MATHAI 3

Baptisma peitu Johan tah langpui a parai

(Mk 1:1-8; Luk 3:1-18; Jh 1:19-28)

1Ma ningcai leco baptisma peitu Johan va chuh ka, Judia raang, raangcaa letah phung a rei. 2“Vaicung painah raang cawh a ne myca cawtah naa suanah a ngepachih myca law,” tatah a tah. 3Ama heh Khazing khuavang Isaiah hmokaw hmang tei reipaw,

“Raangcaa letei a y leimeipaw o taco,

‘Abuipaw cawtah langpui parai la,

a cawtah langpui pading pah my lo,’ a tah,”#Isai 40:3

tahpaw khah a cang.

4Johan a chaichi cawh sahisy hming tah tawpaw cang ka, saving tesong a te letah a song. A batui cawh khybawh le akhui tui a cang. 5Jerusalem cawngsaw sahlo le Judia raang chung vytei taitah cawngsaw sahlo le Jordan tuivaw hrong leteipaw cawngsaw sahlo cawh Johan khaco a vaw he. 6Khazing letah aa suanah phy he ka, Jordan tuivaw letah baptisma a cangsah he.

7Canghrasala baptisma a cangsahnah pawhe lang khah Farasi le Sadusi cawngsaw sahlo aa va chuapaw khah a hmuh tihtah aa hai leco, “Naaning, pari cangmai pathlah sahlo, Khazing thingaenah a va chuh leimeipaw heh saisai rua pawtah aho tamaw a ca ching he? 8Na ngepachihnah he ceh cawh a thuipa tah palang my lo! 9Taico, ‘Abraham pathlah sahlo kaa cang peh,’ tatah tah leimei khe o. Ka ca ching he hi, Khazing taco ma alung sahlo heh Abraham sawtei sahlo tah a tua khy thlang he hi. 10Thingkung hrang maikaw letah ahrui aa chia thlu thah. Thui chaw a thui lypaw thingkung maikaw cawh hyhly tah me lang bo a cang he a.

11Kama taco angepachihnah cawtah tui tah baptisma ka ca cangsah he. Canghrasala ka hninglang tei a va chuh lepaw cawh kama navy tah a rungnaw vypaw a cang. Kama cawh a phepakong a tlepah lai tlang hmai cang bei neh. Ama taco Thlawpaw Pathai le me tah baptisma a ca cangsá he a. 12Saze zeinah cawh a kiá tah tle ka, phuhri letah saze cawh a zei a, achang khah apaang letah rai a ka, asi khah a thi thai lypaw me lang a bo a,” tatah a tah he.

Zisu baptisma a cangnah

(Mk 1:9-11; Luk 3:21-22)

13Mataico, Zisu cawh Galili raang taitah Jordan tuivaw lang khah Johan tah baptisma cangsah rua pawtah khei a vong. 14Canghrasala, Johan takhei thly a zawng ka, a hai letah, “Nama tutah baptisma pa cangsá bei ceh maw, kama kha na vong laky thlang!” tatah a tah.

15Zisu taco, “Atoheh cawh ma hrahei cang thlang seh. Dingnah vytei tling sá pawtah ma tua heh kaa cawtah a tlahpaw a cang,” tatah a palei. Mataico Johan zong a naw a tlah.

16Zisu cawh baptisma a cang. Tui taitah a ka pia cangkawleh avai a hong ka, Khazing Thlawpaw cawh thury hratah za cung katei a cung letah a cawngpaw khah a hmuh. 17Taico avai taitah o za ring ka, “Ma heh ka dopaw ka Sawcapaw cawh a cang. Ama letah ka lung a lawng ngetei,” tatah a tah.

தற்சமயம் தேர்ந்தெடுக்கப்பட்டது:

MATHAI 3: zyp

சிறப்புக்கூறு

பகிர்

நகல்