مَاتِيُ 1

مَامَعٜنْ يٜىٰسُ

1طٜعٜ نغٛنِ اِنْطٜ مَامَعٜنْ يٜىٰسُ اَلْمَسِيحُ لٜݧٛلْ دَوْدَ، دَوْدَ لٜݧٛلْ اِبْرَاهِمْ؞

2اِبْرَاهِمْ دَݧِ اِشِيَاکُ، ندٜنْ اِشِيَاکُ دَݧِ يَاکُبُ، ندٜنْ يَاکُبُ دَݧِ يَحُودَ اٜ سَکِرَاٻٜ مَاکٛ، 3يَحُودَ دَݧِ فٜرٜسَ اٜ جٜىٰرَ، مَدُوجٛ جٜىٰرَ وٛنِ تَامَرْ، فٜرٜسَ دَݧِ حٜسٜرُونَ، حٜسٜرُونَ دَݧِ اَرَمْ، 4اَرَمْ دَݧِ اَمِينَدَبْ، اَمِينَدَبْ دَݧِ نَاشٛنْ، نَاشٛنْ دَݧِ سَلْمٛنْ، 5سَلْمٛنْ دَݧِ بٛعَاجَ، مَدُوجٛ بٛعَاجَ وٛنِ رَحَبْ، بٛعَاجَ دَݧِ اٛبِدَ، مَدُوجٛ اٛبِدَ وٛنِ رُتْ، اٛبِدَ دَݧِ جٜىٰسِ، 6جٜىٰسِ دَݧِ دَوْدَ لَامِيطٛ، دَوْدَ لَامِيطٛ دَݧِ سُلٜيْمَانُ، مَدُوجٛ سُلٜيْمَانُ وٛنِ دٜبّٛ اُرِيَ ندٜنّٛ، 7سُلٜيْمَانُ دَݧِ رٜحٛبٛوَمْ، رٜحٛبٛوَمْ دَݧِ اَبِجَ، اَبِجَ دَݧِ اَاسَ، 8اَاسَ دَݧِ جٜحٛوشَفَتْ، جٜحٛوشَفَتْ دَݧِ جٛورَمْ، جٛورَمْ دَݧِ اَجَارِيَ، 9اَجَارِيَ دَݧِ جٛوتَمَ، جٛوتَمَ دَݧِ اَحَسْ، اَحَسْ دَݧِ حٜجٜکَايَ، 10حٜجٜکَايَ دَݧِ مَنَاسٜ، مَنَاسٜ دَݧِ اَمٛنْ، اَمٛنْ دَݧِ جٛوسَيَ، 11جٛوسَيَ دَݧِ جٜکٛونِيَ اٜ سَکِرَاٻٜ مَاکٛ وٛرْٻٜ، شَرٜلْ کٛ يَحُودَنْکٛعٜنْ نَنْغَا نجَارَا لٜيْدِ بَابِيلَ؞

12غَطَ طُمْ يَارِيٻٜ لٜيْدِ بَابِيلَ، جٜکٛونِيَ دَݧِ شٜيَلْتِيَلْ، شٜيَلْتِيَلْ دَݧِ جَرُوبَبٜلْ، 13جَرُوبَبٜلْ دَݧِ اَبِيحُدُ، اَبِيحُدُ دَݧِ اٜلِيَاکِمْ، اٜلِيَاکِمْ دَݧِ اَاجٛرٛ، 14اَاجٛرٛ دَݧِ جَادٛکْ، جَادٛکْ دَݧِ اَاکِمْ، اَاکِمْ دَݧِ اَلِييُدُ، 15اَلِييُدُ دَݧِ اٜلٜيَاجَرْ، اٜلٜيَاجَرْ دَݧِ مَتَانَ، مَتَانَ دَݧِ يَاکُبُ، 16يَاکُبُ دَݧِ يُسُفُ غٛرْکٛ مَرْيَامَ، مَرْيَامَ دَݧِ يٜىٰسُ بِعٜتٜىٰطٛ اَلْمَسِيحُ؞

