LUCAS 5இலிருந்து பிரபலமான வேதாகம வசனங்கள்

பகிர்

Opase oñe'ë, aipo e'i Simón upe: –Eraso ɨpa tɨpɨ katu va'esave ɨarusu, a'eve pemombo pe pira mbo'asa, pira mbo'a agwä.

Simón omboyevɨ aipo e'i chupe: –Porombo'esar, orosa'ä tëi ni'ä pɨ̇tü momba pira mbo'a oroiko ndorombo'ai ete rumo, nde porokwaita rupi, amondo irira pira mbo'asa ɨpɨve. Koiye omondo irise rumo, ombo'a iteanga pira yuvɨreko iposɨigwer omondoro-ndoro ñoite imbo'asa chupe.

Jesús rumo oyepepɨ ñoite oyerure agwä oso ava pore'ɨ̇save.

Che ndayui ava seko katuprɨ va'e reka, che rumo ayu ava yangaipa va'e reka Tüpä uve iyevɨ agwä.

Ko mba'e repiase, Simón Pedro oñenopɨ'ä Jesús rovai oso aipo e'i chupe: –¡Eyepepɨ che sui che Yar, esepia che angaipa viyar tëi aiko!

Jesús omboyevɨ aipo e'i chupe: –Ava nimaräi va'e ndosekai ete oporoposano va'e; imba'easɨ va'eño ite rumo osekara yuvɨreko.

Evokoiyase opa vɨnose ɨarusu sui ɨvɨ ätäsave yuvɨreko, oseyapaño opakatu mba'e ichui yuvɨraso Jesús rupi.

Ñepëi arɨ, Jesús sekoise tekwa pɨpe, oyepota ñepëi mbɨa mba'erasɨ vai ndokwerai va'e rerekosar; Jesús repiase oñenopɨ'ä oso ɨvɨ rese chupe oporandu aipo e'i: –Che Yar, ereipotase, iya nde che mbogwerami tëi eve che mba'erasɨsa sui. Jesús opoko opo pɨpe sese, aipo e'i chupe: –Aipota. ¡Erekwera kurïtëi! Aipo i'e ramoseve opa okwa mba'erasɨ vai imba'easɨ va'e sui

Jesús reräkwä rumo oyembouvicha katu-katu iri ete, iyavei seta ava oyemboya yuvɨreko sese iñe'ë rendu agwä iyavei tayande mbogwerami tëi yande mba'erasɨsa sui oyapave yuvɨreko.