Tin Deic Douh 10
10
Noyaa Nyei Dorn Nyei Hoz Doic Zeiv-Fun
(Beiv mangc 1 Zunh Doic Douh 1:5-23)
1Yiem naaiv mingh gorngv Noyaa nyei dorn, Sem, Haam caux Yaafetv nyei zeiv-fun. Se mbiungc-suiv-imx yiemx liuz lungh ndiev, nqa'haav ninh mbuo buo dauh duqv nyei dorn.
Yaafetv Nyei Zeiv-Fun
2Yaafetv nyei dorn se Go^me, Maagokc, Maa^ndai, Yaawaan, Tu^mban, Mesekv, caux Tilaatv.
3Go^me nyei dorn se Atc^ke^natv, Lifaatv, caux To^gaan^maa.
4Yaawaan nyei dorn se E^li^se^aa, Taansitv, Kitv^tim caux Lo^ndaa^nim.#10:4 Fai Ndo^ndaa^nim. 5(Se naaiv deix mienh nyei hoz doic nzaanx mingh yiem koiv-hlen, gorqv-mienh ziux ninh mbuo nyei guoqv, ziux ninh mbuo nyei fingx, ziux ninh mbuo nyei bungh buonc, ziux ninh mbuo nyei waac.)
Haam Mienh
6Haam nyei dorn se Kutv, I^yipv,#10:6 Fai Mitv^laa^im. Putv caux Kaa^naa^an.
7Kutv nyei dorn se Se^mbaa, Haa^wi^laa, Sapc^taa, Laa^aa^maa caux Sapc^te^kaa.
Laa^aa^maa nyei dorn se Qe^mbaa caux Nde^ndaan.
8Kutv maaih dauh dorn, mbuox heuc Nimlotv, se yiem lungh ndiev benx dauh daamv hlo, maaih banh zeic nyei mienh. 9Ziux Ziouv mangc, Nimlotv zoux dauh buonv orv henv haic nyei mienh. Weic naaiv maaih waac gorngv, “Hnangv Nimlotv, ziux Ziouv mangc, ninh benx dauh buonv orv henv haic nyei mienh.” 10Nimlotv nyei guoqv daauh dangh maaih Mbaa^mben,#10:10 Fai Mbaa^mbi^lon. Elekv caux Akc^katv.#10:10 Maaih deix sou tipv Kaanne. Naaiv deix yietc zungv yiem Sinaa Deic-Bung.#10:10 Fai Mbaa^mbi^lon Deic-Bung. 11Ninh yiem naaiv cuotv mingh taux Atc^si^lie Deic-Bung ceix jiez Ni^naa^we, Le^hox^mbotc^i, Kaalaa 12caux Lesenx wuov deix biei norm zingh. Lesenx Zingh yiem Ni^naa^we caux Kaalaa Zingh mbu'ndongx. Kaalaa zoux domh zingh.
13I^yipv#10:13 Fai Mitv^laa^im. nyei dorn se Lu^ndim, Aa^naa^mim, Le^haa^mbim, Napv^tu^him, 14Batc^lu^simx, Katv^lu^him, (dongh zoux Fi^li^saa^die Mienh nyei ong-taaix-ngaeqv wuov dauh), caux Kapv^to^lim Mienh.
15Kaa^naa^an maaih i dauh dorn. Dorn-hlo heuc Sai^ndorn. Dorn-faix heuc Hetv.#10:15 Hetv se Hitv^tai Mienh nyei ong-taaix-ngaeqv. 16Kaa^naa^an yaac zoux camv-fingx mienh nyei ong-taaix-ngaeqv. Maaih Ye^mbutc Mienh, Aa^mo^lai Mienh, Ge^gaa^si Mienh, 17Hiwai Mienh, Aankaa Mienh, Sini Mienh, 18Aanwatv Mienh, Seme Mienh caux Haamatv Mienh.
Nqa'haav Kaa^naa^an nyei camv-fingx mienh nzaanx mingh yiem. 19Ninh mbuo nyei gapv-jaaix yiem Sai^ndorn yangh naamh bung taux Ge^laa^aa, nitv Gaasaa wuov. Aengx mingh dong bung maengx taux So^ndom, Go^mo^laa, Atc^maa caux Se^mbo^yim taux Laasaa wuov. 20Naaiv deix yietc zungv se Haam nyei zeiv-fun, ziux ninh mbuo nyei bungh buonc, ziux ninh mbuo nyei waac, ziux ninh mbuo nyei deic caux ninh mbuo nyei guoqv.
Sem Mienh
21Sem se Yaafetv nyei domh gorx, yaac maaih dorn-jueiv camv nyei. Ninh zoux E^mbe nyei zeiv-fun nyei ong-taaix-ngaeqv.
22Sem nyei dorn se Elaam, Atc^su, Aan^faa^satv,#10:22,24 Fai Aan^bakc^saatv. Lu^nde caux Aalam.
23Aalam nyei dorn se Utc, Hun, Ge^te caux Matv.#10:23 Fai Mesekv.
24Aan^faa^satv zoux Qelaa nyei die. Qelaa yaac zoux E^mbe nyei die.
25E^mbe maaih i dauh dorn. Maaih dauh, mbuox heuc Belekv,#10:25 Belekv wuov norm mbuox nyei eix leiz se bun nqoi. weic zuqc yiem ninh nyei seix zeiv mienh bun nqoi ndau-beih yiem. Ninh nyei youz heuc Yokv^taan.
26Yokv^taan nyei dorn se An^mo^ndatc, Qelepv, Haa^saan^maa^wetv, Yelaa, 27Haa^ndo^lam, Usaan, Ndikc^laa, 28O^mbaan, Aa^mbi^maa^en, Qe^mbaa, 29Ofi, Haa^wi^laa caux Yo^mbapc. Naaiv deix yietc zungv zoux Yokv^taan nyei dorn.
30Ninh mbuo yiem nyei deic-bung se yiem Mesaa mingh Sefaa wuov bung, dong bung maengx mbong-aiv dorngx.
31Naaiv deix yietc zungv se Sem nyei zeiv-fun, ziux ninh mbuo nyei bungh buonc, ziux ninh mbuo nyei waac, ziux ninh mbuo nyei deic, caux ninh mbuo nyei guoqv.
32Naaiv deix mienh yiem Noyaa bun njiec nyei zeiv-fun ziux ninh mbuo nyei douh zong, yiem ninh mbuo nyei guoqv. Yiem mbiungc-suiv-imx yiemx liuz lungh ndiev, nqa'haav naaiv deix mienh yietc zungv nzaanx mingh yiem gormx lungh ndiev.
தற்சமயம் தேர்ந்தெடுக்கப்பட்டது:
Tin Deic Douh 10: IuMiNR
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
ฉบับอักษรโรมันใหม่ © Thailand Bible Society, 2007.