Mak 14இலிருந்து பிரபலமான வேதாகம வசனங்கள்

பகிர்

Ka yɛl ye, “M Ba'a, si'el wʋsa anɛ na'ana fʋ san'an. Yisim namisʋg kaŋa bas ka kɛɛ m. La'an nɛ wala li ka'anɛ man bɔɔd si'ela, kɛl ka fʋ bɔɔdim gʋllim niŋ.”

Ka yɛli ba ye, “Nɛi ka sɔs Wina'am, ka makir da nyaŋi yaa. Siig la bɔɔd, amaa niŋgbiŋ la ka' paŋa.”

Asida ka m yɛti ya ye, dunia nwa' zin'ikanɛ wʋsa ka ba na ti mɔɔl labasʋŋ la, ba mɛ na yɛl pu'a la niŋ si'el la, ka li tiɛn o yɛla.”

Ka o yɛli ba ye, “M sʋnf san'amnɛ hali, ka li nwɛnɛ m ye m kpi nɛ. Alazug, kpɛlimmi kpɛla ka gu'usi.”

Ka ban daa dit la, ka Yesu nɔk bodobodo ka pʋ'ʋs Wina'am bareka ka gbin'esi tis o nya'andɔlib la, ka yɛli ba ye, “Di'em nwa' di, ka li anɛ m mɛŋ niŋgbiŋ.”

Ka nɔk nwam, ka pʋ'ʋs Wina'am bareka, ka tisi ba, ka ba wʋsa nuu li. Ka o yɛli ba ye, “Nwa' anɛ m ziim linɛ an nɔnaari na yi nidib bɛdegʋ zug.

Ka Yesu yɛli ba ye, “Ya wʋsa na zɔ ka basim. Li sɔb Wina'am gbauŋʋn ye, “‘Wina'am na kʋ kɔnbkem la, ka kɔnbid la widig.’

Duomi ka ti keŋi. Gɔsimi, onɛ zam man la nwa'.”

Ka Yesu lɛbis ye, “Asida ka m yɛtif ye, yʋ'ʋŋ kaŋa, fʋ na ki'is man nɔɔr atan' ka nɔraug nyaan kaas nɔɔr ayi'.”