ମାତିସ୍ 2
2
ଜ୍ଞାନୀ ଜାମାର୍ ବାରାଲ୍ନାଏ
1ହେରୋଦ୍ ରାଜାସ୍କି ସାମାୟନୁ ୟାହୁଦା ପ୍ରଦେଶ୍ଘି ବେତ୍ଲେହେମ୍ ପାଡ଼ାନୁ ଯୀଶୁସ୍କି ଜନମ୍ ମାନ୍ଚା। ତା ପୁରୁବ୍ ଦେଶ୍ତି ୟୋଁଲୋକ୍ #୨:୧ ଜ୍ଞାନୀ ଆଲାର୍ ବିନ୍କୋଘି ବାରେନୁ ବାଗ୍ଗେ ଆହ୍ନାଏଜ୍ଞାନୀ ଜାମାର୍ ଯେରୁଶାଲେମ୍ ସହର୍ଗେ ବାରିକିରି ମେନ୍ଚାର୍, 2“ୟାହୁଦୀ ଜାମାର୍ଘି ରାଜାସ୍ ଏକାସ୍କି ଜନମ୍ ମାନ୍ଚ୍କିଚି ଆସ୍ ଏକାସାନ୍ ରାଦାସ୍? ଏନ୍ଦେର୍ଗେକା ଏମ୍ ପୁରୁବ୍ ଦେଶ୍ନୁ ତାଙ୍ଘାଏ ବିନ୍କୋବନ୍ ଏରିକିରି ତାଙ୍ଗାନ୍ ଯୋହାର୍ କାମାଗେ ବାର୍ଚ୍କାଦାମ୍।” 3ଇବନ୍ ମେନିକିରି ହେରୋଦ୍ ରାଜାସ୍ ଆରୁ ତାଙ୍ଘାଗାନେ ଜାମା ଯେରୁଶାଲେମ୍ ତା ଆଲାର୍ ଘାବ୍ରାରାଚାର୍କେରାର୍। 4ଆନ୍ତିନ୍ ହେରୋଦ୍ସ୍ ଆଲାର୍ଘି ଜାମା ମୁଖ୍ୟା ପୁରୋହିତ୍ର୍ ଆରୁ ପଣ୍ତିତ୍ ଜାମାରିନ୍ ଅନ୍ଠାଣ୍ କାମିକିରି ଖ୍ରୀସ୍ତ୍ସ୍କି ଜନମ୍ ଏକାସାନ୍ ମାନଦ୍ ଆବ୍ଡ଼ାରିନ୍ ମେନ୍ଚାସ୍। 5ଆବ୍ଡ଼ାର୍ ଆସିନ୍ ତେଙ୍ଗିୟାର୍, “ୟାହୁଦା ପ୍ରଦେଶ୍ନ୍ତା ବେତ୍ଲେହେମ୍ ପାଡ଼ାନୁ, ଏନ୍ଦେର୍ଗେକା ନାବୀଜାମାର୍ଘି ଦ୍ୱାର୍ନୁ ଏନ୍ନେ ଲେଖ୍ଚ୍କା ରାଇ:
6‘ହେ ୟାହୁଦା ପ୍ରଦେଶ୍ନ୍ତା ବେତ୍ଲେହେମ୍ ୟାହୁଦା ପ୍ରଦେଶ୍ନ୍ତା
ଜାମାର୍ଘିନ୍ତି ମାହାନ୍ ପାଡ଼ାଏ ନିନ୍ ଏନ୍ଦ୍ରିନ୍ହି ରିତୀତି ୟାହୁଦାଘି ଶାସନ୍ କାମୁର୍ସ୍ତି ଛୋଟେ ମାଲ୍ଦିନ୍;
ଏନ୍ଦେର୍ଗେକା ନିଙ୍ଘାସ୍ତି ଏନ୍ନେ ଅଣ୍ଟା ରାଜାସ୍ ଜନମ୍ ମାନସ୍,
ଏକାସ୍ କା ଏଙ୍ଘାଏ ପର୍ଜା ଇସ୍ରାଏଲୀରିନ୍ ଏରୋସ୍ ହଜସ୍।’”
