လံာ်တၢ်ကဲထီၣ်အခီၣ်ထံး 22இலிருந்து பிரபலமான வேதாகம வசனங்கள்

பகிர்

စီၤအၤဘြၤဟၣ်ယုၢ်တၢ်လီၢ်န့ၣ်အမံၤလၢ, “ယဟိဝၤယံၤရၤ” အခီပညီ, “ယွၤထံၣ်တၢ်ဟ့ၣ်တၢ်” လီၤ. ဒီးတုၤလီၤလၢမုၢ်မဆါတနံၤအံၤဒၣ်လဲာ်ပှၤဂီၢ်မုၢ်စံး, “လၢယွၤအကစၢၢ်ဒီခိၣ်န့ၣ်ယွၤအိၣ်ဖျါထီၣ်ဝဲလီၤ.”

ဒီးကစၢ်ယွၤစံးဘၣ်အီၤ, “ဟံးန့ၢ်နဖိခွါ, နဖိခွါထဲတဂၤဧိၤလၢအမ့ၢ်စီၤအံၤစဲးလၢနအဲၣ်အီၤဒိၣ်မးတ ဂၤ, ဒီးလဲၤဆူကီၢ်မိၤရံယၤန့ၣ်တက့ၢ်. ဒီးဖဲန့ၣ်လၢကစၢၢ် တဖျၢၣ်လၢယကဒုးနဲၣ်နၤအဒီခိၣ်န့ၣ်လုၢ်ထီၣ်အီၤဒ်တၢ်လုၢ်တၢ်ပာ် တမံၤဆူယအိၣ်န့ၣ်တက့ၢ်.”

ဒီးကလူးန့ၣ်စံးဘၣ်အီၤ, “မၤဆါဖိသၣ်အံၤတဂ့ၤ. မၤအီၤတၢ်နီတမံၤတဂ့ၤ. ဒီးခဲကနံၣ်အံၤယသ့ၣ်ညါလၢနယူးယီၣ် ဒီးစူၢ်ကစၢ်ယွၤန့ၣ်လီၤ. အဂ့ၢ်ဒ်အံၤ, နဖိခွါထဲတဂၤဧိၤဒၣ်လဲာ်, နကလုၢ်ထီၣ်အီၤဆူယအိၣ် န့ၣ်နတလိးကီနဲဘၣ်.”

စီၤအၤဘြၤဟၣ်စံးဆၢဝဲ, “ကစၢ်ယွၤအနီၢ်ကစၢ်ဒၣ်ဝဲ ကဟ့ၣ်လီၤသိဖိတဒုန့ၣ်လီၤ.” ဒီးအဝဲသ့ၣ်ခံဂၤလဲၤသကိးတၢ်ဆူညါလီၤ.

ယအၢၣ်လီၤလၢယကဟ့ၣ်လီၤနၤလၢနစၢၤနသွဲၣ်တဖၣ်အါဝဲဂီၢ်ဝဲဒ်ဆၣ် ဧိၤဖီဧိၤလၢမူခိၣ်အသိးမ့ၢ်ဂ့ၤ, ဒ်မဲးဧိၤဟီၣ်ဧိၤလၢပီၣ်လဲၣ်နံၤအသိးမ့ၢ်ဂ့ၤန့ၣ်လီၤ. နစၢၤနသွဲၣ်တဖၣ်ကမၤနၢၤအဒုၣ်အဒါတဖၣ်န့ၣ်လီၤ. ကယဲၢ်ပှၤကလုာ်တဖၣ်ခဲလၢာ်ကဃ့ယၤလၢယကဆိၣ်ဂ့ၤအဝဲသ့ၣ်ဒ်ယဆိၣ် ဂ့ၤတ့ၢ်နစၢၤနသွဲၣ်တဖၣ်အသိးလီၤ. တၢ်ခဲလၢာ်အံၤမ့ၢ်လၢနစူၢ်တ့ၢ်ယကလုၢ်အဃိန့ၣ်လီၤ.”

တၢ်န့ၣ်တဖၣ်ဝံၤအလီၢ်ခံကစၢ်ယွၤမၤကွၢ်စီၤအၤဘြၤဟၣ်န့ၣ်လီၤ. ဒီးကစၢ်ယွၤကိးထီၣ်အီၤ, “စီၤအၤဘြၤဟၣ်ဧၢ,” ဒီးစီၤအၤဘြၤဟၣ်စံးဆၢအီၤ, “ကစၢ်ဧၢ, မ့ၢ်ယၤလီၤ.”

ဘၣ်ဆၣ်ဒီးယွၤအကလူးကိးဃီၤအီၤလၢမူခိၣ်, “စီၤအၤဘြၤဟၣ်ဧၢ, စီၤအၤဘြၤဟၣ်ဧၢ,” ဒီးစီၤအၤဘြၤဟၣ်စံးဆၢဝဲ, “ကစၢ်ဧၢ, မ့ၢ်ယၤလီၤ.”

ယွၤအကလူးကိးဃီၤစီၤအၤဘြၤဟၣ်လၢမူခိၣ်ခံဘျီတဘျီဒီး ယွၤကတိၤတၢ်စံးဝဲ, “ယမၤတၢ်ဆိၣ်တမံၤလၢယမံၤဒၣ်ယဲ အပူၤလၢ, ယကဆိၣ်ဂ့ၤနၤထူးထူးတီၤတီၤလီၤ. အဂ့ၢ်ဒ်အံၤ, နမၤတၢ်အံၤဒီးနဖိခွါထဲတဂၤဧိၤဒၣ်လဲာ်န့ၣ် နကလုၢ်ထီၣ်အီၤဆူယအိၣ်န့ၣ်နတလိးကီအီၤဘၣ်.

အကတီၢ်ဖဲန့ၣ်အဝဲသ့ၣ်ဟဲတုၤတၢ်လီၢ်လၢကစၢ်ယွၤစံးဘၣ်တ့ၢ်အီၤ လၢအဂ့ၢ်န့ၣ်, စီၤအၤဘြၤဟၣ်မၤထီၣ်ဝဲတၢ်လုၢ်တခါဒီးကျဲၤလီၤသ့ၣ်မုၣ်လၢ အဖီခိၣ်န့ၣ်လီၤ. အဝဲစၢဃာ်အဖိခွါဒီးပာ်ထီၣ်ဝဲလၢတၢ်လုၢ်လီၢ်အဖီခိၣ်လၢသ့ၣ် မုၣ်အဖီခိၣ်လီၤ.