لَاتَانٛوجِ 5
5
1ندَا دٜڢْتٜرٜ دَࢩْغٛلْ ءَادَمُ: سَاعِ اَللَّه تَغِ نٜطّٛ دٛوْ جَاتِ مُوطُمْ،#لَاتَانٛوجِ 1:27-28؞ عٛتَغِمٛ دٛوْ نَنْدَلْ مَاکٛ؞ 2عٛتَغِ غٛرْکٛ عٜ دٜبّٛ،#مَتَّ 19:4؛ مَرْکُسْ 10:6؞ عٛبَرْکِطِنِ ࢡٜ؞ ࢩَلَادٜ ندٜ ࢡٜتَغَ، عٛحٛکِّ ࢡٜ عِنْدٜ: نٜطّٛ؞ 3ندٜ ءَادَمُ وَطِ دُوࢡِ تٜىٰمٜرّٜ عٜ شَݠَّنْطٜ تَتِ (130)، عٛدَࢩِ ࢡِطّٛ غٛرْکٛ نَنْدُطٛ بٜى مَاکٛ، ڢٛدّٜ جَاتِ مَاکٛ، عٛعِنْدِمٛ سٜتُ؞ 4دُوࢡِ ءَادَمُ ࢡَاوٛ عٛدَࢩِ سٜتُ، تٜىٰمٜطّٜ جٛوٜىٰتَتِ (800)؞ عٛدَࢩِ ࢡِࢡّٜ وٛرْࢡٜ عٜ رٜوْࢡٜ؞ 5دُوࢡِ ءَادَمُ نغَطِ ڢُو تٜىٰمٜطّٜ جٛوٜىٰنَيِ عٜ شَݠَّنْطٜ تَتِ (930)، ندٜنْ عٛمَايِ؞
6ندٜ سٜتُ وَطِ دُوࢡِ تٜىٰمٜرّٜ عٜ جٛوِ (105)، عٛدَࢩِ عٜنٛسْ؞ 7دُوࢡِ سٜتُ ࢡَاوٛ عٛدَࢩِ عٜنٛسْ، تٜىٰمٜطّٜ جٛوٜىٰتَتِ عٜ جٛوٜىٰطِطِ (807)؞ عٛدَࢩِ ࢡِࢡّٜ وٛرْࢡٜ عٜ رٜوْࢡٜ؞ 8دُوࢡِ سٜتُ نغَطِ ڢُو، تٜىٰمٜطّٜ جٛوٜىٰنَيِ عٜ سَݠّٛ عٜ طِطِ (912)، ندٜنْ عٛمَايِ؞
9ندٜ عٜنٛسْ وَطِ دُوࢡِ شَݠَّنْطٜ جٛوٜىٰنَيِ (90)، عٛدَࢩِ کَيْنَمْ؞ 10دُوࢡِ عٜنٛسْ ࢡَاوٛ عٛدَࢩِ کَيْنَمْ، تٜىٰمٜطّٜ جٛوٜىٰتَتِ عٜ سَݠّٛ عٜ جٛوِ (815)؞ عٛدَࢩِ ࢡِࢡّٜ وٛرْࢡٜ عٜ رٜوْࢡٜ؞ 11دُوࢡِ عٜنٛسْ نغَطِ ڢُو، تٜىٰمٜطّٜ جٛوٜىٰنَيِ عٜ جٛوِ (905)، ندٜنْ عٛمَايِ؞
12ندٜ کَيْنَمْ وَطِ دُوࢡِ شَݠَّنْطٜ جٛوٜىٰطِطِ (70)، عٛدَࢩِ مَحَلَلٜىٰلْ؞ 13دُوࢡِ کَيْنَمْ ࢡَاوٛ عٛدَࢩِ مَحَلَلٜىٰلْ، تٜىٰمٜطّٜ جٛوٜىٰتَتِ عٜ شَݠَّنْطٜ نَيِ (840)؞ عٛدَࢩِ ࢡِࢡّٜ وٛرْࢡٜ عٜ رٜوْࢡٜ؞ 14دُوࢡِ کَيْنَمْ نغَطِ ڢُو، تٜىٰمٜطّٜ جٛوٜىٰنَيِ عٜ سَݠّٛ (910)، ندٜنْ عٛمَايِ؞
15ندٜ مَحَلَلٜىٰلْ وَطِ دُوࢡِ شَݠَّنْطٜ جٛوٜىٰغٛ عٜ جٛوِ (65)، عٛدَࢩِ يَرَتْ؞ 16دُوࢡِ مَحَلَلٜىٰلْ ࢡَاوٛ عٛدَࢩِ يَرَتْ، تٜىٰمٜطّٜ جٛوٜىٰتَتِ عٜ شَݠَّنْطٜ تَتِ (830)؞ عٛدَࢩِ ࢡِࢡّٜ وٛرْࢡٜ عٜ رٜوْࢡٜ؞ 17دُوࢡِ مَحَلَلٜىٰلْ نغَطِ ڢُو، تٜىٰمٜطّٜ جٛوٜىٰتَتِ عٜ شَݠَّنْطٜ جٛوٜىٰنَيِ عٜ جٛوِ (895)، ندٜنْ عٛمَايِ؞
