لَاتَانٛوجِ 3
3
ءَادَمُ عٜ حَوَّ مبَطِ حَکّٜ
1دَبَّاجِ لَدّٜ طِ جَوْمِرَاوٛ اَللَّه تَغِ ڢُو، مبٛودِ ࢡُرِ طِ ࢨٛيْرٜ؞ ندِ ࢨَمِ دٜبّٛ: «غٛونغَ اَللَّه وِعِ تَا عٛنْ ࢩَامَ ࢡِࢡّٜ لٜطّٜ جَرْنٜ ڢُو نَ#وَحَيُ يُحَنَّ 12:9؛ 20:2؞؟» 2دٜبّٛ جَابِ مبٛودِ: «مِنْ مبَاوَنْ ࢩَامُغٛ ࢡِࢡّٜ لٜطّٜ جَرْنٜ؞ 3عَمَّا کٛ لَارَنِ ࢡِࢡّٜ لٜکِّ غٛنْکِ شَکَ جَرْنٜ کَمْ، اَللَّه وِعِ: تَا ࢩَامٜ طٜ، تَا مٜىٰمٜ طٜ بٛو، نغَمْ تَا مَايٛنْ#مَتَّ 4:1-11؞!» 4مبٛودِ وِعِ دٜبّٛ: «وٛودَا! عٛنْ مَايَتَا! 5عَمَّا اَللَّه عَنْدِ، ࢩَلَادٜ ندٜ عٛنْ ࢩَامِ طٜ، غِتٜ مٛوطٛنْ مَࢡِّتِتّٛ، عٛنْ لَاتٛتٛ بَنَ اَللَّه، عٛنْ عَنْدَنْ کٛ وٛنِ بٛوطُّمْ عٜ کَلُّطُمْ؞» 6دٜبّٛ يِعِ ࢡِࢡّٜ لٜکِّ مَنْ وٜلَنِ ࢩَامُغٛ، طٜ ݠٛتَّنِ غِتٜ، طٜ مبٛوطِ مَسِنْ حَا حٛکُّغٛ حَکِّيلٛ؞ عٛحٛوعِ حَا ࢡِࢡّٜ مَاکِ، عٛࢩَامِ، ندٜنْ عٛحٛکِّ غٛرِيکٛ مٛ طٛنّٛ کٛمْبِ مَاکٛ، غٛرْکٛ بٛو ࢩَامِ؞ 7لَوْ غِتٜ مَࢡّٜ مَࢡِّتِ، ࢡٜعَنْدِتِ ࢡٜ تٜمْبُࢡٜ؞ نغَمْ مَاجُمْ ࢡٜمبَمِ حَاکٛوجِ عِبِّ، ࢡٜمبَطِ طُمْ بَنَ غُدٜ؞
8ندٜ حِيرِ، ࢡٜنَنِ سٛࢩٛ، اَللَّه جَوْمِرَاوٛ طٛنْ وَانْشَ ندٜرْ جَرْنٜ؞ غٛرْکٛ عٜ دٜبّٛ مُوطُمْ ࢩُکِّ يٜىٰسٛ اَللَّه جَوْمِرَاوٛ شَکَ لٜطّٜ جَرْنٜ؞ 9جَوْمِرَاوٛ اَللَّه عٜوْنِ نٜطّٛ، ࢨَمِمٛ: «تٛيْ نغٛنْطَا؟» 10نٜطّٛ جَابِ: «مِنَنِ سٛࢩٛ مَاطَ ندٜرْ جَرْنٜ؞ مِحُلْتٛرِ، نغَمْ مِتٜمْبٛ؞ نغَمْ مَاجُمْ ࢩُکِّيمِ؞» 11اَللَّه جَوْمِرَاوٛ ࢨَمِ: «مٛيْ عَنْدِنْ مَ عَتٜمْبٛ؟ مَلَّ عَࢩَامِ ࢡِࢡّٜ لٜکِّ کِ کَطْنٛمَامِ ࢩَامُغٛ غٛ؟» 12نٜطّٛ جَابِ: «دٜبّٛ غٛنْدُطٛ بٜى عَمْ، مٛ ندٛکُّطَامِ، حٛکِّ يَمْ ࢡِࢡّٜ لٜکِّ، مِࢩَامِ؞» 13اَللَّه جَوْمِرَاوٛ وِعِ دٜبّٛ: «نغَمْ طُمٜ مبَطَّا طُمْ؟» دٜبّٛ جَابِ: «مبٛودِ عٜسْتِ يَمْ، مِࢩَامِ#2 کٛرِنْتُعٜنْ 11:3؛ 1 تِمٛتٜ 2:14؞؞» 14ندٜنْ اَللَّه جَوْمِرَاوٛ وِعِ مبٛودِ: «ندٜ عَوَطِ طُمْ، عَ نَالَاطٛ شَکَ دَبَّاجِ عٜ کُوجٜ لَدّٜ ڢُو؞ عَدَسٛتٛ دٛوْ رٜىٰدُ مَاطَ، عَࢩَامَنْ مبُلْوُلْدِ بَلْطٜ نغٜىٰندَمْ مَاطَ ڢُو؞ 15مِوَطَنْ کٛنَّاغُ حَکُّندٜ مَاطَ عٜ دٜبّٛ، حَکُّندٜ دَࢩْغٛلْ مَاطَ عٜ دَࢩْغٛلْ مَاکٛ؞ غٛطّٛ دَࢩْغٛلْ مَاکٛ نَمٜتٜ حٛورٜ، عَنْ بٛو عَنغَتَنْ مٛ تٜݠّٜرٜ#وَحَيُ يُحَنَّ 12:17؞؞» 16ندٜنْ عٛوِعِ دٜبّٛ: «مِطُطِّنَنْ لُووٜ دَࢩْکِ مَاطَ؞ عَدَࢩَنْ بٜى بٛنٜ؞ عَيٜنْوَنْ غٛنْدَلْ بٜى غٛرْکٛ مَاطَ، عَمَّا عٛلَامٛتٛ دٛوْ مَاطَ؞» 17ندٜنْ عٛوِعِ نٜطّٛ: «عَجَࢡَنِ دٜبّٛ مَاطَ، عَࢩَامِ ࢡِࢡّٜ لٜکِّ کِ کَطْنٛمَامِ ࢩَامُغٛ؞ نغَمْ دَلِيلَ مَاطَ مِنَالِ لٜسْدِ؞ بٜى بٛنٜ کٜࢡَتَ کٛ ࢩَامَ حَا مَارِ بَلْطٜ مَاطَ ڢُو؞ 18ندِ ڢُطْنَنْتٜ غِعٜ عٜ غِنغِلّٜ، عَࢩَامَنْ حَاکٛوجِ غٜسٜ#عِبْرَنِنغْکٜعٜنْ 6:8؞؞ 19بٜى وُلْوٜىٰندٜ يٜىٰسٛ مَاطَ ࢩَامْرَتَ ࢩَامْدُ مَ، حَا تٛ عَلٛرْتَکٜ حَا مبُلْوُلْدِ، نغَمْ حَا مَارِ عَحٛوعَ؞ عَنْ عَ مبُلْوُلْدِ، حَا مبُلْوُلْدِ بٛو لٛرٛتٛطَ!»
20نٜطّٛ عِنْدِ دٜبّٛ مُوطُمْ حَوَّ،#3:20 حَوَّ بٜى عِبْرَنِنغْکٜىٰرٜ يِطِ وِعْغٛ نغٜىٰندَمْ؞ بَنَ وِعْغٛ «غٜىٰتٛ»، نغَمْ کَنغْکٛ وٛنِ دَادَ يٜىٰطْࢡٜ ڢُو؞ 21جَوْمِرَاوٛ اَللَّه وَطَنِ ءَادَمُ عٜ دٜبّٛ مَاکٛ کٛلْتٜ لَرٜ، عٛࢡٛرْنِ ࢡٜ؞ 22عٛوِعِ: «ندَا، ندٜ نٜطّٛ لَاتَکٜ بَنَ غٛوتٛ مٜىٰطٜنْ، عٛعَنْدِ کٛ وٛنِ بٛوطُّمْ عٜ کَلُّطُمْ؞ جٛنْتَ کَمْ تَا عٛڢٛرْتَ جُنغٛ مَاکٛ، عٛحٛوعَ بٛو ࢡِࢡّٜ لٜکِّ نغٜىٰندَمْ؞ تٛ عٛࢩَامِ، عٛيٜىٰطَنْ حَا ڢٛرٛيْ#وَحَيُ يُحَنَّ 22:14؞؞» 23ندٜنْ جَوْمِرَاوٛ اَللَّه وُرْتِنِمٛ جَرْنٜ عَدْنِنْ، نغَمْ عٛرٜمٛيَ لٜسْدِ ندِ عٛحٛوعَنٛ عٜ مُوطُمْ؞ 24ࢡَاوٛ ندٜ عٛرِيوِمٛ، عٛدَرْنِ کٜرُبَعٜنْ#3:24کٜرُبَعٜنْ نغٛنِ عَيْنٛوࢡٜ لٜىٰسٛ لَامُ اَللَّه؞ حَا ڢُونَانغٜ جَرْنٜ عَدْنِنْ بٜى کَاڢَحِ طٜلْکَنْکِ بَنَ طٜمْنغَلْ يِيتٜ، کِ طٛنْ يِرْلَ ندٜرْ بَکٜىٰجٜ ڢُو، نغَمْ عَيْنُغٛ لَاوٛلْ جَحْرَنْنغٛلْ حَا لٜکِّ نغٜىٰندَمْ؞
தற்சமயம் தேர்ந்தெடுக்கப்பட்டது:
لَاتَانٛوجِ 3: داَ
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
Fulfulde Bible Ajamiya © Bible Society of Cameroon, 2016.