Jola Kasa - 2008 Edition (NT)

<div class="version vid1549 iso6393csk" data-vid="1549" data-iso6393="csk">
 <div class="book bkMAT">
 <div class="chapter ch24" data-usfm="MAT.24">
 <div class="label">24</div><div class="s">Y&#233;esu li alob mata kahumowaku kata eluufayi yata Ateemit li mata wahawu wammuu ubaj t&#243;wum adunaayi eban</div><div class="r">(Maak 13:1-2; L&#237;k 21:5-6)</div><div class="p"> 1Y&#233;esu li &#225;fulul li Eluufayi yata Ateemit alako ejow, k&#250;goomaku koola li k&#250;koojulool min k&#250;hiisool bateefelabu bata Eluufayi yata Ateemit.</div><div class="p"> 2Bale Y&#233;esu li aaniil:</div><div class="p">&#8212; Inti jijuke wahawu unwu feh? Li mal&#805;egenamu fan ilobuul: let baj taatu maayeet huyitik hano h&#225;ami li hubil hulemboo li hufaal ho huyitik, ho b&#225;hoolulooti.</div><div class="s">S&#237;laam li j&#225;laaten</div><div class="r">(Maak 13:3-13; L&#237;k 21:7-19)</div><div class="p"> 3Emmuu Y&#233;esu lajowujow abah li huyuuyahu hata unuunukenawu wan koonemuu Ol&#237;ibiye, k&#250;goomaku koola li k&#250;koojulool baleyiil min kugel&#805;l&#805;enool koonool:</div><div class="p">&#8212; Ul&#243;boli, nay wahawu unwu w&#243;omi li ubaj? Waa w&#243;omi li &#250;hiis ebilayi yooli li kabanaku kata adunaayi?</div><div class="p"> 4Y&#233;esu li aaniil:</div><div class="p">&#8212; J&#237;kaanum, jakum bil an abuntuul. 5Mata bukan kamee&#331;e fan kubil min ku&#331;a&#8217; kajawaku k&#250;mbaam min koonuul buko kommuu Afakenaawu! Ban fan kubunt bukan kamee&#331;e. 6Fan jijam bukanabuku li kulob mata kutiik, li mata koone kata kutiik. Bale s&#225;koluul. Mata wahawu unwu w&#243;otisooti ubaj. Bale let fan lako kabanaku kata adunaayi. 7Es&#250;k fan eyito etiik li &#233;suk, j&#225;yii li jitiik li j&#225;yii. Fan baj bamuufaay ban bamee&#331;e. Etaamayi foof fan egoloo ban bamee&#331;e. 8Bale wahawu unwu feh uhinhin unokoo loon h&#250;kitumahu hata s&#237;laamasu sata anaale li &#233;lu&#331;un.</div><div class="p"> 9&#171;Mu&#241;e&#712;e no unnu, bukan fan kujokuul kubet li ku&#331;en bukan, min k&#250;laamenuul ban fan kumukuul. Bukanabuku feh fan kulatuul mata &#237;nje &#237;ji. 10Ban bukan kamee&#331;e fan kukat k&#225;yinen l&#237; &#237;nje. Fan kunaak k&#250;hoolowoo, ban li kulatoo. 11Bukan k&#225;male koon buko kufulofet koom, fan k&#250;fulul ban fan kubunt bukan kamee&#331;e. 12B&#250;l&#805;afutabu fan bumee&#331; li &#233;sukayi bil gay, m&#243; l&#237; m&#250;ji hufa&#241;ahu han bukan kamee&#331;e kufa&#241;umuu kaabuku, li huhoko. 13Bale an ahankenumuu min &#225;tuk lit boot yok li h&#250;banumahu, Ateemit fan afakenool. 14Hulimahu unhu H&#225;suumaahu hata J&#225;yiiyaju fan huwaaleyi tanootan li adunaayi feh, min lako b&#250;hiisenum boot li &#233;sukayi feh. Banumuu, kabanaku kata adunaayi li kukit k&#250;lii&#331;ul.</div><div class="s">Majakutamu Makajenemuu</div><div class="r">(Maak 13:14-23; L&#237;k 21:20-24)</div><div class="p"> 15&#8212; M&#243; m&#250;jimuu, fan jijuk &#171;Majakutamu Makajenemuu&#187; li mukaani tan &#241;&#233;yimuu li Eluufayi yata Ateemit. Da&#241;eel ammuu afulofet lalollob mata Majakutamu ummu. (An alakomaa kajanga, laate &#225;naanum jak yo yommuu waa!) 16Nan wahawu unwu wommuu li ubaj, bukanabuku kammuu kulako li etaamayi yata S&#250;de, koote kutey boot li kuyuuyaku. 