<div class="version vid1561 iso6393xtn" data-vid="1561" data-iso6393="xtn">
 <div class="book bkGEN">
 <div class="chapter ch12" data-usfm="GEN.12">
 <div class="label">12</div><div class="s">Ni ka&#42892;an ia Dios jin Abram ja xndoo de tna&#42892;a kuikin de</div><div class="p"> 1Yun te ni oo in kiuu ni ka&#42892;an Jito&#42892;o nuu Abram, te ji&#241;a&#42892;a ya:</div><div class="p">&#8213;Xndoo ndi&#42892;i &#241;ayiu ve&#42892;e ron vi tna&#42892;a kuikin ron vi &#241;uu ron, te kua&#42892;an in &#241;uu nuu xne&#42892;e maa rin ja koo ron. 2Te jin maa ron sa&#42892;a rin in &#241;uu ka&#42892;nu, te sa&#42892;a rin javii java&#42892;a jin ron, te sa&#42892;a ka&#42892;nu rin sivi ron ja kokuu ron in &#241;ayiu vii &#241;ayiu va&#42892;a. 3Te &#241;ayiu sa&#42892;a &#241;a javii java&#42892;a, te saa ni javii java&#42892;a sa&#42892;a rin jin, te na &#241;ayiu xtau tnia&#42892;a &#241;a jin ron, te suni xtau tnia&#42892;a rin jin, te ja ja&#42892;a ron guaa sa&#42892;a rin ja vi koo vii vi koo va&#42892;a ndi&#42892;i &#241;ayiu &#241;uyiu &#8213;ji&#241;a&#42892;a ia Dios nuu Abram.</div><div class="p"> 4Te kuia saa ja oo Abram uni xiko xa&#42892;un kuia na ni kekuei de &#241;uu Har&#225;n ja kua&#42892;ankuei de jin sajin de Lot. 5Yun te ni jaka Abram &#241;asi&#42892;i de Sarai vi sajin de Lot vi ndi&#42892;i kiti neva&#42892;a de vi &#241;ayiu ni ni&#42892;i de &#241;uu Har&#225;n ja ka jinokuechi nuu de, te ni kekuei de ja kua&#42892;ankuei de &#241;uu nani Cana&#225;n. 6Te nuu ni jinokuei de Cana&#225;n, te ni ka ya&#42892;a de &#241;uu yun guaa ndee nuu ni kentakuei de ndee nuu nani Siquem vi ndee in yoso nuu nani More. Te tiempu saa, chi &#241;u&#42892;u &#241;ayiu cananeo ni okuu. 7Te yun ni skuni &#241;a Jito&#42892;o jin Abram, te ji&#241;a&#42892;a ya:</div><div class="p">&#8213;&#209;u&#42892;u ya&#42892;a kuu ja ku&#241;a&#42892;a rin nuu tatatno&#42892;o ron.</div><div class="p">Te yun ni sa&#42892;a Abram in altar ja ni soko de nuu Jito&#42892;o, chi ni skuni &#241;a ya jin de. 8Yun te ni kee de kua&#42892;an de in yuku ichi nuu kana nikandii &#241;uu nani Betel, te ni sa&#42892;a de ve&#42892;e sa&#42892;un ja ni jinkoo de ma&#42892;&#241;u uu &#241;uu ichi kee nikandii ni kendoo Betel, te ichi kana ya oo in &#241;uu nani Hai. Te yun ni sa&#42892;a de in altar nuu ni ndakakune&#42892;e de sivi Jito&#42892;o ja ni chi&#241;u&#42892;u de ya. 9Te yun ni kee de kua&#42892;an de ichi &#241;uu Neguev.