Gyenesis 37இலிருந்து பிரபலமான வேதாகம வசனங்கள்

பகிர்

Na Yosef soo dae, na ɔka kyerɛɛ ne nuanom, na wokyii no sen kan no.

Na esiane sɛ: Yosef yɛ ne nkwakoraa bere mu ba nti, Israel dɔ no sen ne mma nyinaa; enti ɔpam batakari fɛfɛɛfɛ bi maa no.

Na ne nuanom hui sɛ wɔn agya dɔ no sen wɔn anuanom nyinaa no, wokyii no, na wɔamfa abodwo ne no ankasa.

Na ɔsoo dae foforo bio, na ɔka kyerɛɛ ne nuanom sɛ: Hwɛ, maso dae bio, na hwɛ, owia ne ɔsram ne nsoromma dubiako akotow me.

Na ne nuanom ani beree no; na n'agya de, ɔde asɛm no siei.

Na ɔka kyerɛɛ wɔn sɛ: Muntie ɔdae a maso yi: Na hwɛ, yɛrekyekyere awi afiafi wɔ afum, na hwɛ, me afi no sɔre gyinae kyerebenn, na hwɛ, mo afiafi atwa ho ahyia, na ɛkotow me afi no.

Afei mommra mma yenkum no mfa no nto mmura yi bi mu, na yɛnka sɛ: Aboa bɔne bi na awe no, na yɛahwɛ nea ne dae no bewie.

Na Midianfo aguadifo bi bɛsenee. Na wɔtwetwee Yosef yii no fii abura no mu, na wɔtɔn Yosef maa Ismaelfo no gyee nnwetɛbona aduonu. Na wɔde Yosef kɔɔ Misraim.

Na wosisee wɔn ho wɔn ho sɛ: Hwɛ, ɔdaesofo no na ɔreba no.

Na wohuu no wɔ akyirikyiri. Na onnya nnuu wɔn nkyɛn no, wɔpam ne tiri so sɛ wobekum no.

Na ose: Munnhwie mogya nngu, na momfa no nto sare so ha abura yi mu; na mommfa mo nsa nnka no. Ɔyɛɛ saa na anka wayi no afi wɔn nsam de no asan akɔma n'agya.