17An alakomuu haatiya eluuf, jakum &#225;walowul abil ka&#331;a&#8217; wah li eluufayi yoola &#225;towum atey. 18An alakomuu li kal&#805;aakool, jakum alaa&#241; boot boola ajow ka&#331;a&#8217; ka&#241;ool. 19Iy&#233;no, kanaalaabuku kammuu kuhalet, li kammuu li kulako kalaahen li kunakaku unku! 20Jil&#805;aw Ateemit jakum bil huteyahu hooluul hulako li ta&#331;ayi yata kutontaku, mantee foof li hunak hata h&#250;yiiyaay hata Kusuwifaku. 21Mata no unnu, bukanabuku fan k&#250;laam s&#237;laam s&#225;amak sabajulelut nan adunaayi ejuul&#805;imuu boot yok mu&#241;e&#712;e. Ban let bil laa&#241;en baj s&#237;laam loon unsu. 22Ban Ateemit ajokeenutumuu min &#225;yaakul kunakaku unku, an let alo&#331;. Bale l&#225;yaakuuyaakul ko humum hata bukanabuku kan al&#805;usumuu kulako koola.</div><div class="p"> 23&#171;Mu&#241;e&#712;e an aanuulumuu: &#8220;Afakenaawu ummu taate!&#8221; mantee foof: &#8220;Ummu taata!&#8221; jakum j&#237;yinen li akila. 24Mata bukan k&#225;male koon buko kufakena koom, li bukan k&#225;male koon buko kufulofet koom, fan kubil k&#250;fulul. Fan kunaak kukaan wah w&#225;amak w&#225;jaahaleniye boot jabunt buko bayiliyeene, maayeet bukanabuku humumiil kan Ateemit al&#805;usumuu kulako koola. 25Mu&#241;e&#712;e lilobuulobumuu ikat to.</div><div class="p"> 26&#171;M&#243; m&#250;jimuu koonuulumuu: &#8220;Jijuke, ummu li kayiinaayaka!&#8221;, jakum jijow bo. Mantee foof li koonuul: &#8220;Jijuke, ummu min ayolowe li &#250;fitawu!&#8221;, jakum j&#237;yinen. 27Mata loon kawiwijenaku kata emitayi kujukeyimuu Akiw boot yok Jala&#331;, mo foof ebilayi yata A&#241;ool-An yommuu li enokoo. 28Tanootan tan wah wakete woom, s&#237;kosumasu fan sifam to.</div><div class="s">El&#225;a&#241;ulayi yata A&#241;ool-An</div><div class="r">(Maak 13:24-27; L&#237;k 21:25-28)</div><div class="p"> 29&#8212; Nan s&#237;laamasu sata kunakaku unku sommuu siyaan siban, banakabu fan b&#250;limen. Hul&#805;ee&#241;ahu fan hukat kawu&#331;en. Bawuutabu fan b&#250;lowumul li emitayi, Ateemit fan &#225;katenul sembaasu feh sammuu li emitayi. 30Mu&#241;e&#712;e no h&#250;haasumahu hata A&#241;ool-An hommuu hujuki li emitayi. Es&#250;kayi feh yammuu li etaamayi fan el&#805;okoo, ban fan ejuk A&#241;ool-An li abilumul li ufaalawu wata emitayi, li sembe li m&#225;yiineni m&#225;amak l&#243;. 31Nan kasiinaku k&#225;amakaku kommuu li kul&#805;oki, A&#241;ool-An fan &#225;bo&#241;ul kumalakaaku koola kujow boot tanootan li etaamayi, kujow kuwomen bukanabuku kan al&#805;usumuu, k&#237;tum li hulej haahe hata etaamayi boot li haaha.</div><div class="s">Bukittenoolum bata bul&#805;el&#805;u</div><div class="r">(Maak 13:28-31; L&#237;k 21:29-33)</div><div class="p"> 32&#8212; Ji&#331;a&#8217; bul&#805;el&#805;u jikaan bukittenoolum min j&#237;haasum to wah. Jowumuu waanawu wata bo &#250;nih, ban etojayi yata bo li &#233;yawul, li jihaas joon h&#250;l&#805;iyahu h&#250;koojulo. 