<div class="version vid1702 iso6393glv" data-vid="1702" data-iso6393="glv">
 <div class="book bkLUK">
 <div class="chapter ch11" data-usfm="LUK.11">
 <div class="label">11</div><div class="s">CAB. XI</div><div class="p"> 1As haink eh gy-kione, myr v&#8217;eh ec padjer ayns ynnyd dy row, tra daag eh jeh, dy dooyrt fer jeh e ostyllyn rish, Hiarn, ynsee dooinyn dy ghoaill padjer, myr dynsee Ean myrgeddin da ny ynseydee echeysyn. 2As dooyrt eh, Tra ghoys shiu padjer, abbyr-jee, Ayr ain t&#8217;ayns niau, Casherick dy row dty ennym. Dy jig dty reeriaght. Dty aigney dy row jeant er y thalloo, myr te ayns niau. 3Cur dooin laa lurg laa nyn arran gagh-laa. 4As leih dooin nyn beccaghyn; son ta shinyn myrgeddin leih da dy chooilley unnane ta ayns lhiastynys dooin. As ny leeid shin ayns miolagh, agh livrey shin veih olk. 5As dooyrt eh roo, Quoi jiuish vees carrey echey, as hed huggey ec main-oie, as jir rish, Charrey, eeasee dou three bwilleenyn; 6Son ta dooinney-mooinjerey dou, va er e yurnah, er jeet hym, as cha vel monney aym dy hoiaghey roish: 7As freggyree eshyn veih cheu-sthie, gra, Ny boir mee: ta&#8217;n dorrys nish jeight, as ta my chloan &#8217;sy lhiabbee m&#226;rym; cha voddym girree dy chur dhyt. 8Ta mee gra riu, Ga nagh n&#8217;irree eh dy chur da, er coontey dy nee e charrey eh: ny-yeih kyndagh rish yn jeeanid echey, irree eh, as ver eh da whilleen as vees eh ny eme. 9As ta mish gra riuish, Yeearree-jee, as yiow shiu: shir-jee, as nee shiu feddyn: bee-jee aignagh fosley y gheddyn, as bee eh er ny osley diu. 10Son ta dy chooilley unnane ta geearree, geddyn: as y fer ta shirrey, feddyn: as eshyn ta aignagh fosley y gheddyn, bee eh er ny osley da. 11My nee mac arran y hirrey er fer jiuish ta ny ayr, nee clagh ver eh da? ny my hirrys eh eeast, jean eh ayns ynnyd eeast ard-nieu y chur da? 12Ny my hirrys eh ooh, jeb eh scorpion da? 13My ta toiggal er-y-fa shen euish, ta olk, kys dy choyrt giootyn mie da nyn gloan; cre-woad smoo nee yn Ayr flaunyssagh eu yn Spyrryd Noo y choyrt dauesyn ta jannoo aghin huggey?</div><div class="p"> 14As v&#8217;eh tilgey magh drogh-spyrryd, as v&#8217;eh balloo. As haink eh gy-kione, tra va&#8217;n drogh-spyrryd er gholl ass dy loayr y balloo: as ghow yn pobble yindys. 15Agh dooyrt paart jeu, She liorish Beelzebub, yn ard drogh-spyrryd, t&#8217;eh castey drogh-spyrrydyn. 16As va feallagh elley er-chee prowal eh shirrey er cowrey veih niau. 17Agh eshyn toiggal ny smooinaghtyn oc dooyrt roo, Ta dy chooilley reeriaght ta girree-magh n&#8217;o&#239; hene, er ny choyrt mow: as thie ta n&#8217;o&#239; hene goll naardey. 18As my ta&#8217;n jouyl girree-magh n&#8217;o&#239; hene, kys nee yn reeriaght echey shassoo? er-y-fa dy vel shiu gra, dy nee liorish Beelzebub ta mish castey drogh-spyrrydyn. 19As my ta mish liorish Beelzebub castey drogh-spyrrydyn, quoi liorish ta ny mec eu hene dy chastey ad? bee adsyn er-y-fa shen ny briwnyn eu. 20Agh my ta mish liorish mair Yee tilgey magh drogh-spyrrydyn, fegooish dooyt ta reeriaght Yee er jeet erriuish. 21Tra ta dooinney-caggee eillit freayll arrey er e hie, ta e chooid sauchey. 22Agh tra ta fer s&#8217;troshey na eh soiaghey er, as geddyn yn varriaght, t&#8217;eh goaill veih ooilley e eilley, huggey v&#8217;eh treishteil, as t&#8217;eh rheynn e chooid. 23Eshyn nagh vel lhiam, t&#8217;eh m&#8217;o&#239;; as eshyn nagh vel chymsaghey m&#226;rym, t&#8217;eh skeayley. 