Johani 6இலிருந்து பிரபலமான வேதாகம வசனங்கள்

பகிர்

Jesu aku kabye: Mina nzi xibaba xa wutomi. Loyi a tako ka mina a nga tazwa ndlala, ni loyi a kholwako ka mina, cima a nga tazwa tora.

A moya hi wona wu hanyisako, a nyama a yi vuni nchumu. A timhaka leti nzi mu byelileko tona, hi moya ni wutomi.

Mu nga tireli a zakuga lezi zi mbhelako, kanilezi tirelani a zakuga lezi zi simamisako wutomini ga pinzukelwa, lezi a Nʼwana wa munhu a ta nga mu nyika zona; hakuva hi yena loyi a vekilweko xifungo hi Dadani, loyi a nga Nungungulu.

Hakuva kuranza ka Dadani lezaku ni wihi loyi a cuwukako Nʼwana, a kholwa ka yena, i fela kuva ni wutomi ga pinzukelwa; ni lezaku nzi mu vuxa hi siku go gumesa.

Jesu i lo hlamula, aku kabye: A ntiro wa Nungungulu hi lowu, lezaku mu kholwa ka yena loyi a mu rumileko.

Zontlhe lezi a nzi nyikako Dadani, zi tata ka mina; ni loyi a tako ka mina, cima nzi nga ta mu hlongola.

Simoni Pedro i lo mu hlamula, aku: Hosi, hi taya ka mani ke? Wena u na ni timhaka ta wutomi ga pinzukelwa.

Mina nzi xibaba lexi xi hanyako, lexi xi nga relela hi le tilweni; loku munhu aga xibaba lexi, i ta hanya kala kupinzuka. Ni xibaba lexi nzi ta nga nyika xona, hi nyama ya mina, yi nyikilweko kasi tiko ga hanya.

A ku na munhu a zi kotako kuta ka mina, loku a nga kokiwi hi Dadani loyi a nzi rumileko; zonake nzi ta mu vuxa hi siku go gumesa.

Hakuva a xibaba xa Nungungulu hi xona lexi xi relelako hi le tilweni, xi nyikako tiko wutomi.

Mina nzi xibaba xa wutomi.

Zonake Jesu i lo teka a zibaba, laha na a bongile, i lo avela ka lava va nga tshamile lahasi, zinghaho ni zidluwani, va kala va xura. Laha na va xurile, i te ngalo ka vapizani vakwe: Rolelani a matlhatlha ma seleko, kasi ku nga lahleki nchumu.

Ku te loku va bonzile mune kutani ntlhanu wa tikilometro, va lo wo na Jesu na a famba hehla ka bimbi, a tshinela ngalaveni; va chava. Kanilezi i te ngalo kabye: Hi mina, mu nga chavi.