Psalmyn 5
5
PSAL. 5.
Verba mea auribus.
1Cur geill da my ghoan, O Hiarn:
gow tastey jeh smooinaghtyn dowin my chree.
2O eaisht rish coraa my eam, my Ree, as my Yee:
son hoods nee’m my phadjer.
3My choraa clynnee uss dy-leah, O Hiarn:
dy-moghey nee’ms my phadjer y hebbal hoods, as jeeaghyn seose.
4Son she uss y Jee nagh vel veg y taitnys ayd ayns mee-chraueeaght:
cha-moo nee olk erbee vaghey mârt.
5Cha jean nyn lheid as ta ommijagh shassoo ayns dty enish:
son ta dwoaie ayd orroosyn ooilley ta jannoo mee-chairys.
6Nee uss adsyn y stroie ta loayrt breagyn:
ver y Chiarn feoh chammah da’n dooinney foalley as da’n er molteyragh.
7Agh er my hon’s, hig-ym gys dty hie, er eer ymmodee dty vyghin:
as ayns dty aggle ver-yms ooashley kiongoyrt rish dty hiamble casherick.
8Leeid mee, O Hiarn, ayns dty chairys, kyndagh rish my noidyn:
jean dty raad rea roish m’eddin.
9Son cha vel veg y firrinys ayns e veeal:
ta ny ayrnyn cheu-sthie oc eer olkys.
10Ta’n scoarnagh oc oaie foshlit:
t’ad brynnyraght lesh nyn jengey.
11Stroie uss adsyn O Yee; lhig daue cherraghtyn liorish nyn goyrlyn hene:
tilg ad magh ayns ymmodee nyn mee-chraueeaght; son t’ad er n’irree-magh dt’oï.
12As lhig dauesyn ooilley ta coyrt nyn dreishteil ayn-yds, boggey ’ghoaill:
bee adsyn dy-kinjagh coyrt booise, son dy vel oo fendeil ad; adsyn ta graihagh er dt’Ennym, vees laane dy voggey ayn-yds.
13Son ver uss, Hiarn, dty vannaght da’n fer-cairal:
as lesh dty chenjallys foayroil nee oo eshyn y endeil myr lesh eïlley-caggee.
தற்சமயம் தேர்ந்தெடுக்கப்பட்டது:
Psalmyn 5: PS1765
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
maintained by the British and Foreign Bible Society