Matta 18இலிருந்து பிரபலமான வேதாகம வசனங்கள்

பகிர்

A daa nɨ nǝbɔ yo, a yɔ nǝn a taal, a mʊrka nǝn dun mɨɨ, mǝ tǝmɨ mǝ na a tɨbǝl jin.”

Mǝ sʊwa jen nɛ tag, na nǝbɔ yo a kʊm jen a tǝm nɨ ja jǝla nǝn jʊ win ja keli, Tɛtɛ mɨ nɨ a dʌbʌl kwamaɨ maa jim maa.

Nǝngɔ a jo kaa bwɛsǝn ba tɨ a tɨbǝl jini. Nǝngɔ a sʊwa gɔ, “N bɨlǝngǝn mǝ sʊwa jen nɛɨ, na jǝ́ fʌto bɔ jǝ́ yǝla nǝn dul jenɔ na bɛtɔ dwalǝnɨ, mɨsɔ jǝ́ dɔ fɔlɔn lɔ Kwaamaɨ lɛ.

Na nʊ nɨ a shig dul gǝnɔ na bwɛ nɨɨ, n nʊ nya dʊʊn nɛ a fɔlɔn lɔ Kwaamaɨ.

Na nʊ nɨ a yo bwɛ dwalɨ win na nʊ nɨ nǝn dun mɨɨ, nǝmǝ ga yo i.

“N bɨlǝngǝn mǝ sʊwa jen nɛɨ, jʊ nɨ jǝ́ bwa a tǝm nɨɨ, jǝ bwa bwa nyɔ a dʌbʌl kwama. Jʊ nɨ jǝ́ kwɨ a tǝm nɨɨ, jǝ kwɨ kwɨ nyɔ a dʌbʌl kwama.

“A na nyɔ Tɨya mɨ nɨ a dʌbʌl kwamaɨ maa jem nyɔ gwam, na jǝ́ kǝlǝm bɔ kɨla jen gǝm nǝlɔ wini.”

Na nʊ nɨ a dǝg kaa win a kʊm bɛtɔ dwalǝn nɨ a nǝ bɨlǝngkɛl a daa mɨ woi a maa bwɨlangkɛlɨ, a laa jǝl ja kwa gǝm nɛl kʊwalɨ a kwɨl, ja mal gǝn a mʊgɔ wɨma tushi, sǝ a bʊla.

N wɛ jǝ́ kuwoi? Na kaa nǝl nǝn kwamɨgɔ fʊlkʊb, nǝngɔ win a lɛlaɨ, mɨsɔ bǝla fʊltʊlkʊb jeli tʊlkʊb nɨ lɛ a naa yem a yɔ ya saa nʊ nɨ win a lɛlaɨ ka?