SAN MATEO 8இலிருந்து பிரபலமான வேதாகம வசனங்கள்

பகிர்

Ijcuacón nimantzin in Jesús ixpetanic huan quinilij ijcuín: ―¿Queyé semi nanmomoutíaj? Namejuan amo yec majsitoc de namotacuautamatilis. Huan ijcón in Jesús moquetzac huan quitacahualtij ne tetzaucaejecat huan in hueyíat. Huan in hueyíat mocahuac ijcón amanis.

Ijcuacón in tayecanque soldado romano tananquilij ijcuín: ―Totecotzin, nejua amo nechnamiqui ma ticalaqui tech nochantzin. Ta, sayó xihualtanahuati campa tionyetoc, huan ijcón notaquehual pajtis.

Huan cuac Jesús quicayic nijín tajtolis, ijcuacón Yejuatzin quimoucacayic huan quinilij in tagayot ten cualtoctiliayaj: ―De melau ten namechilía que intzalan nochi ne pueblojuani de Israel amo aquen nicajsic ten quipía in yec tacuautamatilis queme nijín tayecanque soldado romano.

Huan Jesús quilij ne tayecanque de soldados ijcuín: ―Xiyó ya mochan huan ijcón mochihuas queme tejua titacuautamatic que pajtis motaquehual. Huan ijcón nitaquehual pajtic ya tech ne momento.

Ijcuacón in imomachtijcahuan semi quimoucaitacque huan moyolnojnotzayaj se huan ocsé ijcuín: ―¿Toni taman nijín tagat? Porín in ejecat huan in hueyíat no quitacamatij.