17اٜ وٛودِ مَامَعٜنْ سَڤّٛ اٜ نَيٛ دَغَ جَامَنُ اِبْرَاهِمْ يَاکِ جَامَنُ دَوْدَ؞ اٜ وٛودِ مَامَعٜنْ سَڤّٛ اٜ نَيٛ دَغَ جَامَنُ دَوْدَ يَاکِ شَرٜلْ نغٜلْ يَحُودَنْکٛعٜنْ نجَارَا مَشُّنغَاکُ تٛ لٜيْدِ بَابِيلَ؞ اٜ وٛودِ مَامَعٜنْ سَڤّٛ اٜ نَيٛ دَغَ شَرٜلْ نغٜلْ يَحُودَنْکٛعٜنْ نجَارَا مَشُّنغَاکُ تٛ لٜيْدِ بَابِيلَ يَاکِ دَݧْنغٛلْ اَلْمَسِيحُ؞

دَݧْنغٛلْ يٜىٰسُ اَلْمَسِيحُ

18رَا نٛ يٜىٰسُ اَلْمَسِيحُ دَݧِرَا؞ مَدُوجٛ مَاکٛ مَرْيَامَ وَادِ اَلْکَوَلْ تٜىٰغَلْ اٜ يُسُفُ؞ اَمَّا کٛ ٻٜ نغَطَ تٜىٰغَلْ، سٜيْ اٛ تَوْرَا رٜىٰدُ دَغَ تٛ رُوحُ اَللَّه؞ 19ندٜ يُسُفُ اٛ نٜطّٛ اَادِلِيجٛ، اٛ يِطَا اٛ سٜمْتِنَمٛ اٜ نجَيْرِ؞ اٛ دَرْوِ اٛ يٛوفَمٛ اٜ سُوطٜ؞ 20اَمَّا شَرٜلْ نغٜلْ اٛ ݧُمَتَ دٛوْ مَاجُمْ، مَلَاعِکَاجٛ جٛومِرَاوٛ وَنْغَنِمٛ ندٜرْ کٛيْطٛلْ، وِعِمٛ، ‏«‏يُسُفُ ٻِي دَوْدَ، تَاع حُلُ تٜعُکِ مَرْيَامَ، نغَمْ ٻِنْغٜلْ نغٜلْ اٛ سَاوِ دَغَ تٛ رُوحُ اَللَّه نغٜلْ پِوٛيِ؞ 21اٛ دَݧَيْ ٻِطّٛ غٛرْکٛ ندٜنْ اَ نٛدَّيْمٛ يٜىٰسُ، نغَمْ اٛ حِسْنَيْ يِمْٻٜ مَاکٛ دَغَ حَکّٜ مَٻّٜ؞»‏

22فُو فِي طُعُمْ طُمْ وَطِ نغَمْ طُمْ حٜبِّنَ کٛ جٛومِرَاوٛ وِعِ دَغَ حٛنْدُکٛ اَنَّبِيجٛ، اٛ وِعِ، 23‏«‏رَطُّمْ، سُرْبَاجٛ مٛ اَنْدَا غٛرْکٛ دَݧَيْ ٻِطّٛ غٛرْکٛ، ندٜنْ طُمْ نٛدَّيْ اِنْدٜ مَاکٛ اِمَانُوٜلْ؞»‏ مَعَنَ اِمَانُوٜلْ وٛنِ، ‏«‏اَللَّه اٜ وٛنْدِ اٜ مٜىٰطٜنْ؞»‏

24ندٜ يُسُفُ اُمِّي دَغَ طٜيْنغٛلْ نغٛلْ، سٜيْ وَطِ کٛ مَلَاعِکَاجٛ جٛومِرَاوٛ اٛنْ وِعِمٛ، اٛ تٜعِ مَرْيَامَ؞ 25اَمَّا اٛ اَنْدَامٛ نَاکِ غَطَ اٛ دَݧِ ٻِطّٛ مَاکٛ؞ ندٜنْ يُسُفُ نٛدِّ ٻِطّٛ اٛنْ يٜىٰسُ؞

தற்சமயம் தேர்ந்தெடுக்கப்பட்டது:

مَاتِيُ 1: fuv

சிறப்புக்கூறு

பகிர்

நகல்

உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்

اَلْکَوَلْ کٜسَلْ ندٜرْ فُلْفُلْدٜ شَکَ نَاجٜىٰرِيَ பற்றி மேலும் அறிக