Luke 22இலிருந்து பிரபலமான வேதாகம வசனங்கள்

பகிர்

“I Tamaqu, kevaka sa lomamuni, ni kauta tani vei au na bilo ni veivakararawataki oqo; ia me kakua ni yaco na lomaqu, me yaco ga na lomamuni.”

Ia au sa masulaki iko oti, Saimoni, me kakua ni malumalumu na nomu vakabauta; kei na gauna o saumaki lesu tale mai kina vei au, mo qai vakaukauwataki iratou na tacimu.”

Sa qai taura e dua na madrai, ka vakavinavinaka vua na Kalou, a sa dovia, ka solia vei iratou, ka kaya, “Oqo na yagoqu sa soli ena vukumudou. Dou cakava oqo mo dou vakananumi au kina.”

Sa vaka talega kina na bilo, ni sa oti na i vakayakavi, a sa kaya, “Na bilo oqo sai koya na veiyalayalati vou ni Kalou sa dregati ena noqu dra, [na dra ka sa liviraki ena vukumudou.]

Ni sa rarawa vakalevu sara na yalona, sa qai masu vagumatua cake ga kina; kei na nona buno sa vaka na titiri ni dra sa lutu ki na qele.

Ia me kakua sara ni vakaoqo vei kemudou; ka me yaco ga o koya e cecere cake duadua vei kemudou me vaka e dua sa gone duadua, kei koya e veiliutaki me vaka e dua sa dauveiqaravi.

Sa qai kaya vua o Jisu, “Au sa tukuna oqo vei iko, Pita, ni o na tukuna vakatolu ni o sa sega ni kilai au ni se bera ni tagi na toa ena bogi edaidai.”