Chivkeeb 5
5
Adas Cajces
(1 Xwmtxheej Vajntxwv 1:1-4)
1No yog tej npe uas hais txog Adas li cajces. (Thaum Vajtswv tsim tibneeg, Nws tsim lawv zooli Nws tus yamntxwv ntag. #Chiv 1:27-28 2Vajtswv tsim tus txivneej thiab tus pojniam, Nws foom koobhmoov rau nkawd, thiab tis npe rau nkawd hu ua “Noobneej.”) #Math 9:4; Malak 10:6; 5:1-2 3Thaum Adas muaj 130 xyoo, nws muaj ib tug tub zooli nws, thiab nws muab tis npe hu ua Xej. 4Dhau ntawd, Adas tseem ua neej nyob tau 800 xyoo ntxiv, nws tseem muaj tub muaj ntxhais coob leej ntxiv thiab 5nws tuag thaum nws muaj hnubnyoog 930 xyoo.
6Thaum Xej hnubnyoog muaj 105 xyoos, nws muaj ib tug tub hu ua Enauj. 7Dhau ntawd, nws tseem ua neej nyob tau 807 xyoo ntxiv, thiab nws tseem muaj tub muaj ntxhais coob leej ntxiv; 8nws tuag thaum nws muaj hnubnyoog 912 xyoos.
9Thaum Enauj hnubnyoog muaj 90 xyoo, nws muaj ib tug tub hu ua Kenas. 10Dhau ntawd, nws tseem ua neej nyob tau 815 xyoo ntxiv, thiab nws tseem muaj tub muaj ntxhais coob leej ntxiv; 11nws tuag thaum nws muaj hnubnyoog 905 xyoos.
12Thaum Kenas hnubnyoog muaj 70 xyoo, nws muaj ib tug tub hu ua Mahalalees. 13Dhau ntawd, nws tseem ua neej nyob tau 840 xyoo ntxiv, thiab nws tseem muaj tub muaj ntxhais coob leej ntxiv; 14nws tuag thaum nws muaj hnubnyoog 910 xyoo.
15Thaum Mahalalees hnubnyoog muaj 65 xyoos, nws muaj ib tug tub hu ua Yalej. 16Dhau ntawd, nws tseem ua neej nyob tau 830 xyoo ntxiv, thiab nws tseem muaj tub muaj ntxhais coob leej ntxiv; 17nws tuag thaum nws muaj hnubnyoog 895 xyoos.
18Thaum Yalej hnubnyoog muaj 162 xyoos, nws muaj ib tug tub hu ua Enauj. 19Dhau ntawd, nws tseem ua neej nyob tau 800 xyoo ntxiv, thiab nws tseem muaj tub muaj ntxhais coob leej ntxiv; 20nws tuag thaum nws muaj hnubnyoog 962 xyoos.
21Thaum Enauj hnubnyoog muaj 65 xyoos, nws muaj ib tug tub hu ua Methuxelas. 22Dhau ntawd, Enauj tseem ua neej nyob muaj kev sib raugzoo nrog Vajtswv tau 300 xyoo ntxiv, thiab nws tseem muaj tub muaj ntxhais coob leej ntxiv. 23Nws ua neej nyob tau 365 xyoos. 24Enauj ua nws lub neej nrog Vajtswv sib raugzoo heev, ces nws txawm ciali ploj lawm, rauqhov Vajtswv coj nws mus lawm. #Henpl 11:5; Yudas 14
25Thaum Methuxelas hnubnyoog muaj 187 xyoo, nws muaj ib tug tub hu ua Lamej. 26Dhau ntawd, nws tseem ua neej nyob tau 782 xyoos ntxiv, thiab nws tseem muaj tub muaj ntxhais coob leej ntxiv; 27nws tuag thaum nws muaj hnubnyoog 969 xyoos.
28Thaum Lamej hnubnyoog muaj 182 xyoos, nws muaj ib tug tub. 29Nws muab tis npe hu ua Nau-as.#5:29: Nau-as: Lub npe no hais muaj ntsis thooj li lolus Henplais uas hais tias “tso kom dim,” Lamej hais tias, “Tus menyuam no yuav pab peb txo lub nra hnyav ntawm thaj av uas raug tus TSWV foom phem lawm kom sib.” 30Dhau ntawd, Lamej tseem ua neej nyob tau 595 xyoos ntxiv, thiab nws tseem muaj tub muaj ntxhais coob leej ntxiv; 31nws tuag thaum nws muaj hnubnyoog 777 xyoo.
32Tomqab Nau-as muaj hnubnyoog 500 xyoo lawm, nws muaj peb tug tub, uas yog Sees, Has, thiab Yafej.
தற்சமயம் தேர்ந்தெடுக்கப்பட்டது:
Chivkeeb 5: MWW2022
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
© 2022 United Bible Societies. All rights reserved.