YOHANA 3இலிருந்து பிரபலமான வேதாகம வசனங்கள்

பகிர்

Okhuba Nyasaye yaheela muno abomushialo, okhuula khukhuhaana omwanawe omutelwa, kho mbu, omundu yesi yesi oumusuubilila aleshe okhufwa, habula abe nobulamu bweinziayo.

Okhuba Nyasaye shiyaruma Omwanawe mushialo okhukhalachila abomushialo eshiina ta, habula mbu, abe omuhonia wabomushialo.

Naye Yesu namukalusia naboola ari, “Ekhuboolela toto mbu, omundu yesi yesi shianyala okhulolakhwo Obwami bwa Nyasaye, nalebulwa obuyia tawe.”

Omundu yesi yesi ousuubilila Omwana oyo, shiakhalachilwa eshiina ta, nebutswa yesi yesi oulamusuubilila ta, amalile okhukhalachilwa eshiina, shichila shiyasuubilila mumwana Omutelwa wa Nyasaye tawe.

Ne obukhalachilwi bweshiina bwatsana mbwobuno mbu, obulafu bwa Nyasaye bwetsa mushialo, nebutswa abandu baheela eshiilima okhushila obulafu obwo, shichila ebiima biabwe nebimayanu.

Ye okhuula achinguushe muluyali, nasi okhuula ndituutuyie.”

Okhuba buli mundu yesi yesi oukholanga akobumayanu, shiyenyanga obulafu ta, khandi shiyetselanga mubulafu ta, okhuba ebikholebie ebimayanu ebio biakhetsukhana bialolekha habulafu.

Ousuubililanga Omwana oyo, ali nobulamu bweinziayo, ne oulahelesia Omwana oluyali nende okhumuhulila ta, shialaba nobulamu ta, habula eshinyasio shia Nyasaye shilaba khuye inziayo.

Ne shinga olwa Musa yachinguula inzokha yomukasa khumusaala mushitsiimi, nolwa Omwana womundu akhoyile okhuchinguulwa ario

Samwana omwana yaheela Omwanawe, ne nara ebindu biosi hasi wobunyalibwe.