33Li manolamu, bukuluul foof nan jommuu li jijuk wahawu unwu feh, jihaas joon A&#241;ool-An l&#225;lehenulo, l&#225;koojulo li mal&#805;egen. 34Li mal&#805;egenamu fan ilobuul, bukanabuku kata mu&#241;e&#712;e let kuket foofiil feh t&#243;wum wahawu unwu feh ubaj. 35Emitayi fan ebil &#233;bujo, etaamayi foof fan ebil &#233;bujo, bale kulimaku k&#250;mbaam let kuniilo maayeet.</div><div class="s">Ateemit balewool ahaase nay adunaayi yommuu li eban</div><div class="r">(Maak 13:32-37; L&#237;k 17:26-30, 34-36)</div><div class="p"> 36&#8212; Bale bajut an ahaase nay hunakahu unhu hommuu li h&#250;lii&#331;, li nay ewaatuwayi inyu yommuu li &#233;lii&#331;. Kumalakaaku kammuu li emitayi kuhaasut. A&#241;iilawu ahaasut. Atuubaawu bale ahaase. 37Mata wahawu wabaj nomuu li ta&#331;ayi yata N&#243;we, wo foof wommuu li ubaj nan A&#241;ool-An ammuu li &#225;laa&#241;ul. 38Mata li kunakaku k&#225;kibbenumuu malamu m&#225;amakamu mamee&#331;enumuu etaamayi feh, bukanabuku kunaanaak kuti&#241; li kuhob, li kunaak kuyab ban li kukaan ba&#241;ooliil buyabo, boot yok hunakahu nan N&#243;we anokenumuu li busaanaabu b&#225;amakabu. 39Bukanabuku kuhaasut koon wah unwu li ubaj, boot yok nan malamu m&#225;amakamu mubilumuu mutebiil foofiil feh muwujetum. Mu&#241;a&#712;a foof emmuu li bil nokoo nan A&#241;ool-An ammuu li &#225;laa&#241;ul. 40No unnu, k&#225;nayine k&#250;l&#805;uba kulakomuu bulok li kal&#805;aak, ano fan a&#331;ali min aahu akati to. 41Kanaale k&#250;l&#805;uba kulakomuu ehumen, ano fan a&#331;ali min aahu akati to. 42Mo emmuu kama j&#237;kaanum, mata jihaasut hunak hay Amaa&#331;enawu ooluul ammuu li &#225;laa&#241;ul. 43Jihaas kaanaku, an ata eluufool ahaaseenemmuu ewaatu yay li ehukaayi &#225;kuuwawu &#225;ami li abil, manooman fan &#225;kaanum, ban let akat &#225;kuuwawu min &#225;suuh eluufayi yoola min &#225;nokenul. 44M&#243; m&#250;jimuu bukuluul foof j&#237;kaanum, mata A&#241;ool-An fan &#225;laa&#241;ul nan jiyinooleenut joon no l&#225;ami li &#225;laa&#241;ul.</div><div class="s">Bukittenoolum bata aloka al&#805;egene ban li &#225;jallo</div><div class="r">(L&#237;k 12:41-48)</div><div class="p"> 45&#8212; Kama ayimaa ammuu aloka al&#805;egene ban li &#225;jallo? Akila ammuu alokaawu an anahaanawu oola a&#331;a&#8217;muu kulokawool kaabuku asenool aaken, &#225;naakum aseniil huti&#241;iil ta&#331; yata huti&#241; b&#225;lii&#331;e 46Aw&#243;lo, alokaawu ummu, an anahaanawu oola ammuu li &#225;lii&#331;ul, li atookool akila li kakaan bulokabu ban asenoolumuu kakaan! 47Li mal&#805;egenamu fan ilobuul, anahaanawu fan asen alokaawu ummu ebajayi yoola feh aakenool. 48Bale nokoomuu loon alokaawu ummu lakankaan aloka ajakut, aane li buyinumool: &#171;Anahaanawu &#250;mbaam let &#225;laa&#241;ul mu&#241;e&#712;e&#187;, 49min &#225;to&#331; k&#250;tek kufaalool kuloka, li ati&#241; ban li anaak ajow ahob li k&#225;kaliyenoolemuu, 50anahaanawu ata alokaawu ummu, fan abil &#225;laa&#241;ul hunak han alokaawu ahaasut aan no l&#225;ami li &#225;laa&#241;ul, li ewaatu yan ahaasut. 51Anahaanawu fan atek alokaawu k&#250;tek k&#225;sengiye. Ban fan a&#331;alool akaan li k&#225;hoolomuu, ban j&#237;l&#805;okaju jommuu li s&#237;laamasu s&#225;amakasu.</div>
 </div>
 </div>
</div>

