Luk 8இலிருந்து பிரபலமான வேதாகம வசனங்கள்

பகிர்

Asaŋgɛ ayɛ agba kɛ ɛyaŋ iyɛsɛɛ, ayɛ kɛlɛ vɛnʉl vɛ ɔŋgwa ɛmʉ iyɛ Ofilikpamɛ, nɛ ɔ́gbaal ɛnɛ nɛ ɛsɛma ɛmɔɔ nɛ ɛsɛghanavɛ. Nɛ ɛ́nyɔl vo gbaŋ, nɛ ɔ́nyɛl ɛsɛma, nɛ óyumwe aduŋgu.

Asaŋgɛ ayɛ agba kɛ asaŋa ateē kɛlɛ vɛnʉl vɛ ɔŋgwa ɛmʉ iyɛ Ofilikpamɛ, kpa sɛ ɔza isi nɛ ɛyɛma, nɛ vɛnalɛvɛ yɛsɛɛ yɛ fan ɔtalɛ wee vɛ́kʉʉl simi ɛmʉ iyɔɔ kɛ asɛma avo, ndalɛsɛ ɔmɔ vo ánel nɛ ákɛma wʉ áyumwe aduŋgu ga.

Asaŋgɛ ayɛ agba kɛ ɛyaŋ iyɛ ɛlɛ nɛ ɔvasɛ, ateē kɛlɛ vɛnʉl vɛ ɔŋgwa ɛmʉ iyɛ Ofilikpamɛ nɛ vɛsɛghana. Kpa ndalɛsɛ ɔkɛma ɛsalɛ ga, nɛ awa-ɛsɛma ovo kɛ ɛmʉ iyɛ Ofilikpamɛ nɛ asivi ga, saŋ nɛ ɔkambɛlɛ wʉ mɛsol ava, nɛ ɔ́gba azime.

Saŋ afii vɛnʉl vɛ oyeghe nɔnʉn ala, “Awa-ɛsɛma wunu ye?” Kɛ ɛyʉlʉ iyɛciaana nɛ ɛyaaŋanavɛ ofii valindi ala, “Otu ɔnʉlʉ wʉ fɛna ɔlɛ wee? Alʉwā nɛ okumbwe nɛ ɛzɔl, kpaa nɛ vɛ́ŋgwa ɔn?”

Asaŋgɛ ayɛ agba kɛ ɔwa, ayɛ kɛlɛ vɛnʉl vɛ ɔŋgwa ɛmʉ iyɛ Ofilikpamɛ, nɛ ɔkʉ wʉ mɛkpe ava-yel vo, nɛ ɔmɔ áwa ɛsɛma kɛ nɛ Ofilikpamɛ ndalɛsɛ ɔ́wal vo ga.

Kici yɛ ɔmanɛ ɔmɔnɛmɔ kanyaghɛghɛ kásime kɛ agbaŋgaŋ keŋ, masɛ ɔmanɛ ɔmɔnɛmɔ kɛɛ oyili kásime kenini, nɛ vɛnʉl ócil.

Ɔkambɛlɛ wʉ okeyi ɔnawɔɔ âcili aŋgiee ala ɔwaa ɔma-lɛ wʉ ɔn áyel ga, ava nɛ ɛkɛlakas, saŋ aŋgul kɛ isi kɛɛ Zisɔs, avɔl gbaŋgaŋ kɛ isi kɛɛ vɛnʉl omwem ɔmanɛ kɛɛ âyeli saŋ ɔn apel Zisɔs, nɛ ndalɛsɛ ɔn akʉna ɛpʉmb. Zisɔs akaŋɛ nɔnʉn ala, “Wanɛ wamɛ, awa-ɛsɛma wuwu âkʉs we. Zaa makun.”

Asɔ ɔza-lil ɔn, ɔkaŋɛ nɔnʉn ala, “Ɔkʉ, Ɔkʉ, sɛpiilē zaā.” Amʉwa ɛsɛla, alʉwa nɛ okumbwe nɛ ɛzɔl yɛ ɛmgbʉwa yɔɔ. Okumbwe ade, oci ɔmɔnɛmɔ ɔyʉŋgʉlʉ.