24Tra ta&#8217;n spyrryd neu-ghlen er gholl ass dooinney, t&#8217;eh shooyl trooid faasaghyn fadaneagh, chee aash, agh ayns fardail, eisht t&#8217;eh gra, Hem reesht gys my hie, veih haink mee. 25As tra t&#8217;eh cheet, t&#8217;eh dy gheddyn eh sceabit as soit magh dy stoamey. 26Eisht t&#8217;eh goll as goaill marish shiaght spyrrydyn elley, ny smessey na eh-hene, as t&#8217;ad goll stiagh as cummal ayns shen: as ta stayd yerrinagh yn dooinney shen ny s&#8217;doogh na&#8217;n toshiaght.</div><div class="p"> 27As haink eh gy-kione, myr v&#8217;eh loayrt ny goan shoh, dy hrog ben dy row jeh&#8217;n cheshaght seose e coraa, as dooyrt ee rish, Bannit ta&#8217;n vre&#239;n ren oo y ymmyrkey, as ny keeaghyn t&#8217;ou er yiole. 28Agh dooyrt eshyn, Dy jarroo foddey s&#8217;bannee t&#8217;adsyn ta clashtyn goo Yee, as freayll eh.</div><div class="p"> 29As tra va&#8217;n pobble er nyn jaglym chion dy cheilley, ghow eh toshiaght dy ghra, s&#8217;drogh y cheeloghe shoh: t&#8217;ad shirrey cowrey, as cha bee cowrey er ny choyrt daue, agh cowrey yn phadeyr Jonas. 30Son myr va Jonas ny chowrey da ny Nineviteyn, er yn aght cheddin neesht vees Mac y dooinney da&#8217;n cheeloghe shoh. 31Nee ben-re&#239;n y jiass girree seose ayns briwnys noi deiney yn cheeloghe shoh, as ad y gheyrey: son haink ish veih ardjyn sodjey magh y thallooin dy chlashtyn creenaght Solomon; as cur-my-ner, ta fer syrjey na Solomon ayns shoh. 32Nee deiney Nineveh girree seose ayns briwnys, as y cheeloghe shoh y gheyrey: son ghow adsyn arrys ec preacheil Yonas; as cur-my-ner, ta fer syrjey na Jonas ayns shoh. 33Cha vel dooinney erbee, tra t&#8217;eh er voaddey cainle, dy choyrt ee ayns ynnyd follit, ny fo saagh; agh ayns cainleyr, dy vod adsyn ta cheet stiagh yn soilshey y akin. 34Yn tooill ta cur soilshey da&#8217;n chorp: shen-y-fa tra ta dty hooill glen, bee dty chorp ooilley ayns slane soilshey: agh tra ta lheamys er dty hooill, bee dty chorp myrgeddin ayns slane dorraghys. 35Cur twoaie er-y-fa shen nagh bee yn soilshey ta aynyd ny ghorraghys. 36My ta ooilley dty chorp er-y-fa shen ayns slane soilshey, gyn dorraghys ayns ayrn erbee, bee yn clane sollys, myr t&#8217;ou, tra ta soilshey sollys ayd veih cainle,</div><div class="p"> 37As myr v&#8217;eh loayrt, chuir Pharisee dy row eh gys jinnair m&#226;rish: as hie eh stiagh, as hoie eh sheese gys bee. 38As tra honnick yn Pharisee shoh, ghow eh yindys nagh niee eh [e laueyn] roish jinnair. 39As dooyrt y Chiarn rish, Nish ta shiuish Phariseeyn glenney yn cappan as y claare er cheu-mooie: agh ta&#8217;n cheu-sthie eu lane dy hranlaase as dy olkys. 40Gheiney vee-cheeayllagh, nagh nee eshyn ren y cheu-mooie, ren y cheu-sthie myrgeddin? 41Agh cur-jee lheid as t&#8217;eu da ny boghtyn: as cur-my-ner, bee dy chooilley nhee glen diu. 42Agh smerg diuish Phariseeyn: son ta shiu jagheenys mynthey, rue, as dy chooilley horch dy lossreeyn, agh s&#8217;beg ta shiu soiaghey jeh briwnys as graih Yee: ad shoh lhisagh shiu v&#8217;er n&#8217;yannoo, gyn faagail y chooid elley gyn jannoo. 43Smerg diuish Phariseeyn: son shynney lhieu ny ard-stuill ayns ny kialteenyn, as sleih dy vannaghey diu ayns ny margaghyn. 44Smerg diuish scrudeyryn as Phariseeyn, chrauee-oalsey: son ta shiu myr oaiaghyn nagh vel ry-akin, as ny deiney ta shooyl harrystoo, cha vel fys oc dy vel ad ayn.