Ann Bokwakwarin 39:7-9

Ato wera men weromin gibunai, on an bada awan jever ibosuruf Joseph igogoi ai ato iyawur rus siten mes. Baise Joseph men igogoi ato an bada awan jever iyawur iyau, “Etei. Om unsagob on yau au bada orot itutumeu go amonai sawar engon tutufin yau au baibad babanai iyein akakaifaren, on mes goa amon an bobo on men tani ebinonotai on, yabin yau on nin. Yau au baibad atonio goa amonai on, on rui fofon, mat on men aifan sofafar tani auriu iyein on. Ab bobo kaitamom wat men ibiteu on om, yabin om on au bada orot awan. Yau men fofonin on bobo komasin nanaba aniyamai ato God matanai arimon anbokomas.