Luk 6இலிருந்து பிரபலமான வேதாகம வசனங்கள்

பகிர்

Kie nini vɛnʉl vedivi, nɛ Ofilikpamɛ ókie anu kpaa ɔkal wʉsɛɛ, wʉ ɔwa nyɛla, nɛ ósuwe, nɛ vɛ́dʉŋgʉla we kɛ akasɛ. Kici yɛ kɛlɛ ɔkal wʉ nɛkala vɛnʉl vedivi, ɛnɛ Ofilikpamɛ ɔ́kal anu.”

Ɔnʉl wʉsɛɛ ayelē vɛnalɛvɛ yɛsɛɛ kɛlɛ yɛ avɛl kɛ ɛsɛma ɛna. Ɔnʉl wʉcɔcɔ ayelē ɛcɔcɔɔ kɛ vɛnalɛvɛ yɛcɔcɔ yɛ avɛl kɛ ɛsɛma ɛna. Kici yɛ ɔnʉl atɔwā kɛlɛ ɔmanɛ kɛɛ alɛ kɛ ɛsɛma ɛna.

Teŋgi nini vɛnʉl vɛ ɔcɔna anu, yele nini kasɛɛ navo, pɔla nini vo nɛ náma-tese wʉ nágbaal ga. Asɔ nɛ vicowenavɛ yunuvu vɛ́lɛ viboonavɛ, nɛ nɛ́lɛ ɔvɔnʉ vɛ Ofilikpamɛ wʉ obo ofo, kici yɛ oyelē asɛɛ masɛ kɛ nɛ vɛnʉl vɛ ɔsɛgha ɔn ga nɛ vɛnʉl vɛ ɔcɔ iyeli.

Kɔl nini isonu kɛ nɛ vɛnʉl, ndalɛsɛ Ɛziavɛ wunu akɔla isonu.

“x-Natune nini ɔnʉl ga, nɛ ɔmɔ átune anu ga. x-Nakaŋa nini anu ala ɔnʉl ayel cɔ ga, nɛ ɔmɔ ákaŋɛ nɛ anu kpaa asɔ ga. Gife nini vɛnʉl, nɛ Ofilikpamɛ ógife anu kpaa.

“Kpa kɛ nɛ anu vɛ nɛtambɛla kan namɛ, mɛkaŋɛ mɛla: Teŋgi nini vɛnʉl vɛ ɔcɔna anu, yele nini asɛɛ kɛ navo. Cowu nini vɛnʉl vɛ omowule anu imbus, vele nini kɛ vɛnʉl vɛ ɔnaa anu ɛcian.

Yeli nɛ vɛnʉl vedivi ndalɛsɛ wʉlii wʉla vo kpaa õyeli nawe.

Ikil yɛ ɔnʉl ata we ikowu kan ɔnanɛ kiyee, nɛ wʉ̃fiili te ɔn kidighi kwɔɔ kpaa. Ikil yɛ ɔnʉl atɛŋɛ okuu wuwu wʉnelena, nɛ wʉ̃de ɔn nɛ átɛŋɛ wʉ kɛ atɛŋ kpaa. Na ɔnʉl ɔmɔnɛmɔ wʉ afii we ɔmanɛ; ikil yɛ ɔnʉl atɛŋɛ ɔmanɛ kuŋgughu, x-wama-fiye ɔn ga.

“Ɛtɛghɛ kɛsɛɛ kiyumwe aduŋgu ayacɔcɔ ga; ɛtɛghɛ kɛcɔcɔ kiyumwe aduŋgu ayasɛɛ ga.

Asɔ ɔkɛva ɛtɛghɛ ɛmɔnɛmɔ kɛlɛ kɛ aduŋgu ana. Ɔmɔ ávɔŋga aduŋgu ayasɛvana kɛ ɛtɛghɛ kɛɛ ɛlɛ nɛ asaŋa ga.