Mateo 7இலிருந்து பிரபலமான வேதாகம வசனங்கள்

பகிர்

Pirure, hareka Tũpa meẽpo pee; pyhekava hareka hai heshakapo pee; pyhẽnoshu hõchepe, hãrã hai peapopekui.

Jurureva rãnga me'ẽãposhu, hekava vãhẽposhu; hareka õche nũpava pe'aposhu.

Hãrã ĩme'ẽ henduva shiñee hareka hekope kavi japova, ova pente kuimbai ñy'ãrãnduva, hoorã mupuãva ita ĩãrẽ.

Hãrã pijapo kavi jyvehe papishare, yngavare pipota japo kavi pyndyreherã. Kyrã hei ñande Moisés mbypara vekua hareka Tũpa ĩñee mbeu'iare jykuatiape.

Tẽvã õche hareka pe ohova tykove kyty mishĩĩ hai, javai javatahupi. Hãrã mbovyĩ'ẽ vãhẽshuva.

Piche õche mishĩĩvaipi pyryrahava Tũpa huvisharã'õpe. Shara tivisha hai õche hareka pe pyryrahava Ãña ẽvãpe, javaiã javatahupi, hãrã heta'ẽjy icheva hokava õcheipi.

Pee piniñarõva, mbai haikavivaĩ pymeẽshu pyndyrayre, ñopyĩara hai Peru vate arapy'õ, mbai haikavivapo meẽshu jurureshuare.

Avy pimbijiche papisha, hãrã Tũpa pinimbijicheãpo jyve. Papisha mbai porãmba pijapoheva rãĩmipo; Tũpa japo jyve pyndyrehekui.

Hãrã opaite henduva ko shiñee, tẽvã japoãrã, ova ko kuimbai mbaimba kuava hoorã mupuã vekua yvyku'i ĩãrẽ.

Marã'ĩrãra rỹmaĩrihe yvyraku'i ndyryvy hesape'õ, yvyra marẽyva ndyresape'õra ryheshããjy? Marãrapo rereshu ndyryvy: “Taheky ndyhevi yvyra ku'i ndyresape'õ”, ndeave ryrekova yvyra marẽyva ndyresape?

Pingareko pindijeheshi Tũpa ĩñee mbeu rã'ãnga'iare. Avisha rãĩmi jyverupe peĩvape, tẽvã pyape avaravasu ñarõ vekua rãĩmi. Hãrã japova reheĩpo pikuashu retakui: “Po'ohãã uva ñanaivi, hareka igo kapiãtivi”.

Kyrã opaiteva yvyra haikaviva ia kavi, tẽvã yvyra porãmbava ia porãã jyve.

Katuãpo yvyra haikaviva ia porãã, hareka yvyra porãmbava katuããpo ia kavi.

Hãrã opaiteva yvyra ia porãmbava, jasyjaha hareka momboha tatape.