पठालोबितामन 2இலிருந்து பிரபலமான வேதாகம வசனங்கள்

பகிர்

पतरस हुनमन के बल्लो, “मन फिरावा, आउर तुमनमन ले हरकोनी आपलो-आपलो पापमन चो छमा काजे ईशु मसीह चो नाव ले डूबन धरा; तेबे तुमी पवितर आत्मा चो दान पाआसे।

आउर हुनमन पठालोबितामन ले सिक्या पाऊक, आउर संगत संगाऊक, आउर रोटी टुटाऊक, आउर पारथना करतो ने मतभुल रवत।

हुनमन सपाय पवितर आत्मा ले भरून गेला, आउर जसन परकार आत्मा हुनमन के बोलतोर सामरत दीली, हुनमन दुसर-दुसर भाषा बोलुक मुरयाला।

आउर उधापड़े बादरी ले बड़े लेहरा धुका चो असन गरजन चो शब्द होली, आउर हुनचो ले पुईतराय घर जोन थाने हुनमन बोसुन रवत, गुंजुन गेली। आउर हुनमन के आईग चो असन जीबमन फाटलो असन दका दीली आउर हुनमन ले सपाय चो उपरे ऐऊन ठेबली। हुनमन सपाय पवितर आत्मा ले भरून गेला, आउर जसन परकार आत्मा हुनमन के बोलतोर सामरत दीली, हुनमन दुसर-दुसर भाषा बोलुक मुरयाला।

हुनमन रोजे दिना गोटक मन होऊन भाती मंदिर ने रूंड़ा होते रवत, आउर घरे-घरे रोटी टुटाते-टुटाते हरिक आउर मन चो सोज ले भात खाते रवत, आउर माहापुरू चो स्तुति करते रवत, आउर सपाय लोग हुनमन ले हरिक रवत; आउर जोन मुक्ति पाते रवत, हुनमन के परबु रोजे दिना हुनमन ने मिसान देते रये।

माहापुरू बोलु आय, कि आखरी दिनमन ने असन होये दे कि मय आपलो आत्मा सपाय माने उपरे रिकायेंदे, आउर तुमचो बेटामन आउर तुमचो बेटीमन अगम गोठ करदे, आउर तुमचो जुआन दरशन दकदे, आउर तुमचो डोकरामन सपना दकदे।

आउर सपाय बिश्वास करतो बिता रूंड़ा रते रवत, आउर हुनमन चो सपाय तीजमन मांदी ने रली। हुनमन आपलो-आपलो धनमाल आउर समान बिकुन-बिकुन भाती जसन जेचो जरूरत होते रली बाटते रवत।

आउर जोन कोनी परबु चो नाव धरेदे, हुन मुक्ति पायदे।

परबु चो माहान आउर तेज बिती दिन चो ऐतोर पयले बेर अंधार आउर जोन लऊ असन होऊन जायदे।