</div><div class="p"> 45Eisht dreggyr fer jeh fir-ynsee yn leigh, as dooyrt eh rish, Vainshter, liorish shen y ghra, t&#8217;ou dy oltooan shinyn myrgeddin. 46As dooyrt eh, Smerg diuish neesht fir-ynsee yn leigh: son ta shiu laadey deiney lesh erraghyn doillee dy ve er nyn ymmyrkey, as cha vel shiu hene bentyn rish ny erraghyn lesh unnane jeh nyn me&#239;r. 47Smerg diuish: son ta shiu troggal lhiaghtyn ny phadeyryn, as ny ayraghyn eu ren y varroo ad. 48Dy firrinagh ta shiu gymmyrkey feanish dy vel shiu lowal jeh jannoo ny ayraghyn eu: son ren adsyn dy jarroo y varroo ad, as ta shiuish coamrey ny lhiaghtyn oc. 49As shoh yn oyr ta creenaght Yee er ghra, Ver-ym huc phadeyryn as ostyllyn, as paart jeu nee ad y varroo, as tranlaase y yannoo orroo: 50Dy vod fuill ooilley ny phadeyryn, v&#8217;er ny gheayrtey er-dy hoshiaght y theihll v&#8217;er ny chooilleeney er y cheeloghe shoh; 51Veih fuill Abel gys fuill Zacharias, ren cherraghtyn eddyr yn altar as y chiamble: dy firrinagh ta mee gra riu, dy bee eh er ny chooilleeney er y cheeloghe shoh. 52Smerg diu fir-ynsee yn leigh: son ta shiu er ghoaill ersooyl ogher yn ysseree: cha jagh shiu stiagh shiu hene, as adsyn va goll stiagh, ren shiu y lhiettal. 53As tra v&#8217;eh er ghra ny reddyn shoh roo, ren ny scrudeyryn as ny Phariseeyn toshiaght dy &#234;ginaghey, as dy ghreinnaghey eh dy loayrt jeh ymmodee reddyn: 54Lhie ayns farkiaght er e hon, as sh&#234;gin er tayrtyn red ennagh ass e veeal son oyr plaiynt n&#8217;o&#239;.</div>
 </div>
 </div>
</div>

First published in 1775, revised and published by the British and Foreign Bible Society in 1819.

As haink eh gy-kione, myr v’eh ec padjer ayns ynnyd dy row, tra daag eh jeh, dy dooyrt fer jeh e ostyllyn rish, Hiarn, ynsee dooinyn dy ghoaill padjer, myr dynsee Ean myrgeddin da ny ynseydee echeysyn. As dooyrt eh, Tra ghoys shiu padjer, abbyr-jee, Ayr ain t’ayns niau, Casherick dy row dty ennym. Dy jig dty reeriaght. Dty aigney dy row jeant er y thalloo, myr te ayns niau. Cur dooin laa lurg laa nyn arran gagh-laa. As leih dooin nyn beccaghyn; son ta shinyn myrgeddin leih da dy chooilley unnane ta ayns lhiastynys dooin. As ny leeid shin ayns miolagh, agh livrey shin veih olk. As dooyrt eh roo, Quoi jiuish vees carrey echey, as hed huggey ec main-oie, as jir rish, Charrey, eeasee dou three bwilleenyn; Son ta dooinney-mooinjerey dou, va er e yurnah, er jeet hym, as cha vel monney aym dy hoiaghey roish: As freggyree eshyn veih cheu-sthie, gra, Ny boir mee: ta’n dorrys nish jeight, as ta my chloan ’sy lhiabbee mârym; cha voddym girree dy chur dhyt. Ta mee gra riu, Ga nagh n’irree eh dy chur da, er coontey dy nee e charrey eh: ny-yeih kyndagh rish yn jeeanid echey, irree eh, as ver eh da whilleen as vees eh ny eme. As ta mish gra riuish, Yeearree-jee, as yiow shiu: shir-jee, as nee shiu feddyn: bee-jee aignagh fosley y gheddyn, as bee eh er ny osley diu. Son ta dy chooilley unnane ta geearree, geddyn: as y fer ta shirrey, feddyn: as eshyn ta aignagh fosley y gheddyn, bee eh er ny osley da. My nee mac arran y hirrey er fer jiuish ta ny ayr, nee clagh ver eh da? ny my hirrys eh eeast, jean eh ayns ynnyd eeast ard-nieu y chur da? Ny my hirrys eh ooh, jeb eh scorpion da? My ta toiggal er-y-fa shen euish, ta olk, kys dy choyrt giootyn mie da nyn gloan; cre-woad smoo nee yn Ayr flaunyssagh eu yn Spyrryd Noo y choyrt dauesyn ta jannoo aghin huggey?