18ندٜ يَرَتْ وَطِ دُوࢡِ تٜىٰمٜرّٜ عٜ شَݠَّنْطٜ جٛوٜىٰغٛ عٜ طِطِ (162)، عٛدَࢩِ عَنُحُ؞ 19دُوࢡِ يَرَتْ ࢡَاوٛ عٛدَࢩِ عَنُحُ، تٜىٰمٜطّٜ جٛوٜىٰتَتِ (800)؞ عٛدَࢩِ ࢡِࢡّٜ وٛرْࢡٜ عٜ رٜوْࢡٜ؞ 20دُوࢡِ يَرَتْ نغَطِ ڢُو، تٜىٰمٜطّٜ جٛوٜىٰنَيِ عٜ شَݠَّنْطٜ جٛوٜىٰغٛ عٜ طِطِ (962)، ندٜنْ عٛمَايِ؞
21ندٜ عَنُحُ وَطِ دُوࢡِ شَݠَّنْطٜ جٛوٜىٰغٛ عٜ جٛوِ (65)، عٛدَࢩِ مَتُسَلَ؞ 22عَنُحُ يَحْدِ بٜى اَللَّه دُوࢡِ تٜىٰمٜطّٜ تَتِ (300)، ࢡَاوٛ عٛدَࢩِ مَتُسَلَ؞ عٛدَࢩِ ࢡِࢡّٜ وٛرْࢡٜ عٜ رٜوْࢡٜ؞ 23دُوࢡِ عَنُحُ نغَطِ ڢُو، تٜىٰمٜطّٜ تَتِ عٜ شَݠَّنْطٜ جٛوٜىٰغٛ عٜ جٛوِ (365)؞ 24عَنُحُ تٛکِّ لَاوٛلْ اَللَّه، عٛمَجِّتِ، نغَمْ اَللَّه عٜىٰنغِنِمٛ#عِبْرَنِنغْکٜعٜنْ 11:5؛ يَحُودَ 14؞؞
25ندٜ مَتُسَلَ وَطِ دُوࢡِ تٜىٰمٜرّٜ عٜ شَݠَّنْطٜ جٛوٜىٰتَتِ عٜ جٛوٜىٰطِطِ (187)، عٛدَࢩِ لَمٜکْ؞ 26دُوࢡِ مَتُسَلَ ࢡَاوٛ عٛدَࢩِ لَمٜکْ، تٜىٰمٜطّٜ جٛوٜىٰطِطِ عٜ شَݠَّنْطٜ جٛوٜىٰتَتِ عٜ طِطِ (782)؞ عٛدَࢩِ ࢡِࢡّٜ وٛرْࢡٜ عٜ رٜوْࢡٜ؞ 27دُوࢡِ مَتُسَلَ نغَطِ ڢُو، تٜىٰمٜطّٜ جٛوٜىٰنَيِ عٜ شَݠَّنْطٜ جٛوٜىٰغٛ عٜ جٛوٜىٰنَيِ (969)، ندٜنْ عٛمَايِ؞
28ندٜ لَمٜکْ وَطِ دُوࢡِ تٜىٰمٜرّٜ عٜ شَݠَّنْطٜ جٛوٜىٰتَتِ عٜ طِطِ (182)، عٛدَࢩِ ࢡِطّٛ غٛرْکٛ؞ 29عٛعِنْدِمٛ نُوحُ، عٛوِعِ: «کَنغْکٛ دٜعِّتِنْتَ عٜنْ دٛوْ کُوغَلْ مٜىٰطٜنْ عٜ تٛرَّ جُوطٜ مٜىٰطٜنْ نغَمْ لٜسْدِ ندِ جَوْمِرَاوٛ نَالِ طُمْ؞» 30دُوࢡِ لَمٜکْ ࢡَاوٛ عٛدَࢩِ نُوحُ، تٜىٰمٜطّٜ جٛوِ عٜ شَݠَّنْطٜ جٛوٜىٰنَيِ عٜ جٛوِ (595)؞ عٛدَࢩِ ࢡِࢡّٜ وٛرْࢡٜ عٜ رٜوْࢡٜ؞ 31دُوࢡِ لَمٜکْ نغَطِ ڢُو، تٜىٰمٜطّٜ جٛوٜىٰطِطِ عٜ شَݠَّنْطٜ جٛوٜىٰطِطِ عٜ جٛوٜىٰطِطِ (777)، ندٜنْ عٛمَايِ؞
32ندٜ نُوحُ وَطِ دُوࢡِ تٜىٰمٜطّٜ جٛوِ (500)، عٛدَࢩِ سٜمْ عٜ حَامُ عٜ يَڢٜتْ؞
தற்சமயம் தேர்ந்தெடுக்கப்பட்டது:
لَاتَانٛوجِ 5: داَ
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
Fulfulde Bible Ajamiya © Bible Society of Cameroon, 2016.