LUCAS 1இலிருந்து பிரபலமான வேதாகம வசனங்கள்

பகிர்

Tüpä upe ndipoi ete mba'e yavai va'e.

Evokoiyase María aipo e'i: –Che aiko Yar rembigwai; tayavɨye ayase Tüpä remimbotar cheu nde ñe'ë rupi. Aipo i'e pare, mbigwai ɨva pendar oyepepɨ oso ichui.

Mbigwai ɨva pendar omboyevɨ chupe: –Espíritu Maräne'ɨ̇ ogweyɨra nde arɨve, Tüpä gweko pirätäsa pɨpe nde momembɨra. Sese a'e pitani o'a va'erä serer-ra Tüpä Ra'ɨrɨ ndaseko Maräi va'e.

¡Sovasaprɨ ereiko esepia ereroya ite ñe'ësa ndeundar iyavei Tüpä omboavɨyera gwemimombe'u nde rese!

Kurïtëi nde membɨra eiko: ererekora nde membrɨ, eremondora serergwä Jesús. A'e ni'ä sekouvicha katu va'erä, Tüpä seko ɨvate katu va'e Ra'ɨrɨ sekoira, iyavei Yar Tüpä ite omoingera Mborerekwar ɨvate katu va'e seko agwä, inungar tamoi David araka'e, mborerekwar gwasu sekoira Jacob rekwa rupi. Imborerekwasa ni'ä apɨre'ɨ̇ va'erä ite sekoira.

Mbigwai ɨva pendar aipo e'i chupe: –María eresɨkɨyei rene, esepia ni'ä Tüpä nde poravo nde rovasa agwä.