Yéesu li áfulul li Eluufayi yata Ateemit alako ejow, kúgoomaku koola li kúkoojulool min kúhiisool bateefelabu bata Eluufayi yata Ateemit.
Bale Yéesu li aaniil:
— Inti jijuke wahawu unwu feh? Li mal̥egenamu fan ilobuul: let baj taatu maayeet huyitik hano háami li hubil hulemboo li hufaal ho huyitik, ho báhoolulooti.


Emmuu Yéesu lajowujow abah li huyuuyahu hata unuunukenawu wan koonemuu Olíibiye, kúgoomaku koola li kúkoojulool baleyiil min kugel̥l̥enool koonool:
— Ulóboli, nay wahawu unwu wóomi li ubaj? Waa wóomi li úhiis ebilayi yooli li kabanaku kata adunaayi?
Yéesu li aaniil:
— Jíkaanum, jakum bil an abuntuul. Mata bukan kameeŋe fan kubil min kuŋa’ kajawaku kúmbaam min koonuul buko kommuu Afakenaawu! Ban fan kubunt bukan kameeŋe. Fan jijam bukanabuku li kulob mata kutiik, li mata koone kata kutiik. Bale sákoluul. Mata wahawu unwu wóotisooti ubaj. Bale let fan lako kabanaku kata adunaayi. Esúk fan eyito etiik li ésuk, jáyii li jitiik li jáyii. Fan baj bamuufaay ban bameeŋe. Etaamayi foof fan egoloo ban bameeŋe. Bale wahawu unwu feh uhinhin unokoo loon húkitumahu hata sílaamasu sata anaale li éluŋun.
«Muñeˈe no unnu, bukan fan kujokuul kubet li kuŋen bukan, min kúlaamenuul ban fan kumukuul. Bukanabuku feh fan kulatuul mata ínje íji. Ban bukan kameeŋe fan kukat káyinen lí ínje. Fan kunaak kúhoolowoo, ban li kulatoo. Bukan kámale koon buko kufulofet koom, fan kúfulul ban fan kubunt bukan kameeŋe. Búl̥afutabu fan bumeeŋ li ésukayi bil gay, mó lí múji hufañahu han bukan kameeŋe kufañumuu kaabuku, li huhoko. Bale an ahankenumuu min átuk lit boot yok li húbanumahu, Ateemit fan afakenool. Hulimahu unhu Hásuumaahu hata Jáyiiyaju fan huwaaleyi tanootan li adunaayi feh, min lako búhiisenum boot li ésukayi feh. Banumuu, kabanaku kata adunaayi li kukit kúliiŋul.


— Mó mújimuu, fan jijuk «Majakutamu Makajenemuu» li mukaani tan ñéyimuu li Eluufayi yata Ateemit. Dañeel ammuu afulofet lalollob mata Majakutamu ummu. (An alakomaa kajanga, laate ánaanum jak yo yommuu waa!) Nan wahawu unwu wommuu li ubaj, bukanabuku kammuu kulako li etaamayi yata Súde, koote kutey boot li kuyuuyaku. An alakomuu haatiya eluuf, jakum áwalowul abil kaŋa’ wah li eluufayi yoola átowum atey. An alakomuu li kal̥aakool, jakum alaañ boot boola ajow kaŋa’ kañool. Iyéno, kanaalaabuku kammuu kuhalet, li kammuu li kulako kalaahen li kunakaku unku! Jil̥aw Ateemit jakum bil huteyahu hooluul hulako li taŋayi yata kutontaku, mantee foof li hunak hata húyiiyaay hata Kusuwifaku. Mata no unnu, bukanabuku fan kúlaam sílaam sáamak sabajulelut nan adunaayi ejuul̥imuu boot yok muñeˈe. Ban let bil laañen baj sílaam loon unsu. Ban Ateemit ajokeenutumuu min áyaakul kunakaku unku, an let aloŋ. Bale láyaakuuyaakul ko humum hata bukanabuku kan al̥usumuu kulako koola.
«Muñeˈe an aanuulumuu: “Afakenaawu ummu taate!” mantee foof: “Ummu taata!” jakum jíyinen li akila. Mata bukan kámale koon buko kufakena koom, li bukan kámale koon buko kufulofet koom, fan kubil kúfulul. Fan kunaak kukaan wah wáamak wájaahaleniye boot jabunt buko bayiliyeene, maayeet bukanabuku humumiil kan Ateemit al̥usumuu kulako koola. Muñeˈe lilobuulobumuu ikat to.
«Mó mújimuu koonuulumuu: “Jijuke, ummu li kayiinaayaka!”, jakum jijow bo. Mantee foof li koonuul: “Jijuke, ummu min ayolowe li úfitawu!”, jakum jíyinen. Mata loon kawiwijenaku kata emitayi kujukeyimuu Akiw boot yok Jalaŋ, mo foof ebilayi yata Añool-An yommuu li enokoo. Tanootan tan wah wakete woom, síkosumasu fan sifam to.


