Luke 12இலிருந்து பிரபலமான வேதாகம வசனங்கள்

பகிர்

Oi kemudou talega mo dou vakarau tu, ni na yaco mai na Luve ni Tamata ena dua na gauna o dou sega ni namaka.”

Ia dou kauwaitaka ga vakalevu na nona matanitu, ka na soli na veika oqo vei kemudou me kena i kuri.

Sa qai kaya vei ira o koya, “Ni yadra tiko ka qarauni kemuni mai na veivalavala kocokoco kecega, ni sa sega ni vakatau na bula ni tamata ena levu ni ka e tu vua.”

Ka ni vanua ga e tiko kina na nomudou i yau, ena tiko talega kina na yalomudou.

O cei mada vei kemudou sa rawa me vakaikuritaka tale vakalailai na gauna ni nona bula ena vuku ni nona lomaocaoca?

Sa qai kaya tale vei iratou na nona tisaipeli o Jisu, “O koya oqo au sa kaya kina vei kemudou; dou kakua ni lomaocaoca me baleta na nomudou bula, na ka mo dou kania, se me baleta na yagomudou, na ka mo dou vakaisulu kina.

Ia oi kemudou, na drau ni ulumudou yadudua sara mada ga era wili. O koya oqo mo dou kakua kina ni rere, ni dou sa bibi cake vua na Kalou mai vei ira na siparo e vuqa.

“Dou kakua ni rere na qele ni sipi lailai, ni sa ka ni marau vua na Tamamudou me solia vei kemudou na matanitu.

Dou vakasamataki ira mada na reveni: era sega ni dau kabukaburaki se tatamusuki, ka sega na nodra valeniyau se lololo; ia sa vakani ira na Kalou! Ia oi kemudou, dou sa yaga vakalevu cake sara mai vei ira na manumanu!

“Dou kakua ni vakasaqara na ka mo dou kania, se na ka mo dou gunuva, ka me kakua talega ni veidreyaki na yalomudou.

Ia kevaka sa vakaisulutaka vakaoqo na Kalou na co era bula tu e veivanua edaidai ka ra biu ki na lovo ni mataka, sa na qai uasivi sara na ka ena vakasulumi kemudou kina — oi kemudou sa lailai na nomudou vakabauta!

Na veika kecega sa vunitaki ena vakaraitaki, kei na veika sa vakayacori lo ena vakatakilai.