</div><div class="s">Ni jino Abram &#241;uu Egipto</div><div class="p"> 10Te kuia saa ni oo ndeva&#42892;a tnama &#241;uu nuu ni oo Abram, yun guaa kua&#42892;an de ja koo de &#241;uu Egipto ndee saa kuia. 11Su nuu ni ka kuyatni de ja kiukuei de Egipto, te ji&#241;a&#42892;a Abram nuu &#241;asi&#42892;i de Sarai:</div><div class="p">&#8213;Vitna te jini gua&#42892;a rin ja luu ndeva&#42892;a jito ron. 12Te nuu na vi kuni &#241;a tee &#241;uu Egipto, te vi kachi de ja &#241;asi&#42892;i rin kuu ron, te vi ka&#42892;ni &#241;a de jin rin nagua ja vi kendoo de jin ron. 13Te yun guaa vitna te sa&#42892;a in ja ndiuxi ja ku&#241;a&#42892;a ron ja kua&#42892;a ron kuu rin nagua ja na ki&#42892;in va&#42892;a rin, te na koteku rin ja ja&#42892;a ron &#8213;ji&#241;a&#42892;a de.</div><div class="p"> 14Te saa ni kuu, chi nuu ni jinokuei Abram &#241;uu Egipto, te ni ka jini &#241;a tee egipto yun ja luu ndeva&#42892;a jito &#241;asi&#42892;i de. 15Te suni nuu ni ka jini &#241;a tee ka netniuu jin Fara&#243;n, te ni ka kaxtno&#42892;o de ja ni jino in tee ndeka in &#241;asi&#42892;i vii ndeva&#42892;a, te yun guaa ni ka jinsia&#42892;a &#241;a jin Sarai ndee ve&#42892;e Fara&#243;n. 16Te yun guaa ni ka&#42892;an va&#42892;a &#241;a de jin Abram ja ja&#42892;a &#241;asi&#42892;i yun, te ni skuta&#42892;u &#241;a Fara&#243;n ndikachi vi isndiki vi mentu vi kameyu vi mentu si&#42892;i vi tee vi kokunukuechi nuu de vi suchi si&#42892;i vi kosatniuu nuu de. 17Su ja ja&#42892;a Sarai &#241;asi&#42892;i Abram guaa ni tetniuu Jito&#42892;o in kue&#42892;e xeen ndeva&#42892;a ja ni ka oku&#42892;u Fara&#243;n jin ndi&#42892;i &#241;ayiu ve&#42892;e de. 18Yun te ni kana &#241;a Fara&#243;n jin Abram, te ji&#241;a&#42892;a de:</div><div class="p">&#8213;&#191;Nau ja sia&#42892;a kaa ja ni sa&#42892;a &#241;a ron? &#191;Na tu ni kaxtno&#42892;o ndaa ron ja &#241;asi&#42892;i ron kuu &#241;a? 19&#191;Nau ja ni tayu&#42892;u tno&#42892;o ron, te ni kachi ron ja kua&#42892;a ron kuu &#241;a? Te yun guaa ni ni&#42892;i ini ru&#42892;un ja ni jaka rin &#241;a ja kokuu &#241;asi&#42892;i rin &#241;a. Vitna te ya&#42892;a oo &#241;asi&#42892;i ron. Ndakuaka &#241;a te kua&#42892;an.</div><div class="p"> 20Yun te ni tatnuni Fara&#243;n nuu sava &#241;ayiu &#241;uu de ja na vi chituu &#241;a na vi ndakanu ichi &#241;a jin Abram vi &#241;asi&#42892;i de jin ndi&#42892;i nagua neva&#42892;a de.</div>
 </div>
 </div>
</div>

Yun te ni oo in kiuu ni kaꞌan Jitoꞌo nuu Abram, te jiñaꞌa ya:
―Xndoo ndiꞌi ñayiu veꞌe ron vi tnaꞌa kuikin ron vi ñuu ron, te kuaꞌan in ñuu nuu xneꞌe maa rin ja koo ron. Te jin maa ron saꞌa rin in ñuu kaꞌnu, te saꞌa rin javii javaꞌa jin ron, te saꞌa kaꞌnu rin sivi ron ja kokuu ron in ñayiu vii ñayiu vaꞌa. Te ñayiu saꞌa ña javii javaꞌa, te saa ni javii javaꞌa saꞌa rin jin, te na ñayiu xtau tniaꞌa ña jin ron, te suni xtau tniaꞌa rin jin, te ja jaꞌa ron guaa saꞌa rin ja vi koo vii vi koo vaꞌa ndiꞌi ñayiu ñuyiu ―jiñaꞌa ia Dios nuu Abram.
