annauyyauhunguyuk. 23Iglukagvingmi atauhengmi nangiktipahi allanun kimauyaktugluhi. Ilumun ukautigipfi, Israelmiuni iglukagvit tamaita tikittunaitahi Inum engniga tikikaaktinagu.</div><div class="p"> 24&#8220;Maliguhuktuk ilihauyyiminin ataniukiyaungituk, kivgaklunin ataniminin. 25Maliguhuktuk ilihauyyimitun, kivgaklunin atanimitun-itkumi naamakhiyuk. Inuit iglum atania taivagamitku Beelzebulmik, amigaitkiyamik tapfuma iglumiukatain ukanilutiginiaktain.</div><div class="s">Ekhinaktun naunaektun</div><div class="r">(Lk. 12:2-9)</div><div class="p"> 26&#8220;Talva ekhigitailugit tapkua; hullika ulikhimayuk takupkaktauhunguyuk, iyekhimayuglu naunaekhunguyuk. 27Taaktillugu uvamnin tuhaayahi ukautigihigit kaumayumi. Tuhaayahilu avaliitilluta ukauhinik tukhulauvagluhi iglupaita kanganin. 28Ekhigitailugillu tapkua tukuttiyun timimik tukuttilimainmata napamik; ekhigiluhiuk tamna tukuttiyuk timimik napamiglu ikualakttivingmi. 29Kupanuak malguk akikakpangngilak maniuyagmik atauhengmik? Tapkuali ilangat atauheklunin nunamun katagunaituk Angutipfi pipkakngitpani. 30Ilipfilu niakupfi nuyain kititauhimayunlu. 31Talva ekhitailuhi kupanuanin amigaitunin akitukiyaugapfi.</div><div class="p"> 32&#8220;Kialika ukautigipanga naguyumik inungnun, uvangatauk ukautiginiagiga tamna Angutimnun kilangmiitumun naguyumik. 33Kialikalunin ukautigipanga nagungitumik inungnun, uvangatauk ukautiginiagiga tamna nagungitumik Angutimnun kilangmiitumun.</div><div class="s">Aiyungnaingitumik piyukhak</div><div class="r">(Lk. 12:51-53, 14:26-27)</div><div class="p"> 34&#8220;Ihumatailuhi naamaktumik tikihimayunga havakuvlunga nunami, kaithimagaluaktunga inuit avitkuvlugit. 35Tikinama inuk anguminun tuhayunaektuk, angnam panialu angnaminun tuhaayunaektuk, angnaklunin ukuallu hakiminun aiyungnangniaktuk. 36Inuglu iglulik nagugiyauyunaektuk iglumiukatiminin.</div><div class="p"> 37&#8220;Inum anguni angnanilu nagugikiyagigumigik uvamnin ilagiyakhagingitanga. Kialika engnini paninilunin nagugikiyagigumiuk uvamnin ilauyukhaungitpiaktuk uvamnun. 38Inuglu haniagutiminik tiguhingitkumi malikuvlunga ilagiyakhagingitanga. 39Inuk inuheminik munakhigumi tamaktiniaktaa. Inugli inuheminik munakhingitkumi tamaktitunaitagaluanga.</div><div class="p"> 40&#8220;Inum ilagigumihi ilipfi, ilagiyangatauk; tapfuma ilagiguminga atauhektun ilagiyaa tiliyigatauk. 41Kialika nalautaiyi ilagigumiuk nalautaiyiuman akiliuhiakhunguyuk nalautaiyitun. Kialikalunin inuk ilumuktuk ilagigumiuk tamna ilumungman, akiliuhiakhunguyuglu inuk ilumuktutun. 42Kinalunin niglaktumik imektihigumi maligutima ilainik malilengman uvamnun, ukaktunga ilumuktumik, tamna akiliukhiakhunguyuk puiguktauhimaitumik.</div>
 </div>
 </div>
</div>

Jesusim maligutini 12nguyun kaitkugamigit inminun hakugiktitain tapkua agiuktun anipkakuvlugit aaniagutilgitlu tamaita naguhipkakuvlugit. Apostles 12n atingit hapkua; hivullik Simon, Petermik taiyauyuk, anikataalu Andrew. James Zebedeem engniga, nukaalu John. Philip Bartholomewlu; Thomaslu Matthewlu manilekhiyinguyuk tamna. Jameslu, Aphaeusim engniga, Thaddaeuslu. Simonlu Cananmiutak, Judas Iscariotlu tuniniaktagaluanga Jesus.