7ଆନ୍ତିନ୍ ହେରୋଦ୍ସ୍ ଜ୍ଞାନୀ ଆଲାରିନ୍ କାଡ଼େ-କାଡ଼େ ମେହିଁକିରି ବିନ୍କୋ ଠିକ୍ କେତ୍କ ସାମାୟନୁ ଏଥ୍ରା ଆବନ୍ ମେନ୍ଚାସ୍, 8ଆନ୍ତିନ୍ ଆସ୍ ଆବ୍ଡ଼ାରିନ୍ ଏନ୍ନେ ତେଙ୍ଗିକିରି ବେତ୍ଲେହେମ୍ ତାଇୟାସ୍, “କାଲା, ଆ ହାଦ୍ଦୁସ୍କି ବାରେନୁ ଠିକ୍-ଠିକ୍ ପାତା ଲାଗାବାକେ ଆରୁ ହାଦ୍ଦୁସିନ୍ ହାକ୍କା ପାଛ୍ଲି ଏଙ୍ଗାନ୍ ଖବର୍ ଚିକେ ଏସ୍କେ କା ଏନ୍ହି କନ୍ ଆରୁ ଆସିନ୍ ହାଁଠୁୱାରିକିରି ଯୋହାର୍ କାମନ୍।”
9ଆବ୍ଡ଼ାର୍ ରାଜାସ୍କି କାତ୍ଥା ମେନିକିରି କେରାର୍ ଆରୁ ଏକା ବିନ୍କୋବନ୍ ପୁରୁବ୍ତାରା ଏର୍କାଚାର୍ ଆଦ୍ ତାହ୍ମା ଆଘ୍ଲି-ଆଘ୍ଲି କେରାଦ୍, ଆରୁ ଏକାସାନ୍ ହାଦ୍ଦୁସ୍ ରାଚାସ୍, ଆସାନ୍ ମିଆଁ ଇଜ୍ଜା କେରାଦ୍। 10ଆବ୍ଡ଼ାର୍ ଆ ବିନ୍କୋବନ୍ ଏରିକିରି ମୁରୁକ୍ ଖୁସୀ ମାନ୍ଚାର୍ କେରାର୍। 11ଆବ୍ଡ଼ାର୍ ଆ ଆଡ଼୍ପା ଉଲା କର୍ଚାର୍ ଆରୁ ହାଦ୍ଦୁସିନ୍ ତାଙ୍ଗ୍ୟ ମାରିୟାମ୍ ଗାନେ ଏରିୟାର୍, ଆରୁ ହାଁଠୁୱାରିକିରି ହାଦ୍ଦୁସିନ୍ ଯୋହାର୍ କାମ୍ଚାର୍, ଆରୁ ନିଜର୍-ନିଜର୍ ଥାଇଲିବନ୍ ଖୋଲିକିରି ସୋନା, #୨:୧୧ ଲୋବାନ୍ଘି ମତ୍ଲବ୍ ଇଦ୍ ଅଣ୍ଟା ଦାମିକା ହୋପ୍ପା। ଇଦ୍ଘି ଜେର୍ରେବନ୍ ଆଲାର୍ ସୁଖା ପାଉଡର୍ କାମିକିରି ବେଭାର୍ କାମାଲିଆର୍। ଏକାଦ୍ କା ବାନେ ବାସ୍ନା ଚିଆଲିୟା। ଇସ୍ରାଏଲ୍ନୁ ଇବନ୍ ପୁରୋହିତ୍ଜାମାର୍ ବେଭାର୍ କାମାଲିଆର୍।ଲୋବାନ୍ ଆରୁ #୨:୧୧ ଗାନ୍ଧ୍ରାସ୍ ଘି ମତ୍ଲବ୍ ବାନେ ବାସ୍ନା ଚିନା ଜେର୍ରେବନ୍ ୟାହୁଦୀ ଆଲାର୍ ପାବିତାର୍ ଇସୁଙ୍ଗ୍ ଲେଖା ବେଭାର୍ କାମାଲିଆର୍, ହୁ ଇସୁଙ୍ଗ୍ତି ଆଲାରିନ୍ ଆଭିଷେକ୍ କାମାଲିଆର୍।ଗାନ୍ଧ୍ରାସ୍ ଭେଁଟ୍ କାମ୍ଚାର୍। 12ଆନ୍ତିନ୍ ହେରୋଦ୍ ରାଜାସ୍କି ଚାହାଗେ ମା କିର୍ରାଗେ, ସପନ୍ନୁ ଚେତାବାନୀ ହାଖ୍ଖୀକିରି ଆବ୍ଡ଼ାର୍ ଦୁସ୍ରା ପାବୁ ମାନିକିରି ତାହ୍ମା ଦେଶ୍ଗେ କିର୍ରିୟାର୍ କେରାର୍।
