SAN JUAN 4இலிருந்து பிரபலமான வேதாகம வசனங்கள்

பகிர்

Dios ca' ñinïcx mɨɨdɨty, jadu'n je' nej poj ca' yaj'ixy. Je jäy ajcxy pɨnjaty ojadajtp Dios, copɨcy co huen ojadajtcɨxy mɨɨd tudägyjot tudägyhuinma'ñ, etz mɨɨd Dios ytɨy'ajt.

Ypadamy je xɨɨ je tiempo, e jada jëdu'n je tiempo co je huɨdibɨ ajcxy tɨydudägy Dios ojadajtp, y'ojadadɨpy ajcxy Dios mɨɨd oyjot oyhuinma'ñ etz mɨɨd Dios ytɨy'ajt. Com yɨ Dios Teedy y'ixtaayb yɨ jadu'mbɨ jäy huɨdibɨ ojadadɨɨb mɨɨd oyjot oyhuinma'ñ.

Yɨ jäy ajcxy pɨnjaty nɨɨ'uucp huɨdibɨ nmooybɨch, ca' ni mɨna ytɨdzɨ̈huɨɨyb, com hue' yɨ nɨɨ huɨdibɨ nyejcypɨch, ahuimbidɨpy ma je jäy jadu'n nej tüg nɨɨgop huɨdibɨ yegam jugy'ajtɨn huɨdibɨ ni ca' ycɨxy ytɨgoy.

Huin'it Jesús y'adzooy: ―Co ixyipy m'ocnejhuɨ̈y je oybɨ huɨdibɨ Dios yejcyp mɨɨd miich ycɨxpɨ, e m'ocnejhuɨ̈y ixyipy nañ jadu'n pɨn xypɨjctzoohuɨpy yɨ nɨɨ, janch co miich ixyipy xyñɨmäyɨch: “Ɨɨch yajnɨɨ'uucc”. E ɨɨch miich ixyipy nmooyb nɨɨ huɨdibɨ jugy'ajt yegɨpy huinɨxɨɨ.

Chi Jesús ymɨnañ: ―Jotcujc nayjɨhuɨ̈yiijɨch co tɨ nguydunɨch Dios chojcɨn. Com yɨ' tɨ xyquexyɨch ya naaxhuiñ, e nguydúunɨbɨch yɨ' y'ané'mɨn.

Chi je töxyjäy y'adzooy nɨmay Jesús: ―Huindzɨn, miich ca' mmɨɨdɨty ti mɨɨd myajpɨdzɨmɨpy yɨ nɨɨ, e yɨ nɨɨjut cɨɨcy yɨ' ooy. ¿Ma tijy m'ocpada'ñ yɨ nɨɨ huɨdibɨ yajjugy'ajtp?

Chi je töxyjäy ymɨnañ: ―Ɨɨch nejhuɨɨyb co je Mesías ymina'ñ huɨdibɨ naydijaanɨp Cristo, co je' yminɨpy, huin'it xyajni'ixɨ̈huaanɨm tüg'ócɨy tɨy'ajt. Chi Jesús y'adzooy: ―Ɨɨch jëdu'n je Cristo huɨdibɨ miich mɨɨdmɨydacyp.

―Mingɨx, jam tüg yëydɨjc ijxɨm. Tɨ ɨɨch yɨ' xyajnɨmaydäyɨch tüg'ócɨy tijaty tɨ nduñɨch. ¿Nej ca' jada' yɨ' jëjɨty je Cristo?