As v’eh tilgey magh drogh-spyrryd, as v’eh balloo. As haink eh gy-kione, tra va’n drogh-spyrryd er gholl ass dy loayr y balloo: as ghow yn pobble yindys. Agh dooyrt paart jeu, She liorish Beelzebub, yn ard drogh-spyrryd, t’eh castey drogh-spyrrydyn. As va feallagh elley er-chee prowal eh shirrey er cowrey veih niau. Agh eshyn toiggal ny smooinaghtyn oc dooyrt roo, Ta dy chooilley reeriaght ta girree-magh n’oï hene, er ny choyrt mow: as thie ta n’oï hene goll naardey. As my ta’n jouyl girree-magh n’oï hene, kys nee yn reeriaght echey shassoo? er-y-fa dy vel shiu gra, dy nee liorish Beelzebub ta mish castey drogh-spyrrydyn. As my ta mish liorish Beelzebub castey drogh-spyrrydyn, quoi liorish ta ny mec eu hene dy chastey ad? bee adsyn er-y-fa shen ny briwnyn eu. Agh my ta mish liorish mair Yee tilgey magh drogh-spyrrydyn, fegooish dooyt ta reeriaght Yee er jeet erriuish. Tra ta dooinney-caggee eillit freayll arrey er e hie, ta e chooid sauchey. Agh tra ta fer s’troshey na eh soiaghey er, as geddyn yn varriaght, t’eh goaill veih ooilley e eilley, huggey v’eh treishteil, as t’eh rheynn e chooid. Eshyn nagh vel lhiam, t’eh m’oï; as eshyn nagh vel chymsaghey mârym, t’eh skeayley. Tra ta’n spyrryd neu-ghlen er gholl ass dooinney, t’eh shooyl trooid faasaghyn fadaneagh, chee aash, agh ayns fardail, eisht t’eh gra, Hem reesht gys my hie, veih haink mee. As tra t’eh cheet, t’eh dy gheddyn eh sceabit as soit magh dy stoamey. Eisht t’eh goll as goaill marish shiaght spyrrydyn elley, ny smessey na eh-hene, as t’ad goll stiagh as cummal ayns shen: as ta stayd yerrinagh yn dooinney shen ny s’doogh na’n toshiaght.
As haink eh gy-kione, myr v’eh loayrt ny goan shoh, dy hrog ben dy row jeh’n cheshaght seose e coraa, as dooyrt ee rish, Bannit ta’n vreïn ren oo y ymmyrkey, as ny keeaghyn t’ou er yiole. Agh dooyrt eshyn, Dy jarroo foddey s’bannee t’adsyn ta clashtyn goo Yee, as freayll eh.
