Genesis 15இலிருந்து பிரபலமான வேதாகம வசனங்கள்

பகிர்

Abram bribi sa MASRA taigi en, èn MASRA si en leki wan sma di bun ini en ai.

Baka dati MASRA meki Abram si wan sani. A si fa MASRA e taigi en taki: “No frede Abram. Mi sa sorgu taki noti no miti yu èn Mi sa gi yu wan bigi paiman.”

Ne MASRA tyari en go na dorosei. A taigi en taki: “Opo yu ede luku heimel, dan yu luku efu yu man teri den stari. Dan MASRA taigi en taki: Na so furu den bakapikin fu yu sa de tu.”

Ma MASRA taigi en taki: “A no en sa kisi ala den gudu fu yu, ma yu eigi manpikin sa kisi den.”

Dan MASRA taigi Abram taki: “Disi na san yu mus sabi bun. Den bakapikin fu yu o de leki doroseisma na ini wan kondre di no de den eigi kondre. Den o de leki srafu drape èn den sma o pina den fo hondro yari langa.

Dan Abram taki: “Tye, Masra MASRA, sortu bun yu sa gi mi so dan? Mi o dede gwe sondro wan pikin èn a sma di o kisi ala den gudu fu mi o de Eliyeser fu Damaskus.”

Tapu a fasi dati MASRA sroto wan ferbontu nanga Abram. A taigi en taki: “Mi sa gi den bakapikin fu yu a kondre disi, kmoto fu a liba fu Egipte go te na a bigi Eufratliba.

Den afopikin fu yu sa drai kon dyaso baka. Bika dan fosi den Amoritisma sa du someni ogri taki Mi mus yagi den puru fu a kondre.”