Mǒhtûlû̌hǎhtûsa 22இலிருந்து பிரபலமான வேதாகம வசனங்கள்

பகிர்

Dě a pô̤kè gûlǎ̤ bǎnu tôkû ami̤ kû̌, Yehûwayǐre. Kòyò ta̤hî̌bǎ ô̌kè kû̌, “Dǒ Cǒmara tûjû̌pwa̤ akhôlôkhû̌nu a gǔ ǐ pa ta̤lṳ̂bǎ.” (Yehûwayǐre amṳ̂asǎmî̌ Cǒmara tûjû̌pwa̤ ǐ pa ta̤lṳ̂bǎ.)

Dě Cǒmaradû̌ hî̌ lû̌û kû̌, “Kaǎnǐ̤ naphû̌pwa̤khû KhûIsè̌ dǒ a ô̌ tôpwa̤pwǎ̤꤮ pwǎnô̤̌ nudě na mô̤ǐ yǎ nutôpwa̤ dě cû̌ dǒ gǎ tôgǎ dǒ kòyò kaǎ kû̌ Mṳ̂rǐyanu. Dě cû̌ dǒ khôlô bǎ he glè̌ nè̌lṳ̌ na pě nutômè alô̤, dě ma̤si a dě lṳhtò̌ lû̌û bǎnu pô̤̌ ta̤shû̌u lṳhtò̌nu pě nî̌.”

Cǒmara tûjû̌pwa̤ atanaphû̌ hî̌ lû̌û kû̌, “Ma̤shatǎ̤ phijǎ nutôpwa̤ tǎ̤mǎ̤! Ma̤tǎ̤ a tôcǒ tǎ̤mǎ̤! Naphû̌pwa̤khû ô̌pwǎ tôpwa̤nô̤̌ bǎbǎkǎlè na sǎleǐ yǎ tô̤̌ akhû̌akhî, khònò̤̌ he sî̌ganǎ̤ kû̌ na ǐsha bè̌dubè̌nǎ̤ Cǒmaradû̌ hǒ.”

Apha hî̌shǔ lû̌û kû̌, “Phû̌khû꤮, Cǒmaradû̌ sanǎ̤ gǔǐ tû̌ sû̌phû̌ dǒ pa lṳ̂bǎ yǎnu kû̌mî̌ lǎ̤shû̌u lṳhtò̌ ayanu pě.” Dě asî sò̌ginǐ̤ cû̌ sělě wô̤̌wô̤̌ lû̌û.

He ǐshowî̤ mè̤̌caca na pě. He no ô̌wô̤̌ô̌dû̌htò̌ nakhlinalè tokhlǒ asô̌sô̌kû̌ shǎ dǒ mǒlǎ̤, asô̌sô̌kû̌ lǒ̤sîmî̌ dǒ shidû̌shitewe̤htu dǒ kòyò dô̌bǎpè̤̌jòtô̤̌ nupě. Dě nakhlinalènu a ma̤pè̤̌kè asî khuwè̤ tokhlǒ pě, dě a pǒǐbò asîwî̤̌ tokhlǒ pě. Na ganǎ̤de heyô̤̌ akhû̌akhî, lǒ̤bò khlilèphû̌ dǒ hǎkhû̌nu tokhlǒ a gǔ nǐ̤bǎ tutṳ̌ ta̤ǐshowî̤ dǒ nakhlinalè akhû̌akhî pě.’”

PhaAbraha ô̌ něyî̤layî̤ bǎ Phǐlǐsatǐgǎkû htodě Cǒmaradû̌ ma̤kè̌bǎ lû̌û ta̤yṳ̌ta̤nǎ̤ dě, “Abraha,” a kaǎ lû̌û dě. “He ô̌ pwǎ Běcǎdû̌,” a kǔ shěshu lû̌û pô̤̌nu.

Bǎbǎkǎlè Cǒmara tûjû̌pwa̤ atanaphû̌ ô̌ dǒ mǒkhû̌ dě a kaǎgǔlò̤ lû̌û kû̌, “Ǒ Abraha, Abraha.” Dě a kǔshǔ lû̌û kû̌, “Mî̌titè꤮, Běcǎdû̌, he ô̌ pwǎ.”

Cǒmara tûjû̌pwa̤ atanaphû̌ ô̌ dǒ mǒkhû̌ dě kaǎ sô̌ PhaAbraha ginǐ̤plǎ taplǎ. Dě a hî̌ lû̌û kû̌, “Cǒmara tûjû̌pwa̤ hî̌ pô̤̌o, ‘naphû̌pwa̤khû ô̌ pwǎ tôpwa̤nô̤̌ bǎbǎkǎlè na sǎleǐ yǎ tô̤̌, na lṳhtò̌ a akhû̌akhî, hesanǎ̤ tû̌ olò̤ kû̌ he gǔ ǐshowî̤ na.

Bǎ asî cû̌tǒ̤ dǒ Cǒmaradû̌ hî̌ lû̌û gûlǎ̤ nutôkû akhanu, PhaAbraha tèhtò̌ ta̤lṳhtò̌wǎ̤ kû̌ lǒ̤ bǎnu, htodě a bè̌htò̌ kû̌ dǒ ta̤lṳhtò̌wǎ̤ akhû̌. Htodě a comě aphû̌ KhûIsè̌ dě a bè̌htò̌ lû̌û dǒ ta̤lṳhtò̌wǎ̤khû̌ bǎ kû̌ khû̌nu.