ଯୋଷେଫ୍ସ୍ ମାରିୟାମ୍ ଆରୁ ବଲୋ ଯୀଶୁସ୍ଗାନେ ମିଶର୍ ଦେଶ୍ଗେ କାଲ୍ଦାସ୍।
13ଜ୍ଞାନୀ ଜାମାର୍ଘି ବୁଙ୍କା ପାଛ୍ଲି ପ୍ରାଭୁସ୍କି ଅଣ୍ଟା ଦୂଁତ୍ ସାପାନ୍ନୁ ଯୋଷେଫ୍ସିନ୍ ଦର୍ଶନ୍ ଚିଇକିରି ତେଙ୍ଗିୟାଦ୍, “ଉସ୍କାରା, ହାଦ୍ଦୁସିନ୍ ଆରୁ ତାଙ୍ଗ୍ୟବନ୍ ହୋଇକିରି ମିଶର୍ ଦେଶ୍ଗେ ବୁଙ୍ଗାକାଲା; ଏନ୍ ଯେତ୍କତକ୍ ନିଙ୍ଗାନ୍ ମା ତେଙ୍ଗନ୍, ହତ୍କତକ୍ ନିନ୍ ଆସାନିନ୍ ରାକେ; ଏନ୍ଦେର୍ଗେକା ହେରୋଦ୍ ରାଜାସ୍ ହାଦ୍ଦୁସିନ୍ ପିଟାଗେ ବେଦ୍ଦାଲ୍ଦାସ୍।”
14ଆଙ୍ଗେନ୍ ଆସ୍ ଉସ୍କାରାଚାସ୍ ଆରୁ ମାଁହାନିନ୍ ହାଦ୍ଦୁସିନ୍ ଆରୁ ତାଙ୍ଗ୍ୟବନ୍ ହୋଇକିରି ମିଶର୍ ଦେଶ୍ଗେ ବୁଙ୍ଗିୟାସ୍ କେରାସ୍, 15ଆରୁ ହେରୋଦ୍ସ୍କି ଖିନାତକ୍ ଆସ୍ ଆସାନିନ୍ ରାଚାସ୍। ଏସ୍କେ କା ନାବୀଜାମାର୍ଘି ଦ୍ୱାର୍ନୁ ପ୍ରାଭୁସ୍କି ଇ ତେଙ୍କା କାତ୍ଥା ପୁରା ମାନ୍ଚା କା: “ଏନ୍ ଏଙ୍ଘା ହାଦ୍ଦୁସିନ୍ ମିଶର୍ ଦେଶ୍ତି ମେଁହ୍କାନ୍।”
16ଯେତ୍କବାକେନ୍ ହେରୋଦ୍ସ୍ ଏରିୟାସ୍ କା, ଜ୍ଞାନୀ ଜାମାର୍ ତାଙ୍ଗାନ୍ ଧୋଖା ଚିଚ୍କାନାଏ, ତା ଆସ୍ ମୁରୁକ୍ ଖୀସାରାଚାସ୍ କେରାସ୍ ଆରୁ ଜ୍ଞାନୀ ଜାମାର୍ଘି ତେଙ୍କା ଠିକ୍ ସାମାୟନୁ ବେତ୍ଲେହେମ୍ ଆରୁ ଚାହାଚାହାନ୍ତା ପାଡ଼ା ଗୁଠିନ୍ତା ଦୁଇ ବଛର୍ତା ଆରୁ ଦୁଇ ବଛର୍ସ୍ତି ଛୋଟେ ହାଦ୍ଦୁରିନ୍ ପିଟାଗେ ତାଙ୍ଘା ଆଲାରିନ୍ ହୁକୁମ୍ ଚିଚ୍ଚାସ୍। 17ହତ୍କବାକେନ୍ ଯିରିମୀୟା ନାବୀସ୍କି ଦ୍ୱାର୍ନୁ ତେଙ୍କା ଇ ବଚନ୍ ପୁରା ମାନ୍ଚା:
