எபிரேயர் 13இலிருந்து பிரபலமான வேதாகம வசனங்கள்

பகிர்

பண ஆசையிலிருந்து விலகி, உங்களிடம் இருப்பதைக்கொண்டு மனத்திருப்தியுடன் வாழுங்கள். ஏனெனில் இறைவன், “நான் உன்னைவிட்டு ஒருபோதும் விலக மாட்டேன்; நான் உன்னை ஒருபோதும் கைவிட மாட்டேன்” என்று சொல்லியிருக்கின்றாரே.

இயேசு கிறிஸ்து நேற்றும், இன்றும், என்றும் மாறாதவராகவே இருக்கின்றார்.

எனவே நாமும் மனத் தைரியத்துடன், “கர்த்தர் எனக்கு உதவியாளர்; நான் பயப்பட மாட்டேன். மனிதன் எனக்கு என்ன செய்ய முடியும்” என்று சொல்வோம்.

நன்மை செய்ய மறக்க வேண்டாம், உங்களிடம் இருப்பதை மற்றவர்களுடன் பகிர்ந்துகொள்ளவும் மறந்துவிட வேண்டாம். இப்படியான பலிகளிலேயே இறைவன் பிரியப்படுகிறார்.

ஆகவே இயேசுவின் மூலமாய் இறைவனுடைய பெயரை ஏற்று ஒப்புக்கொள்கின்ற உதடுகளின் கனியை துதியின் காணிக்கையாக இறைவனுக்கு இடைவிடாது செலுத்துவோமாக.

திருமணம் எல்லோராலும் மதிக்கப்பட வேண்டும். திருமணப் படுக்கை தூய்மையாக காக்கப்பட வேண்டும். தகாத உறவிலும், பாலியல் ஒழுக்கக்கேட்டிலும் ஈடுபடுகின்றவர்களை இறைவன் நியாயம் தீர்ப்பார்.

அந்நியரை உபசரிக்க மறந்து விடாதீர்கள். ஏனெனில் அவ்விதம் செய்ததனால் சிலர் அறியாமல் இறைதூதர்களையும் உபசரித்திருக்கிறார்கள்.

நித்திய உடன்படிக்கையின் இரத்தத்தின் மூலமாக செம்மறியாடுகளின் பெரிய மேய்ப்பரான நம்முடைய ஆண்டவர் இயேசுவை மரணித்தோரிலிருந்து எழுப்பிய சமாதானத்தின் இறைவன், தனது விருப்பத்தை நிறைவேற்றுவதற்கு அவசியமான எல்லா நன்மையாலும் உங்களைப் பூரணப்படுத்தி, இயேசு கிறிஸ்துவின் வழியாகத் தமது பார்வையில் பிரியமானதை நம்மில் நிறைவேற்றுவாராக. கிறிஸ்துவுக்கே என்றென்றும் மகிமை உண்டாவதாக. ஆமென்.