Mateo 11இலிருந்து பிரபலமான வேதாகம வசனங்கள்

பகிர்

»Chixpeta wuc', iwonoje ri ix cosinak y c'o iweka'n, ma ri'in canya uxlanem chiwe.

Chiya'a iwib chuxe' ri nuyucu cancoj ri'in chiwe. Chimaja c'u iwe'ix chwij, ma ri'in utz nuc'u'x y na can'an ta nim che wib chiwach. We qui'an c'u ri' wa', quirik na ri utzil chomal piwanima'.

Ma ri nuyucu ri'in, na c'ayew ta ruc'axic bi y ri eka'n canya bi chiwe na al taj» xcha'.

Tec'uchiri', xubi'ij chique ri ticawex: «Ronoje tak ri c'olic ya'tal lo panuk'ab ruma ri Nukaw. Na jinta c'u junok lic umajom usuc' chi utz sa' ruwach Ruc'ajol ri Dios, xew ri Kakaw Dios eta'mayom re. Y na jinta ne junok umajom usuc' chi utz sa' ruwach ri Kakaw Dios, xew Ruc'ajol ri Dios eta'mayom re; yey puk'ab c'u ri' Ruc'ajol c'o wi china chique caraj cuk'alajisaj wi wa'.

Ri Jesús xuc'ul uwach: —Jix y chitzijoj che ri Juan ronoje wa quixtajin che utayic y che rilic. Ma ri e potz' quetzu'nic, ri e sic quebinic, ri c'o yabil lepra chique quecunutajic, ri e t'o'c quetanic, ri ecaminak quec'astajic y chique ri niba'ib catzijox ri Utzilaj Tzij.

China c'u ri c'o utanibal che utayic, ¡chuta c'u ri'!