Te kuia saa ja oo Abram uni xiko xaꞌun kuia na ni kekuei de ñuu Harán ja kuaꞌankuei de jin sajin de Lot. Yun te ni jaka Abram ñasiꞌi de Sarai vi sajin de Lot vi ndiꞌi kiti nevaꞌa de vi ñayiu ni niꞌi de ñuu Harán ja ka jinokuechi nuu de, te ni kekuei de ja kuaꞌankuei de ñuu nani Canaán. Te nuu ni jinokuei de Canaán, te ni ka yaꞌa de ñuu yun guaa ndee nuu ni kentakuei de ndee nuu nani Siquem vi ndee in yoso nuu nani More. Te tiempu saa, chi ñuꞌu ñayiu cananeo ni okuu. Te yun ni skuni ña Jitoꞌo jin Abram, te jiñaꞌa ya:
―Ñuꞌu yaꞌa kuu ja kuñaꞌa rin nuu tatatnoꞌo ron.
Te yun ni saꞌa Abram in altar ja ni soko de nuu Jitoꞌo, chi ni skuni ña ya jin de. Yun te ni kee de kuaꞌan de in yuku ichi nuu kana nikandii ñuu nani Betel, te ni saꞌa de veꞌe saꞌun ja ni jinkoo de maꞌñu uu ñuu ichi kee nikandii ni kendoo Betel, te ichi kana ya oo in ñuu nani Hai. Te yun ni saꞌa de in altar nuu ni ndakakuneꞌe de sivi Jitoꞌo ja ni chiñuꞌu de ya. Te yun ni kee de kuaꞌan de ichi ñuu Neguev.

Te kuia saa ni oo ndevaꞌa tnama ñuu nuu ni oo Abram, yun guaa kuaꞌan de ja koo de ñuu Egipto ndee saa kuia. Su nuu ni ka kuyatni de ja kiukuei de Egipto, te jiñaꞌa Abram nuu ñasiꞌi de Sarai:
―Vitna te jini guaꞌa rin ja luu ndevaꞌa jito ron. Te nuu na vi kuni ña tee ñuu Egipto, te vi kachi de ja ñasiꞌi rin kuu ron, te vi kaꞌni ña de jin rin nagua ja vi kendoo de jin ron. Te yun guaa vitna te saꞌa in ja ndiuxi ja kuñaꞌa ron ja kuaꞌa ron kuu rin nagua ja na kiꞌin vaꞌa rin, te na koteku rin ja jaꞌa ron ―jiñaꞌa de.
Te saa ni kuu, chi nuu ni jinokuei Abram ñuu Egipto, te ni ka jini ña tee egipto yun ja luu ndevaꞌa jito ñasiꞌi de. Te suni nuu ni ka jini ña tee ka netniuu jin Faraón, te ni ka kaxtnoꞌo de ja ni jino in tee ndeka in ñasiꞌi vii ndevaꞌa, te yun guaa ni ka jinsiaꞌa ña jin Sarai ndee veꞌe Faraón. Te yun guaa ni kaꞌan vaꞌa ña de jin Abram ja jaꞌa ñasiꞌi yun, te ni skutaꞌu ña Faraón ndikachi vi isndiki vi mentu vi kameyu vi mentu siꞌi vi tee vi kokunukuechi nuu de vi suchi siꞌi vi kosatniuu nuu de. Su ja jaꞌa Sarai ñasiꞌi Abram guaa ni tetniuu Jitoꞌo in kueꞌe xeen ndevaꞌa ja ni ka okuꞌu Faraón jin ndiꞌi ñayiu veꞌe de. Yun te ni kana ña Faraón jin Abram, te jiñaꞌa de:
―¿Nau ja siaꞌa kaa ja ni saꞌa ña ron? ¿Na tu ni kaxtnoꞌo ndaa ron ja ñasiꞌi ron kuu ña? ¿Nau ja ni tayuꞌu tnoꞌo ron, te ni kachi ron ja kuaꞌa ron kuu ña? Te yun guaa ni niꞌi ini ruꞌun ja ni jaka rin ña ja kokuu ñasiꞌi rin ña. Vitna te yaꞌa oo ñasiꞌi ron. Ndakuaka ña te kuaꞌan.
Yun te ni tatnuni Faraón nuu sava ñayiu ñuu de ja na vi chituu ña na vi ndakanu ichi ña jin Abram vi ñasiꞌi de jin ndiꞌi nagua nevaꞌa de.

వినండి Génesis 12