As tra va’n pobble er nyn jaglym chion dy cheilley, ghow eh toshiaght dy ghra, s’drogh y cheeloghe shoh: t’ad shirrey cowrey, as cha bee cowrey er ny choyrt daue, agh cowrey yn phadeyr Jonas. Son myr va Jonas ny chowrey da ny Nineviteyn, er yn aght cheddin neesht vees Mac y dooinney da’n cheeloghe shoh. Nee ben-reïn y jiass girree seose ayns briwnys noi deiney yn cheeloghe shoh, as ad y gheyrey: son haink ish veih ardjyn sodjey magh y thallooin dy chlashtyn creenaght Solomon; as cur-my-ner, ta fer syrjey na Solomon ayns shoh. Nee deiney Nineveh girree seose ayns briwnys, as y cheeloghe shoh y gheyrey: son ghow adsyn arrys ec preacheil Yonas; as cur-my-ner, ta fer syrjey na Jonas ayns shoh. Cha vel dooinney erbee, tra t’eh er voaddey cainle, dy choyrt ee ayns ynnyd follit, ny fo saagh; agh ayns cainleyr, dy vod adsyn ta cheet stiagh yn soilshey y akin. Yn tooill ta cur soilshey da’n chorp: shen-y-fa tra ta dty hooill glen, bee dty chorp ooilley ayns slane soilshey: agh tra ta lheamys er dty hooill, bee dty chorp myrgeddin ayns slane dorraghys. Cur twoaie er-y-fa shen nagh bee yn soilshey ta aynyd ny ghorraghys. My ta ooilley dty chorp er-y-fa shen ayns slane soilshey, gyn dorraghys ayns ayrn erbee, bee yn clane sollys, myr t’ou, tra ta soilshey sollys ayd veih cainle,
As myr v’eh loayrt, chuir Pharisee dy row eh gys jinnair mârish: as hie eh stiagh, as hoie eh sheese gys bee. As tra honnick yn Pharisee shoh, ghow eh yindys nagh niee eh [e laueyn] roish jinnair. As dooyrt y Chiarn rish, Nish ta shiuish Phariseeyn glenney yn cappan as y claare er cheu-mooie: agh ta’n cheu-sthie eu lane dy hranlaase as dy olkys. Gheiney vee-cheeayllagh, nagh nee eshyn ren y cheu-mooie, ren y cheu-sthie myrgeddin? Agh cur-jee lheid as t’eu da ny boghtyn: as cur-my-ner, bee dy chooilley nhee glen diu. Agh smerg diuish Phariseeyn: son ta shiu jagheenys mynthey, rue, as dy chooilley horch dy lossreeyn, agh s’beg ta shiu soiaghey jeh briwnys as graih Yee: ad shoh lhisagh shiu v’er n’yannoo, gyn faagail y chooid elley gyn jannoo. Smerg diuish Phariseeyn: son shynney lhieu ny ard-stuill ayns ny kialteenyn, as sleih dy vannaghey diu ayns ny margaghyn. Smerg diuish scrudeyryn as Phariseeyn, chrauee-oalsey: son ta shiu myr oaiaghyn nagh vel ry-akin, as ny deiney ta shooyl harrystoo, cha vel fys oc dy vel ad ayn.
Eisht dreggyr fer jeh fir-ynsee yn leigh, as dooyrt eh rish, Vainshter, liorish shen y ghra, t’ou dy oltooan shinyn myrgeddin. As dooyrt eh, Smerg diuish neesht fir-ynsee yn leigh: son ta shiu laadey deiney lesh erraghyn doillee dy ve er nyn ymmyrkey, as cha vel shiu hene bentyn rish ny erraghyn lesh unnane jeh nyn meïr. Smerg diuish: son ta shiu troggal lhiaghtyn ny phadeyryn, as ny ayraghyn eu ren y varroo ad. Dy firrinagh ta shiu gymmyrkey feanish dy vel shiu lowal jeh jannoo ny ayraghyn eu: son ren adsyn dy jarroo y varroo ad, as ta shiuish coamrey ny lhiaghtyn oc. As shoh yn oyr ta creenaght Yee er ghra, Ver-ym huc phadeyryn as ostyllyn, as paart jeu nee ad y varroo, as tranlaase y yannoo orroo: Dy vod fuill ooilley ny phadeyryn, v’er ny gheayrtey er-dy hoshiaght y theihll v’er ny chooilleeney er y cheeloghe shoh; Veih fuill Abel gys fuill Zacharias, ren cherraghtyn eddyr yn altar as y chiamble: dy firrinagh ta mee gra riu, dy bee eh er ny chooilleeney er y cheeloghe shoh. Smerg diu fir-ynsee yn leigh: son ta shiu er ghoaill ersooyl ogher yn ysseree: cha jagh shiu stiagh shiu hene, as adsyn va goll stiagh, ren shiu y lhiettal. As tra v’eh er ghra ny reddyn shoh roo, ren ny scrudeyryn as ny Phariseeyn toshiaght dy êginaghey, as dy ghreinnaghey eh dy loayrt jeh ymmodee reddyn: Lhie ayns farkiaght er e hon, as shêgin er tayrtyn red ennagh ass e veeal son oyr plaiynt n’oï.

వినండి Noo Luke 11