— Nan sílaamasu sata kunakaku unku sommuu siyaan siban, banakabu fan búlimen. Hul̥eeñahu fan hukat kawuŋen. Bawuutabu fan búlowumul li emitayi, Ateemit fan ákatenul sembaasu feh sammuu li emitayi. Muñeˈe no húhaasumahu hata Añool-An hommuu hujuki li emitayi. Esúkayi feh yammuu li etaamayi fan el̥okoo, ban fan ejuk Añool-An li abilumul li ufaalawu wata emitayi, li sembe li máyiineni máamak ló. Nan kasiinaku káamakaku kommuu li kul̥oki, Añool-An fan áboñul kumalakaaku koola kujow boot tanootan li etaamayi, kujow kuwomen bukanabuku kan al̥usumuu, kítum li hulej haahe hata etaamayi boot li haaha.


— Jiŋa’ bul̥el̥u jikaan bukittenoolum min jíhaasum to wah. Jowumuu waanawu wata bo únih, ban etojayi yata bo li éyawul, li jihaas joon húl̥iyahu húkoojulo. Li manolamu, bukuluul foof nan jommuu li jijuk wahawu unwu feh, jihaas joon Añool-An lálehenulo, lákoojulo li mal̥egen. Li mal̥egenamu fan ilobuul, bukanabuku kata muñeˈe let kuket foofiil feh tówum wahawu unwu feh ubaj. Emitayi fan ebil ébujo, etaamayi foof fan ebil ébujo, bale kulimaku kúmbaam let kuniilo maayeet.


— Bale bajut an ahaase nay hunakahu unhu hommuu li húliiŋ, li nay ewaatuwayi inyu yommuu li éliiŋ. Kumalakaaku kammuu li emitayi kuhaasut. Añiilawu ahaasut. Atuubaawu bale ahaase. Mata wahawu wabaj nomuu li taŋayi yata Nówe, wo foof wommuu li ubaj nan Añool-An ammuu li álaañul. Mata li kunakaku kákibbenumuu malamu máamakamu mameeŋenumuu etaamayi feh, bukanabuku kunaanaak kutiñ li kuhob, li kunaak kuyab ban li kukaan bañooliil buyabo, boot yok hunakahu nan Nówe anokenumuu li busaanaabu báamakabu. Bukanabuku kuhaasut koon wah unwu li ubaj, boot yok nan malamu máamakamu mubilumuu mutebiil foofiil feh muwujetum. Muñaˈa foof emmuu li bil nokoo nan Añool-An ammuu li álaañul. No unnu, kánayine kúl̥uba kulakomuu bulok li kal̥aak, ano fan aŋali min aahu akati to. Kanaale kúl̥uba kulakomuu ehumen, ano fan aŋali min aahu akati to. Mo emmuu kama jíkaanum, mata jihaasut hunak hay Amaaŋenawu ooluul ammuu li álaañul. Jihaas kaanaku, an ata eluufool ahaaseenemmuu ewaatu yay li ehukaayi ákuuwawu áami li abil, manooman fan ákaanum, ban let akat ákuuwawu min ásuuh eluufayi yoola min ánokenul. Mó mújimuu bukuluul foof jíkaanum, mata Añool-An fan álaañul nan jiyinooleenut joon no láami li álaañul.


— Kama ayimaa ammuu aloka al̥egene ban li ájallo? Akila ammuu alokaawu an anahaanawu oola aŋa’muu kulokawool kaabuku asenool aaken, ánaakum aseniil hutiñiil taŋ yata hutiñ báliiŋe Awólo, alokaawu ummu, an anahaanawu oola ammuu li áliiŋul, li atookool akila li kakaan bulokabu ban asenoolumuu kakaan! Li mal̥egenamu fan ilobuul, anahaanawu fan asen alokaawu ummu ebajayi yoola feh aakenool. Bale nokoomuu loon alokaawu ummu lakankaan aloka ajakut, aane li buyinumool: «Anahaanawu úmbaam let álaañul muñeˈe», min átoŋ kútek kufaalool kuloka, li atiñ ban li anaak ajow ahob li kákaliyenoolemuu, anahaanawu ata alokaawu ummu, fan abil álaañul hunak han alokaawu ahaasut aan no láami li álaañul, li ewaatu yan ahaasut. Anahaanawu fan atek alokaawu kútek kásengiye. Ban fan aŋalool akaan li káhoolomuu, ban jíl̥okaju jommuu li sílaamasu sáamakasu.

వినండి Máciya 24