Mateo 13இலிருந்து பிரபலமான வேதாகம வசனங்கள்

பகிர்

»No'j rija' xtzak can pa chomilaj ulew e pacha' ri ticawex caquita Ruch'a'tem ri Dios, lic caquimaj usuc' y lic c'o c'u quijik'obalil quilitaj che ri quibinic. E jela' pacha' rija' lic xu'an reka'n; c'o ne jujun rakan xuya jun ciento, c'o jujun chic xuya sesenta y c'o xuya treinta —xcha ri Jesús.

»Rija' xtzak can pa tak q'uix e pacha' ri ticawex caquita Ruch'a'tem ri Dios. Pero rubis quic'u'x chwi tak ri cajawax chique, ruc' ri socoso'nic re tak ri beyomalil, cusachisaj uwach Ruch'a'tem ri Dios c'o pa canima'. Ruma c'u ri', na jinta c'ana quijik'obalil quilitaj che ri quibinic.

Rija' xtzak can chuchi' ri be, e pacha' ri ticawex quetaw re ri ch'a'tem chwi rutakanic ri Dios yey na caquimaj ta usuc'. Cac'un c'u lo ritzel winak y caresaj bi ri ch'a'tem xtiqui' pa canima'.

»Rija' xtzak can pa tak abaj, e pacha' ri ticawex caquita Ruch'a'tem ri Dios y caquicoj ruc' qui'cotemal. Pero ruma na e tiquil ta chi utz, na quecowin taj. Ma echiri' cac'un lo c'ambal quipa o queternabex ruc' c'ax ruma quic'ulum Ruch'a'tem ri Dios, quepajtaj c'u ri'.

«Rutakanic ri Dios petinak chila' chicaj e pacha' jun beyomalil ewatal can chupa juna ulew. C'o c'u jun achi que'tzak lo puwi' y carewaj tanchi canok. Que'ec c'u chirocho y cu'c'ayij ronoje rubitak re; tec'uchiri', culok' ri ulew pa c'o wi ri beyomalil.

»No'j c'o ija' xtzak can pa chomilaj ulew. Ec'u ri' wa' lic xu'an reka'n. C'o ne jujun rakan xuya jun ciento, c'o jujun chic xuya sesenta y c'o xuya treinta.

Chiya'a luwar cheq'uiy na junam, copon na ruk'ijol ri molonic. Ma c'a e chiri' quebenutak ri waj chac cha' caquimol na rak'es nabe, caqui'an chiyata'j y caquixim upa re caporoxic. Tec'uchiri', caquimol ri trigo y que'quiya'a pa cac'oli' wi ri trigo we'in”» xcha'.