ဒေါ ဂုဝ် 8இலிருந்து பிரபலமான வேதாகம வசனங்கள்

பகிர்

ဇဝ်ဖြာ ယီ ယိုဝ် အုး၊ န့ ဘဲန် အုး ငှုန် ဒီ အန်။ အန် ပီ ဝီ တဝ်း၊ “ကူပ် ကာဝေ အုဝ် ဂေ ဒူအီ အီ ကွယ် ဒဲင် ကာဒါယ် ဒွန် မျုဝ်၊ အုဝ် အာဝ် ဟူ ဒိူင် ကာဒါယ် ဒေါ မှဝ်။ အုဝ် ဟဲ့ နပ်၊ ပီ ဇေန့်ဇာ ဂေ ဒူအီ၊ ပီ အိုင် ဂေ၊ န့ တူ အး။ အူ ဆိန့် ဒီ ဒဲ ဂေ၊ နဝ်း ဂေ အာဝ် မွှိုမ်။ မာလဲ၊ အုဝ် ဒီ တူ ဝီ ပျာတ့် ဝဲန် မျုဝ် အီ မိုဝ်း ဖွိုမ် အီ ကွယ် ဒဲင် ကာဒါယ်။ အုဝ် တူ ဝီ ဘူင် ပီ ပဲ့ ဟဲ့ ဘူင် အုဝ် ဇိုဝ် တီ ပေါ အူ ဇေန့်။ ဆေ န့ ဆီ မိုဝ်း ကာဒါယ် နီ၊ န့ ဒီ မိုဝ်း အာခြာဝ် ဆမ်၊ အာခြာဝ် ဆုဝ့်။ န့ ဒီ မိုဝ်း ခြာဝ် ဒီရဝ် ဘော အာခြာဝ် ဂတ် ဂျီတ်၊ အာခြာဝ် ဆောဒါတ် ဘော အာခြာဝ် ဂတ်။ န့ ဒီ မိုဝ်း ကာတဲ ဆီငဲ ဘော ခဲင် မှိုဝ်၊ ဟာဝ် ပါယ် တီ အာဝ် တူတ့် ဒေါ မှဝ်။”

ဝါယ် အန် တီ အာနုဝ် တွိုန် ဝီ ဘူင် ကာစှူင့် လှူ ဒီ ဇဝ်ဖြာ။ ခဲ့ မိုဝ်း မာဒုဝ် ဆတ် အီ မွှိုမ် ဒွန် မျုဝ်၊ အန် ဒိုဝ်း မင် ဒုဝ်။ ဘော မာဆိမ် အီ မွှိုမ် ဒွန် မျုဝ်၊ အန် ဒိုဝ်း မင် ဒုဝ်၊ ဘ့လေး ဒဲင် ကာစှူင့် လှူ ဒီ ဇဝ်ဖြာ၊ ဝီ တဲး န့ ဘဲန် ပီ လှူ အီ ဒုဝ့် ဒီ ငဝ်။

ဝါယ် အန် တီ ဟဲ့ ဟွတ့် နုဝ့် အူ မာယဝ်း ဒီ ဖန် ဂိုဝ် ဆီငဲ၊ ဇဝ်ဖြာ ဝီ လှုဝ်း ဒါ အာနုဝ် တွိုန်။ အန် ဝီ လှုဝ်း ဘော ဂေ ဒူအီ ဘော ဂေ ဒုဝ် ဆတ်ဒါဝါ ဂေ အီ ကွယ် ရိုမ် ဒူပ် အန် ခဲင် ရိုဝ် ဆင်ဖုဝ်။ ဇဝ်ဖြာ မိူဝ် တဲး န့ မိုဝ်း ခုန် တး ဘုတ် ဒဲင် ကာဒါယ် တဲး အိုမ် ဝီ ကြဲ ဒီ ယူမ် လူင်။

ဆီငဲ တီ ဘာ ဒီ အပ် မာဘ့လူယ် ဝီ တး။ အန် မိူဝ် ကာပ် တး လှာ ဟေ နာမန် အီ လတ့် ကာမာယ်။ ပန် တီ အာနုဝ် ဟဲ့ နပ်၊ အိုမ် ဟဲ့ ဟိတ် ဒဲင် ကာဒါယ်၊ အာဝ် ဟူ မိုဝ်း။