Mǒhtûlû̌hǎhtûsa 24இலிருந்து பிரபலமான வேதாகம வசனங்கள்

பகிர்

Dě a kwicabahtò̌ kû̌, “Ǒ꤮ Cǒmara tûjû̌pwa̤, heběcǎ PhaAbraha a Cǒmaradû̌, khò̌tini̤ dě khòsǎdô ma̤htoma̤phlǔ mò̌ bǎ heta̤ma̤ nudě dǔlṳ̌ mò̌ nata̤mô̤ dǒ ahǎbòjò tô̤̌nu kû̌ heběcǎ PhaAbraha nî̌꤮.

Dě he kwisǎyṳ pwa̤mǒ̤phû̌sǎ dǒ asî kla tôpwa̤pwa̤ pě, dě he hî̌ a kû̌, ‘khòsǎdô bè̌tě̤ nashiko dě dǐô̌ mò̌ he shi,’ dě na kè̌ rû̌phî̌htò̌ mè̤̌caca bǎ najû̌ KhûIsè̌ aya hî̌dě a hî̌shǔshu he kû̌, ‘ô mò̌, dě he dǐô̌ padô̌ pô̤̌ na tîsî̌budû̌ shi pěpě.’ A kè̌ ma̤ pô̤̌o numî̌ he sî̌ganǎ̤ kû̌ na dǔlṳ̌ nata̤mô̤ kû̌ heběcǎ hǒ.”

Htodě KhûIsè̌ kaǎgeǐ Mǒ̤ribè̌kha dǒ amǒ̤ Mǒ̤sara ahǐphû̌kû dě a htûhtò̌ lû̌ma. Dě a mô̤ǐ wô̌ lû̌û. Bǎ amǒ̤ si hto lû̌lǎ̤ akhanu, a sǎplǎ̤ mè̤mè̤̌ bǎbǎ khònò̤̌ Mǒ̤ribè̌kha htû ama dě asǎphlǒ mô̤ gesô̌.

Dě ahǐphû̌phòphû̌ tokhlǒ ǐshowî̤ lô̌khô Mǒ̤ribè̌kha kû̌, “Pa pṳ̌pwa̤mǒ̤ gǔ htûhtò̌ mǒ̤ dǒ phû̌ô̌wô̤̌li̤ô̌dû̌ dǒ asò̌atěkû pě nî̌. Nakhlinalè tokhlǒ gǔ ma̤pè̤̌ bò pû asîkhuwè̤ awî̤̌ tokhlǒ pě nî̌.”

Dǒ he phû̌ aya, pô̤̌khô na gǔ rû̌phî̌htò̌ tǎ̤ ama kû̌ Khanakhlilèmǒ̤ bǎ Khanagǎkû tǎ̤mǎ̤nu, he sǎyṳ no ǐsholò̤ nayô̤̌ kû̌ Cǒmara tûjû̌pwa̤, amè̤̌kû̌ Cǒmaradû̌ dǒ a pǒǐ mǒkhû̌ kû̌ hǎkhû̌ nutôpwa̤. Pô̤̌nudě gemò̌ dǒ he ô̌phijǎlò̤ agûlǎ̤, dǒ hekhlihelè ô̌ nutôgǎ dě ge kè̌lǎ kaage bǎ hephû̌pwa̤khû KhûIsè̌ ama nî̌.”