Tapkua 12nguyun Jesusim tiliyain pitkuvlugit ukakhuni, “Jewmiungitun nunainun aullaktailuhi, Samariamiullu iglukagvit apkuhaktailugit, Israelmiunun tamakhimayunun imnaitun aullakpagluhi. Aullagaigupfi ukauyyigitti, 'Kilaum atanguvia kaglilektuk'. Aaniaktun naguhipkakhigit, tukungayun makitihigit, kilakhimayullu kilaektihigit anipkaklugit agiuktun. Ilipfi akikangngitumik pivaktuhi, akikangngitumiglu tunipkaihimaluhi. Aullagaigupfi goldmik, silvamiglu, kanuyagmiglu natkaktailuhi manikagvipfingni. Aahin natkaktailuhi pukhautiniglu, atigihaniglu malgunik, kamikhaniglunin, aiyaupiamiglunin, havakti nekihaminik aituhiaktukhauman.
Iglukagvingnun iglukagluangitununlunin nallianun tikikaigupfi inungmik ilumuktumik keniyyavuhi naiyukuvlugu tamna aullakiktinahi. Iglumunlu itegupfi iglum inuningit hallupaglugit. Inuillu nagutpata naguguktihigit, nagungitpatalunin naguguktitailiyyavahi. Kialika ilagiyumangngitpahi tuhaayumangngitkivlutik ukauhipfingnun anigupfi igluanin iglukagvianinlu hiugaektilugit itigahi kemaktilluhi tapkunanga. Ilumun ukautigipfi, uktuktauvium uvlua tikitpan tamna Sodomiunun Gomorrahmiununlu kuvianaitkiyauyunaituk tapkunanga.

“Ilaa tiliyapfi imnaitun amakkut akunganun talva aiyuekpagluhi nimegiaktun ekhinaitgaluaktilluhilu akkelyyektun. Upingakhitailuhi inungnin tapkua uktuktauvimingnun agitihungumahi atugvimingni ungulagumavluhi. Aahin ataningnun, atanekpainunlu agitiyauniaktuhi pivlunga uniuyyikuvluhi tapkununga Jewmiungitununlu. Tapkua agitipahi ihumaluktailuhi ukautikangniaktilaapfingnik ukautikhapfingnik ilihimangniagapfi talvangukkan ukagunaekapfi ilipfigun, Angutipfi Anengningata ukaktiniangmahi.
“Inuit anikatitik aitutiginiaktain tukutaukuvlugit, nutakalgillu nutakatik. Kitungallu angayukatik imakaaginiaktain tukutaukuvlugit. Ilipfilu tamainin nagugiyauyunaituhi pivlunga atipkun. Kinalika ukpekhimagumi ipigakhimaitumik annauyyauhunguyuk. Iglukagvingmi atauhengmi nangiktipahi allanun kimauyaktugluhi. Ilumun ukautigipfi, Israelmiuni iglukagvit tamaita tikittunaitahi Inum engniga tikikaaktinagu.
“Maliguhuktuk ilihauyyiminin ataniukiyaungituk, kivgaklunin ataniminin. Maliguhuktuk ilihauyyimitun, kivgaklunin atanimitun-itkumi naamakhiyuk. Inuit iglum atania taivagamitku Beelzebulmik, amigaitkiyamik tapfuma iglumiukatain ukanilutiginiaktain.


“Talva ekhigitailugit tapkua; hullika ulikhimayuk takupkaktauhunguyuk, iyekhimayuglu naunaekhunguyuk. Taaktillugu uvamnin tuhaayahi ukautigihigit kaumayumi. Tuhaayahilu avaliitilluta ukauhinik tukhulauvagluhi iglupaita kanganin. Ekhigitailugillu tapkua tukuttiyun timimik tukuttilimainmata napamik; ekhigiluhiuk tamna tukuttiyuk timimik napamiglu ikualakttivingmi. Kupanuak malguk akikakpangngilak maniuyagmik atauhengmik? Tapkuali ilangat atauheklunin nunamun katagunaituk Angutipfi pipkakngitpani. Ilipfilu niakupfi nuyain kititauhimayunlu. Talva ekhitailuhi kupanuanin amigaitunin akitukiyaugapfi.
“Kialika ukautigipanga naguyumik inungnun, uvangatauk ukautiginiagiga tamna Angutimnun kilangmiitumun naguyumik. Kialikalunin ukautigipanga nagungitumik inungnun, uvangatauk ukautiginiagiga tamna nagungitumik Angutimnun kilangmiitumun.


“Ihumatailuhi naamaktumik tikihimayunga havakuvlunga nunami, kaithimagaluaktunga inuit avitkuvlugit. Tikinama inuk anguminun tuhayunaektuk, angnam panialu angnaminun tuhaayunaektuk, angnaklunin ukuallu hakiminun aiyungnangniaktuk. Inuglu iglulik nagugiyauyunaektuk iglumiukatiminin.
“Inum anguni angnanilu nagugikiyagigumigik uvamnin ilagiyakhagingitanga. Kialika engnini paninilunin nagugikiyagigumiuk uvamnin ilauyukhaungitpiaktuk uvamnun. Inuglu haniagutiminik tiguhingitkumi malikuvlunga ilagiyakhagingitanga. Inuk inuheminik munakhigumi tamaktiniaktaa. Inugli inuheminik munakhingitkumi tamaktitunaitagaluanga.
“Inum ilagigumihi ilipfi, ilagiyangatauk; tapfuma ilagiguminga atauhektun ilagiyaa tiliyigatauk. Kialika nalautaiyi ilagigumiuk nalautaiyiuman akiliuhiakhunguyuk nalautaiyitun. Kialikalunin inuk ilumuktuk ilagigumiuk tamna ilumungman, akiliuhiakhunguyuglu inuk ilumuktutun. Kinalunin niglaktumik imektihigumi maligutima ilainik malilengman uvamnun, ukaktunga ilumuktumik, tamna akiliukhiakhunguyuk puiguktauhimaitumik.

వినండి Matthew 10