18“ରାମାନୁ ଅହ୍ଲନା ଆରୁ ମୁରୁକ୍ ଦୁଃଖୁ ମାନ୍ନାଘି ଅଣ୍ଟା ଶବଦ୍ ମେନ୍ଦ୍ରାଦ୍; ରାହେଲ୍ ତାଙ୍ଘା ହାଦ୍ଦୁର୍ଘି ଲାଗାନ୍ ଅହ୍ଲାଲିୟାଦ୍, ଆରୁ ଆଦ୍ କାଡ଼େ-କାଡ଼େ ରାଗେ ମା ବେଦ୍ଦାଲିୟା, ଏନ୍ଦେର୍ଗେକା ଆବ୍ଡ଼ାର୍ ଆକ୍କୁନ୍ ମାଲ୍କାରିନ୍।”
ଯୋଷେଫ୍ସ୍ ମାରିୟାମ୍ ଆରୁ ବଲୋ ଯୀଶୁସ୍ଗାନେ ମିଶର୍ ଦେଶ୍ତି କିର୍ରାଲ୍ଦାସ୍
19ହେରୋଦ୍ ରାଜାସ୍କି କେଚ୍ଚ୍କା ପାଛ୍ଲି, ପ୍ରାଭୁସ୍କି ଅଣ୍ଟା ଦୂଁତ୍ ମିଶର୍ ଦେଶ୍ନୁ ଯୋଷେଫ୍ସ୍କେ ସାପାନ୍ନୁ ଦର୍ଶନ୍ ଚିଇକିରି ତେଙ୍ଗିୟାଦ୍, 20“ଉସ୍କାରା, ହାଦ୍ଦୁସିନ୍ ଆରୁ ତାଙ୍ଗ୍ୟବନ୍ ହୋଇକିରି ଇସ୍ରାଏଲ୍ ଦେଶ୍ଗେ କାଲା, ଏନ୍ଦେର୍ଗେକା ଏକାର୍ ହାଦ୍ଦୁସିନ୍ ପିଟା ବେଦ୍ଦାଲିୟାର୍, ଆର୍ କେଚ୍ଚାର୍ କେରାର୍।” 21ଆଙ୍ଗେନ୍ ଯୋଷେଫ୍ସ୍ ଉସ୍କାରାଚାସ୍ ଆରୁ ହାଦ୍ଦୁସିନ୍ ଆରୁ ତାଙ୍ଗ୍ୟବନ୍ ହୋଇକିରି ଇସ୍ରାଏଲ୍ ଦେଶ୍ଗେ ବାର୍ଚାସ୍। 22ଲେକିନ୍ ଇବନ୍ ମେନିକିରିକା ଆର୍ଖିଲାଉସ୍ ତାହ୍ମା ବୁଆ ହେରୋଦ୍ସ୍କି ଆଡ୍ଡାନୁ ୟାହୁଦା ପ୍ରଦେଶ୍ନ୍ତା ରାଜା ମାନ୍ଚ୍କାଦାସ୍, ତା ଆସ୍ ଆସାନ୍ କାଲାଗେ ଏଲ୍ଚିୟାସ୍। ଲେକିନ୍ ସାପାନ୍ନୁ ପାର୍ମେଶ୍ଵାର୍ସ୍ତି ଚେତାବାନୀ ହାଖ୍ଖୀକିରି ଗାଲିଲୀ ପ୍ରଦେଶ୍ଗେ କେରାସ୍, 23ଆରୁ ଆସାନ୍ ନାଜ୍ରେତ୍ ନାମେଘି ଅଣ୍ଟା ସହର୍ନୁ ରାଚାସ୍, ଏସ୍କେ କା ନାବୀଜାମାର୍ଘି ଦ୍ୱାର୍ନୁ ତେଙ୍କା ଇ କାତ୍ଥା ପୁରା ମାନ୍ନାଦ୍ କା, “ଆସ୍ ନାଜ୍ରେତ୍ତା ବୁଲି ଆହାକସ୍।”
தற்சமயம் தேர்ந்தெடுக்கப்பட்டது:
ମାତିସ୍ 2: xis
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
© (Active) Wycliffe Bible Translators, Inc. All rights reserved.
